Комплексот згради „Стара болница“ е едно од ретките маала во Битола  каде се уште може да се слушне детски џагор.

Децата кои живеат тука може да се видат како играат фудбал или други игри пред зградите, што е вистинска реткост во денешно време. 

Овој месец се навршија 50 години од учеството на битолската младинска работна бригата „Илинден 1903“ на работната акција „Сава 68“ на која се подигале насипи за спас на Загреб од поплавување од реката Сава. Според објавата на битолскиот историчар Владо Темелковски Лавчан на својот фејсбук профил, во акцијата учествувале 120 бригадири од Битола, а бригадата трипати била прогласена за ударна.

Битолчанката Гордана Такец, поранешен адвокат и професор на факултет, горкото искуство од одлежувањето на затворската казна од две години и осум месеци во затворот Идризово го опиша во романот „Како го преживеав Виетнам“ што неодамна излезе од печат. Таа е меѓу ретките лица кои смогнале сила и искреност јавно да проговорат за периодот од животот додека биле затвореници. Покрај личната судбина, во романот ги опишува и животните приказни на останатите заробенички со кои се сретнала во затворот, и тоа, од 18 годишни жени до 88 годишната баба Цена осудена за одгледување канабис.  

Долги години маргинализираната Битола, во последно време стана центар во агендите на политичарите. За два месеца во градот двапати дојдоа премиерот Зоран Заев и лидерот на опозиционата ВМРО-ДПМНЕ, Христијан Мицкоски.

Денес се навршуваат 76 години од смртта  на Ѓорѓи Наумов, Блаже Рогозинаро и Кочо Десано, кои од бугарскиот фашистички окупатор биле осудени на смрт со бесење, а пресудите биле извршени на 21 јули 1942 година  во Скопскиот затвор

Членките на Организација на жени од Битола, бисерите на битолската архитектура ги навезаа на оригинални ракотворби кои можат да послужат како вредни сувенири од Битола. Петнаесете везови врамени и застаклени вчера беа изложени на Локум Фест во битолската чаршија, кој пак се одржува на Бит Фест. Со својата убавина и уникатност ракотворбите привлекоа многу посетители на нивниот штанд. 

Ревизорскиот извештај за финансиското работење на ЈП „Нискоградба“ ја потврди загубата од 32 милиони денари на ова јавно претпријатие за 2017 година. Управниот одбор во март годинава не ја усвои завршната сметка на „Нискоградба“, а зелено светло не даде ниту Советот на општина Битола, сомневајќи се во реалноста на прикажаните бројки.

Со црн спреј исчкртани се десетина автомобили на македонски летувалци во туристичкото место Сарти, на вториот крак во Грција. Вандали синоќа исчкртале автомобили на велешани и скопјани што биле паркирани пред хотелот „Сарти бич“. Ја исчкртале ознаката МК на регистарските таблички од возилата, а со црна боја ги исшарале и задните делови на дел од возилата. Сите десет возила се понови, меѓу нив има мерцедес, тојота, пежо и други скапи марки на автомобили, кои имаат нови регистарски таблички со ознаката МК.

Како дел од програмата на „Бит Фест“, а во организација на здружението на Центарот за културна деконтаминација – Битола, започна 12. издание на битолскиот фестивал на музиката и традицијата, „Локум-фест“ чија тридневна програма се одвива во старата битолска чаршија. Во првата вечер публиката имаше можност да ужива во звуците на бугарската група “Морски перли”, македонско-турскиот ансамбл „Балканатолија“ и „Чалгии мерак“.

Вечерва, главни ѕвезди се добро познатите „Баклава“ и гостите од Словенија групата „Ентузијазам“, а третата вечер, пак, ќе помине во знакот на „Вевки чалгија трио“ и гостите од Индија – „Тапи проџект“.