„Убавините на Пелистер“ од авторот Петар Ставрев по повод 70 години од прогласувањето на Пелистер за Национален парк, беше отворена денеска во фоајето на Центарот за култура во Битола.

Новинарот и фотограф Петар  Ставрев  на изложбата претстави стотина фотографии од Пелистер каде се претставени флората и фауната и сите нејзини знаменитости.

По кусо боледување во Кентербери, Англија, на 66 годишна возраст почина Горан Стефановски, еден од најреномираните македонски драмски писатели. Тој беше автор на легендарните и популарни драми „Јане Задрогаз“, „Диво месо“, „Лет во место“, „Хај-Фај“, „Дупло дно“, „Тетовирани души“, „Црна дупка“, „Демонот од Дебар Маало“. Неговиот потпис стои и на познатата ТВ-серија за опсименување на децата „Бушава азбука“, со која генерации деца научија да пишуваат и читаат.

Градоначалничката Наташа Петровска денеска ги прими ракометарките од ЖРК „Пелистер“ кои со победата над тимот „Ле Сал“ од Малта, и во гости и  на домашен терен, се пласираше во осминафиналето на Еврпскиот Челинџ куп, со што остварија историски успех за женскиот ракомет во Битола.

Битола и хидро системот Стрежево беа неговиот живот, раскажува за Апла.мк младиот адвокат Томе Делов за неговиот сега покоен дедо, по кого ги доби и името и презимето. Постариот Томе Делов, битолчани го паметат како еден од најкреативните директори на Јавното претпријатие „Стрежево“ кое го водеше во периодот од 1980 до 1997 година, творец на хидро системот- браната и вештачкото езеро.

Вандали ноќеска со прегорено масло ја испрскале фасадата на подрачното основното училиште „Кочо Рацин“ во селото Беранци, Општина Могила. Со прегорено масло од трактор испрскана е влезната врата и влезните скали како и голема површина од фасадата. Градоначалничката на Општина Могила Јасмина Гулевска го осудува ваквиот вандализам и бара од полицијата да се откријат и казнат сторителите . Настанот е пријавен во СВР-Битола по што се очекува да се изврши увид на лице место.

Во истовреме градоначалничката Гулевска , е револтирана што исто така синоќа во населеното место Могила вандали ги искршиле реквизитите и урабаната опрема во паркот „Димче Могилчето“ , така што крлешките ги откорнале и од бетонот.

Жителите на Могила велат дека е потребно поголемо присуство на полицијата на терен, за да не доаѓа до вакви настани.

Општината изгради и ново монтажно училиште во село Ношпал, каде токму денеска се става нова врата, па од локалната власт прашуваат на кого му пречи развојот на општината и изградбата на училиштата во селските средини.

Ова не е првпат вандали да дивеат низ Могила. Во изминатиот период, непознати лица во неколку наврати потпалуваа штали, бали и добиточна храна и уништуваа ниви. За десет месеци изгореа околу 5.000 бали сено, слама и луцерка и над 1.000 килограми собран тутун, a земјоделски производи се уништени и по нивите. Беа запалени шталата и плевната на лице вработено во спортската сала во Могила, сламата во сопственост на Општина Могила наменета за пелети за загревање на општинската зграда и на школото во Беранци, сеното и сламата во сопственост на семејството на градоначалничката, а беа уништени и ниви со тутун на советник од Општината и на лице вработено на стадионот. Досега, јавноста не е информирана дека се откриени пироманите и уништувачите.

Со свечена академија, што се одржа во Народниот театар во Битола, јавното претпријатие „Стрежево’ од Битола ја заокружи прославата по повод 40 години од формирањето на хидросистемот, еден од капиталните субјекти во Пелагонискиот регион со исклучително значење за водоснабдување на градот и околината и наводнување на земјоделските површини. Актуелниот директор Методија Гаматковски, во своето обраќање пред присутните, ја потенцираше важноста на „Стрежево“ за Битола и целиот регион.

Никола Груевски мора да биде вратен во државата и ќе биде вратен. Тој во овој момент е исто толку опасен за Македонија како и во моментот кога беше премиер, рече пратеникот и генерален секретар на СДСМ Александар Кирацовски.

Во тек е постапка за расчистување на случајот со оштетувањето на граничните камења на македонско-грчката граница и нивно обновување, соопштија од Министерството за надворешни работи на РМ.

Современ Центар за динамичка регулација и видео надзор врз сите објекти и зафати воведе ЈП „Стрежево“ на 40 роденден од постоењето на ова претпријатие. Со овој надзор претпријатието ќе има 24 часовен мониторинг и контрла врз сите објекти и зафати кои се во нивна надлежност, започнувајќи од зградата, стопанскиот двор, рибникот, зафатите, дури до најоддалечните точки кај грчка граница. На отворањето на Центарот кој е сместен во просториите на претпријатието, денес присуствуваа вработени, експерти од оваа област, директори, партеници и други гости.

Од лажго до манекен, од воспитани и невоспитани со лични проблеми советниците Борче Димитровски од ВМРО-ДПМНЕ и Борче Корлевски од СДСМ го допреа дното на политичка коректност откако на последната седница на Совет на која се разговараше за развојните програми на Општина Битола за наредните три години  дискусијата ја сведоа на улична кавга со груби навреди и лични квалификации. Дискусијата се вжешти околу Офицерскиот дом во Битола, неговата реконструкција и намерите за продажба за време на ВМРО-ДПМНЕ .