35 годишната битолчанка Мери Тошевска, болна од мултиплекс склероза, живее под кирија во стан во зграда на улицата „Партизанска“ во Битола, каде нема пристапни рампи и лифт за да излезе надвор. Бидејќи тешко се движи, доколку сака да вдише свеж воздух мора родителите со помош на соседите да ја кренат заедно со инвалидската количка и да ја пренесат преку единаесет скали.

Во Кривичниот суд во Скопје, денеска почна главната расправа по предметот „Транспортер“ каде обвинети се поранешниот градоначалник на Битола Владимир Талески и уште 20 лица за злоупотреба на службената положба.

Белградскиот мецосопран Ана Синицки деновиве со родителите ја посети Битола, градот од каде потекнува нејзиното семејство. Мајка ѝ е битолчанка, а татко ѝ има руско потекло, но и тој живеел во Битола.

Иако Ана е родена во Белград, а досега живеела во Србија, Италија и САД,  таа вели дека во срцето се чувствува како битолчанка.

Националната установа Универзитетска библиотека „Св.Климент Охридски“ – Битола во соработка со  ОУ „Даме Груев“ – Битола денеска го одбележа Меѓународниот ден на мајчиниот јазик.

Возач од Битола со иницијали П.Ц. во текот на вчерашниот ден бил пронајден починат на царинскиот терминал на Табановце, информираат од Регионалниот центар за управување со кризи.

Лицето на засега непозната возраст од вчера бил на терминалот во Куманово за да ги среди документите и обврските за камионот во кој што останал да преноќи. Во текот на утринските часови, околу 07:20 часот бил пронајден мртов.

Се интензивираат судските рочишта за екс градоначалникот на Битола Владимир Талески.

Оваа недела Талески има две судски рочишта за два одделни предмети, едниот во битолскиот суд, а другиот во Скопје.

 Денеска во Кривичниот суд закажано е судења за предметот „Транспортер“ на Специјалното јавно обвинителство.

Во „Транспортер“ обвинети се поранешниот битолскиот градоначалник Талески и уште 20-тина лица за злоупотреба на службената положба во врска со организирањето превоз на ученици во Битола, со што е направена проневера на околу 360.000 евра.

Минатото рочиште беше одложено, а судијката Добрила Кацарска како причина, образложи дека е тоа што се уште не е добиен одговор за поднесена жалба од Апелацискиот суд. Од истата причина беше одложено и рочиштето пред тоа. .

Во понеделникот во  Основниот суд во Битола, пак , повторно беше одложено судењето на екс градоначалникот на Битола Талески, обвинет за несовесно работење во службата, односно за недоволна грижа за Офицерскиот дом, објект под заштита, кој во изминатите години се руинира.

Адвокатот на Талески за медиумите изјави „Мојот клиент е животно заинтересиран оваа постапка да започне и заврши што поскоро за да ја докаже својата невиност”.

Дел советници од битолскиот Совет со наводно оправдување дека се на комисија  која  заседава за потребите на Советот , често отсустувале од работа, реагираат до редакцијата на  Апла.мк група битолчани. Како што е наведено, реакцијата се однесува на дел од советниците кои работат во некои од државните и општинските институции.