Спомен обележје за загинатите војници и цивили во Македонискиот фронт по повод сто години од крајот на Првата светска војна беше отскриено денес во новачкото село Брод.

Градоначалникот на Новаци Љубе Кузманоски рече дека споменикот ќе биде сведоштво за минатото, но и потсетник за во иднина заеднички да градеме мир.

Триесетишестгодишниот Б.М. од битолското село Гермијан  ги поместил и оштетил граничните камени меѓници меѓу Македонија и Грција и во полиција го признал делото, соопшти Министерсвото за внатрешни работи. Нема информација кои биле неговите мотиви за инцидентот.

Двајца битолчани и двајца скопјани биле уапсени откако полицијата кај нив пронашла паковки со хероин, информира СВР Битола.

На уапсените им е поднесена кривична пријава за неовластено производство и пуштање во промет на наркотични дроги, психотропни супстанции и прекурсори, а судија за претходна постапка од Основен Суд Битола им одреди притвор од 30 дена“, соопшти портпаролот на  СВР Битола, Сања Стаматова.

Завчера кај месноста Стрежевски пат, во близина на селото Могила, полицајци од ПС Битола и од Одделот за недозволена трговија со дрога и оружје ги уапсила З.Б.(25) и Ѓ.Ч.(30) од Битола и С.М.(38) и Р.Б.(26) од Скопје.

Кај нив биле пронајдени и одземени 89 грама хероин.

До средината на декември годинава, Битола ќе добие полигон за практична обука и полагање на практичен тест на идните возачи од нашиот град и регионот.  Зоран Кузмановски, управител на Сообраќајниот испитен центар ``АМ`` ДООЕЛ- Битола за апла.мк изјави дека проектот  за полигонот  е завршен и за десет од петнаесет дена ќе се изгради и полигонот. Локацијата на полигонот е одредена во близина на селото Долно Оризари и според Кузмановски тој ќе се простира на површина од 5 илјади квадратни  метри.

Драматургот Горан Стефановски, кој вчера почина на 66 годишна возраст во Англија, ќе биде кремиран, а по негова желба пепелта ќе биде расфрлена во водите на Охридското Езеро.

Пријатели на семејството Стефановски на социјалните мрежи вечерва ја Пренусваат информацијата дека кремирањето ќе се одржи на 5 декември во Бархам Крематориум во Кентербери, Англија во 9,20 часот. Пепелта по негова желба, во пригодна прилика, ќе биде расфрлена во водите на Охридското Езеро.

Стефановски беше роден во Битола, а последните години живееше во Англија. Со неговите драми Битолскиот Народен Театар го достигна врвот. Вчера, токму на денот на неговата смрт, на сцената на Театарот во Битола се играше неговата драма „Дупло дно“. Битолските театарџии на  фејсбук страницата  на Битолскиот Народен театар напишаа : „Вечерва додека ја игравме твојата ‘Дупло дно’ не напушти, но само физички зашто делата твои ќе ни останат во аманет да не потсетуваат дека суштината е да се биде не добар ами одличен уметник, а истовремено голем човек чиј збор треба и мора да се чуе.“

Тој беше автор на легендарните и популарни драми „Јане Задрогаз“, „Диво месо“, „Лет во место“, „Хај-Фај“, „Дупло дно“, „Тетовирани души“, „Црна дупка“, „Демонот од Дебар Маало“. Неговиот потпис стои и на познатата ТВ-серија за опсименување на децата „Бушава азбука“, со која генерации деца научија да пишуваат и читаат.

Граѓаните немаат доверба во Агенцијата за вработување, не веруваат дека активните  мерки и програми за вработување  можат да им помогнат при вработување, ниту пак дека се доволно ефикасни. Ова го покажува  истражувањето во рамките на иницијативата „Активни заедници за социјалани промени“ , во која е вклучен  и Младинскиот културен центар од Битола, како и неколку други невладини организации од Македонија. Активностите на терен се одвиваат  во општини-Битола,Тетово, Струмица и Свети Николе, како и градот Скопје. МКЦ користејќи ја методологијата,  работеше со граѓаните од улицата „Даме Груев“ во Битола.

Се сруши покривот на некогашниот Дом на млади во битолското село Бистрица, објект кој е прилепен до подрачното основно училиште „Крсте Петков Мисирков“ . Дел од гредите и ќерамидите  пропаднале во внатрешноста, најверојатно поради тежината на снегот што врнеше минатата  недела, врнежите од дожд и големата количина на влага врз целиот објект.

Сега родители на ученици реагираат  и стравуваат од рушевините, поради безбедноста на нивните деца.

Полицајка  од Полициска станица Битола, вчера попладне била физчки и вераблно нападната од млада девојка откако и побарала документи за идентификација, информираат од СВР Битола.

Државна видеолотарија,  за Универзитетската клиника за детска хирургија,  донираше мобилен ехо-апарат во вредност од 1 милион и 230 илјади денари