Пет проекти за наредните три години планира да опфати Општина Битола во Развојната програма 2019-2021 година. Гасификација, обнова на Офицерскиот дом , реконструкција на улицата „Илинденска“ , реконструкција на други објекти и уредување на простор во рурални средини. Токму Предлог- програмата за развојни планови на Општина Битола 2019-2021 година предизвика бурна дискусија во Советот каде опозицијата критикуваше, а власта уверуваше дека градот се развива со вистинска насока.

Иванчо Тошевски советник на ВМРО-ДПМНЕ, рече дека за првпат развојната програма има само пет проекти и ништо друго.

-Кои од овие пет позиции сакате да ги разговараме, улица „Илинденска“ каде не се предвидени средстава за водоводна мрежа и канализација од буџетот на Општина Битола? Ако добро го следевте видеото „Нови визи за Битола“ Петровска призна, сакајќи или не, дека  гасификацијата ќе се користи за индустријата за општината. Прашањето до сите вас и до граданачалничката е како гасификацијата ќе се користи за затоплување на домаќинствата?, критикуваше Тошевски.

Препораките на ВМРО-ДПМНЕ за заштита од аерозагадувањето на прес конференција ги соопшти битолчанката Виолета Ковачевиќ која изминатите години додека ја обавуваше функцијата советник во битолскиот Совет за време на претходната власт, новинарите не паметат дека од говорница се жалеше на загадениот воздух. Екс советничката Ковачевиќ не остана запаметена по некоја дискусија во Советот како бара мерки за почист воздух.

И тогаш аерозагадувањето беше една од најгорливите теми за дискусија во Советот, а тогашната власт на чело со Владимир Талески изјавуваше дека мода било да се протестира за чист воздух. При жестоките дискусии за аерозагадувањето и последиците од него, од владечакото мнозинство доблест да зборуваат за темата најчесто имаа докторките Олга Лозановска и Соња Трпезановска. Другите советници од тогашната власт не останаа запаметени по некоја борба или предлози за почиста животна средина, освен што изјавуваа дека воздухот мириса на политика.  

Сега кога ВМРО-ДПМНЕ е опозиција, Ковачевиќ на прес конференција обвини дека Владата на СДСМ продолжува со својата неодговорна политика во однос со најгорливото прашање – загадениот воздух. Таа рече дека во услови на температури од 20 степени во тек на месеците октомври и ноември, највисоки во последните 20 години, има и рекордна загаденост на целата територија на Република Македонија со ПМ честички. Згора на тоа, секој ден има исклучување на мерните станици од државниот мониторинг систем, со оправдување дека се на сервисирање.

Во претходниот општински Совет, Ковачевиќ најчесто дискутираше на темите поврзани со образованието. Кога опозиционата СДСМ критикуваше дека училиштата тонат во долгови, што остана како последдица до денес, таа рече дека самиот факт што образованиот процес се реализира целосно и континуирано без застој и поголеми проблеми е доказ дека директорите и нивните управни и работни колегиуми одговорно, солидно и доста успешно си ги извршуваат задачите и обврските кои им се наметнуваат. Неоспорен е фактот дека дел од училиштата имаат финансиски проблем со блокирани сметски, но тој факт е земен во предвид при секоја евалуација, рече советничката.

По промената на власта, образованието имаше долг од 4,5 милиони евра.

Секој има право на критика и борба за чист воздух, само што неговото загадување и прочистување не зависи од тоа која партија е на власт, а која во опозиција.

Започна унифицирањето на оградениот простор пред кафулињата на Широк Сокак. Одлуката што ја донесе Советот на Општина Битола за унифицирана ограда пред кафулињата е во сила, а надлежните се надеваат дека сопствениците на локалите ќе ја почитуваат.

Деновиве две кафулиња на Широк Сокак поставија огради кои наликуваат на пропишаните услови од одлуката, односно се малинесто зелени со рамки со валкано бела боја.

Системот за мониторинг на крупен дивеч поставен минатата недела на Пелистер, утрово регистрираше срна која се шета на првиот снег во Националниот парк.

По пауза од три години, откако беше затворена единствената специјализирана продавница за книги во Битола, од денеска во градот повторно е отворена книжарница, овој пат на Литература.мк. Во простор од 20 м2 на Широк Сокак бр. 40 со модерен, артистички уреден ентериер, од „Литература.мк“ велат дека ги носат светските книжарски трендови и во Битола. 

Деновиве се затворија неколку кафулиња на битолски Широк Сокак, а сé погласно се зборува дека ваквиот тренд нема да запре тука.

Ова видео е прозвод на големата љубов и поддршка кон учениците од ОУ „Климент Охридски“ од Битола кои се борат со Дијабтесот тип 1. Во нивната борба, се вклучени нивните соученици од II-4 одделение заедно со наставничка -Весна Аврамовска Димитровска.