Македонија во моментов се наоаѓа на пресвртница во поглед на образованието, за која сите ние треба да дадеме свој придонес, рече Деан Илиев, потпретседател на Македонското научно друштво од Битола кое ја организираше меѓународната научна конференција „Образованието на крстопат“ во Битола.

12 491 350 евра e  вкупниот долг што екс градоначалникот Владимир Талески и го остави на  новата градоначалничка на општина Битола, Наташа Петровска. Од нив  3 339 211 евра општината должи по основ на пристигнати фактури за извршени работи и други финансиски документи, а 9 152 139 евра по основ на потпишани договори, на кои во најголем дел рокот за исплата им е поминат. Ваквите долгови ја прават општината неликвидна,  соопшти битолската градоначалничка Наташа Петровска на денешната прес конференција свикана со цел да ја информира јавноста за финансиската состојба која ја наследи во општината.

Стратегијата за културен развој  за наредните четири година е дел од обновата на државата, беше речено на дебатата „Дебати на тема Национална стратегија за култура 2018-2022″, што се одржа во Младинскиот културен центар во Битола, во соработка со Јадро- Асоцијацијата на независната културна сцена и Министерството за култура.

-Целата држава е во фаза на реконструкција на состојбите коишто во изминатите 12 години , беа донесени скоро до нула. Во таа смисла оваа стратегија во првата фаза предвидува една посериозна деконтаминација на културниот простор, којшто беше загаден и сеуште е загаден од разни импровизации , манипулации, се во интерес на една структура којашто земјата ја владееше така како што ја владееше, рече Ѓунер Исмаил, претседател на Советот  за култура во Министерството за култура.

Стратегијата ќе предвидува и неколку други работи во смисла на прегледување на сите закони и подзаконски акти, а ќе се завземе и една нова позиција на Министерството за култура која како што рече Исмил „досега беше во својство на еден наредбодавен орган и со јавните пари располагаше на мистериозен начин“.    

На дебата се отвори општа расправа за системската поставеност, главните недостатоци, за сегашната поставеност на системот на културни установи и за тоа дали е потребна нова инфраструктура и институции.

- Сите позначајни дебати ќе бидат земени во предвид и се надевам дека ќе најдат место во финалната фаза, а исто така нашата асоцијација има предвидено и јазична експертиза“,рече Јане Чаловски,од Јадро – Асоцијација на независна културна сцена .

Дебатите ќе се реализираат во месец ноември со цел  конструктивно и целисходно вклучување на сите засегнати страни во креирањето на стратегијата за културен развој која треба да биде усвоена во декември 2017 година.

Проектот „Дебати на тема Национална стратегија за култура 2018-2022″ го имплементира Јадро – Асоцијација на независна културна сцена во партнерство со своите членки, МКЦ – Битола, Стрип центар на Македонија – Велес, Медиа артес Охрид и ИНКА – Струга. Проектот е финансиран од Фондација Отворено општество – Македонија (ФООМ) а се реализира во соработка со Министерството на Култура на Република Македонија.

Владата ќе обезбеди средства за обнова на Офицерскиот дом во Битола. Исто така, од државниот буџет ќе се обезбедат пари и за изградба на споменик на вечниот дом на македонската поп-икона Тоше Проески во Крушево.

Децентрализацијата на културата е замислена во контекст на вкупната децентрализација на општеството,рече во Битола Ѓунер  Исмаил, претседател на Советот за култура, на прашањето, што ќе подразбира најавата за децентрализација на културата и дали тоа би значело кратење на парите за култура во локалните заедници. 

-Македонија има сирово, брутално, централизирана држава, во таа смисла надлежностите на локалните единици на самоуправата ќе бидат поинаку дефинирани. Тоа најмалку подразбира некаков  радикален зафат во некакви  манифестации или институции.Тоа ќе биде изложено на едно преиспитување на нивната позиција со располагање на буџетските средства на локалните заедници, 

Едно е јасно , пари нема, парите кои се предвидени во голем дел ќе одат на отплата на  беснеењето во изминатите 11 години, со тоа треба да сме начисто. А дека манифестациите ќе претрпат некои радикални измени тоа не би можел да го прејудицирам, прво да се преиспита што било тоа традиција, а потоа да видиме која манифестација зошто била традиционална и зошто треба или зошто не треба да биде, рече Исмаил. Тој денеска во Битола присуствуваше на првата од четирите предвидени јавни дебати во рамките на проектот Дебати на тема „Национална стратегија за културата 2018- 2022 година“. Проектот го имплементира Јадро- Асоцијација на независна културна сцена во соработка на Министерството за култура. Националната стратегија треба да биде готова и усвоена  до крајот на годинава.

Министерот за култура, Роберт Алаѓозовски, на својот ФБ профил објави фотографија од денешната средба со градоначалничката на Битола, Наташа Петровска, на која напиша
„Офицерски дом е наша заедничка обврска - ќе биде и наша заедничка гордост!“

Иако на паркингот пред Центарот за култура, паркинг местата се бележани на самата улица, некои возачи во изминатиот период се паркираа и на тротоарот. Со таквото несовесно однесување ги оштетија бехатон плочките со кои беше уреден делот од пешачката зона во центaрот на градот. Не е доволна само декларативна заложба за посреден град, туку треба на дело со своето однесување сите да покажат како се залагаат за поубава Битола.

Поради штрајк на грчките цариници, денеска на 9 ноември, преку граничниот премин Меџитлија, односно Ники на грчка страна, се пропуштаат само пешаци, додека сообраќајот за мотрони возила е во прекин, соопштуваат од МВР.  Штрајкот започна  во 05.00 часот и ќе трае до 05.00 часот на 10.11.2017 година.

На граничниот премин „Богородица“ (граничен премин „Евзони“) штрајкот започнал во 05.00 часот и ќе трае до 23.00 часот на ден 09.11.2017 година. Најавен е целосен прекин на сообраќајот на товарни моторни возила, додека патнички моторни возила и пешаци повремено ќе биле пропуштани.

На граничен премин „Стар Дојран“ (граничен премин „Дојрани“) започнал во 05:00 часот и ќе трае до 23:00 часот на 09.11.2017 година. Во наведениот временски период ќе бидат пропуштани само пешаци, а патничкиот и товарниот сообраќај ќе биде затворен во двата правци. Исто така и товарниот железнички сообраќај помеѓу Република Македонија и Република Грција е во прекин од 09.00 часот утринава.

Загина 19 –годишниот битолчанец Ѓорѓи Т., а неколкумина други се повредени во тешка сообраќајна несреќа  што утрово околу 8 часот се случила меѓу три патнички и едно товарно возило на патот Битола-Прилеп кај Петилеп, потврдија зa Апла.мк од битолската полиција.

Во сообраќајната несреќа учествувале три моторни патнички возила и едно товарно возило. Но, засега нема податоци како дошло до сударот. Тоа биле „рено твинго“ и „шкода“ со битолски регистарски таблички, мерцедес со скопски и камион „ман“ со велешки регистарски таблички. По сообраќајката возилото „мерцедес“ било изгорено. 

Увид на местото на несреќата изврши јавен обвинител и екипа од СВР..    

Студентските парламенти останати како реликвија на минатиот систем не само што не ја исполнуваат целта за која постојат туку и упатуваат на погрешна слика за тоа што претставува студентското организирање и вклучување на студентите. Ова меѓудругото беше истакнато на консултациите за студентско организирање што се одржаа на Правниот факултет во Битола во присуство на повеќемина студенти, младински и образовани организации.