Битолската полиција поднесе кривични пријави  против ЕЛЕМ  за загадување на животната средина и природа, како и против петмина поранешни директори и раководители во РЕК „Битола“, осомничени за соизвршителство во ова кривично дело. Тие пропуштиле да ги реконструираат филтрите на РЕК и дозволиле да се пропуштат штетни честички повеќе од дозволеното, а при отпепелувањето на одлагалиштето да се создаваат вртлози од пепел со што се зголемило загадувањето.   

Коста Хаџиантоновски, основачот на детското ликовно студио „Св. Кирил и Методиј“, по 37 години од „Мал битолски Монмартр“ и 36 години од Националната галерија, лобира и бара чаре како да обезбеди простор во градот за депо и галерија за над 55 илјади  жирирани детски ликовски творби, собирани низ годините.

Нема да дозволиме гасот да стигне до општина Битола, а во градот да не биде поставена примарната мрежа, рече градоначалничката на Битола, Наташа Петровска на денешната средба со директорот на Македонски енергетски ресурси-МЕР, Благојче Котевски, кој најави дека до јануари 2020 година гасоводната мрежа ќе стигне до Битола.

Општина Битола ја чинеше близу 9000 евра годинешниот дочек на Новата година на плоштадот Магнолија. Оваа сума е 6 пати помала во споредба со сумата  која ја трошел поранешниот градоначалник  Владимир Талески, или само 16 проценти од она што тој го прикажувал како трошок. Само еден месец по дочекот на Новата година, Општината даде отчет за потрошените пари, за разлика од бившата власт која 12 години не кажа колку чинат новогодишните забави и „Битфест“.

Грчката противпожарна бригада  на својот Твитер профил објави видео од извлекувањето  на мртвите тела на двајцата млади планинари од Скопје, кои  вчера ги загубија животите искачувајќи се на врвот Кајмакчалан од грчка страна.  

Извлечени се телата на двајцата планинари од Македонија од врвот Кајмакчалан и се симнуваат кон скијачкиот центар каде што доктори од итната служба ќе треба да констатираат дека момчето и девојката од Македонија се мртви, дознава МИА од грчката противпожарна служба.

Синоќа околу 23.30 часот на падините на Кајмакчалан загинале  двајца млади македонски планинари, на возраст од 26-35 години, јавуваат грчките медиуми.

Од нашето МВР велат дека се уште ја проверуваат информацијата.

Димче Јошевски од Дирекцијата за спасување во Битола со екипа од Спасувачи на планина веќе се подготвуваат со санка да тргнат на местото каде според телефоните ги лоцирале планинарите.

-Сега одиме во тек е акција, со хеликоптер не може да се замине па ќе одиме со санка. Станува збор за локација од Лутраки кон Кајмакчалан, кај  една од караулите. Но ги има шест караули и точно не знаеме каде се, изјави за апла.мк Димче Јошевски. 

Според него се работи за група од педесеттина  планинари од Скопје кои вчера заминале за Грција.

Во градот на кафето поскапи цената на кафето. Утринското кафе до 11 часот ќе изнесува 40 денари, а во останатиот дел од денот 50 денари.

Јавното претпријатие „Пазари“ од Битола се случувало во еден ден, а некогаш во два последователни денови  за сужбеното возило да точи гориво по 5000 денари, се пожали новиот директор Александар Касапов, на последната седница на Совет.

Традиционално, Амбасадата на Руската Федерација во  Македонија, го одбележе Денот на руската дипломатија во Битола. По тој повод амбасадорот на Русија Олег Шчербак, со претставници од локалната самоуправа и други делегации положија цвеќе на споменикот „Руски крст“ кај градското шеталиште, што е подигнат  во чест на рускиот императорски конзул Александар Ростковски, кој бил убиен во Битола пред 115 години кога ја извршувал својата дипломатска должност во Македонија.

-За време на 6 векови постоење на руската дипломатија ние секогаш ги негуваме сеќавањата за луѓето кои дадоа придонес за развој на руската дипломатија, а особено го негуваме сеќавањата за луѓето кои загинаа исполнувајќи го својот професионален долг. Меѓу таквите истакнати дипломати беше и  Александар Ростковски чиј споменик е подигнат овде во Битола.  Професионалниот  и човечкиот подвиг на Ростковски е дел од нашата заедничка историја, рече меѓудругото Олег Шчербак, амбасадор на Руската Федерација во Македонија на одбележувањето на Денот на руската дипломатија, денеска во Битола.