Денес Могила и Новаци избираат градоначалник. Во овие две пелагониски општини има прегласување во вториот круг од локалните избори, откако во првиот не успеаја да изберат кој ќе ги води во следните четири години.  

Битола е еден од градовите од внатрешноста која дала најголем број на новинари, камермани,  фоторепортери и други медиумски работници. Тешко е да се утврди точната бројка, но се проценува дека низ битолските медиуми до денес поминале околу 250 медиумски работници.

Кругот на општинската зграда во Новаци, од синоќа е излепен со изборни плакати на кандидатот за градоначалник од ВМРО-ДПМНЕ, Лазар Котевски.

Владимир Талески нема да се повлече од јавноса. Веќе нема да го гледаме во градоначалничкиот кабинет, туку на театарските штици. Откако му истече третиот градоначалнички  мандат, тој денес покрена постапка за да се врати како актер во Битолскиот народен театар.

Аматерскиот документарен филм „Пофалба за црвената телефонска кутија“, во траење од 8 минути, на авторот од Велика Британија, Џејмс Калмерс е добитник на „Гранд-при“ , наградата  на 25- Интерационален фестивал на аматерски документарен филм „Камера-300“-Битола. Наградените филмови на годинешното јубилејно издание на фестивалот ќе бидат прикажани во два дена , денеска и утре во две проекции во малата  сала на Центарот за култура во Битола.

Партиски митинг во салата во општина Могила одржа синоќа ВМРО-ДПМНЕ за поддршка во вториот круг на изборите на Стево Пивковски, кој тврдеше дека е независен канидадат.

Пивковски, срдечно го пречека и се поздрави со претседателот на ВМРО-ДПМНЕ, Никола Грувески, кој, на истото место, пред четири години,  во кампањата за локалните избори го нарече преварант. Синоќа заедно им се обратија на могилчани и ја побараа довербата од нив.

ЕЛЕМ започнува со преземање на мерки кои во иднина ќе го намалат загадувањето на животната средина, а на компанијата ќе и ја донесат долгоочекуваната А- интегрирана еколошка дозвола. Во таа насока денес во РЕК се одржа презентација на проект за десулфуризација од страна на експерти од кинеската компанија „JET inc“.

По повод 25 годишнината од воспоставувањето на дипломатските односи меѓу Македонија и Словенија, денеска, словенечка делегација предводена од Амбасадорот на Словенија во Македонија, Милан Јазбец и министерот за Словенци во странство од Владата на Република Словенија, Горазд Жмавц беше во посета на општина Битола. Делегацијата и претставници на словенечкото здружение „Триглав“ од Битола, се сретна со градоначалничката Наташа Петровска, која е и првата официјална средба што се оствари откако Петровска ја презеде функцијата градоначалник.

Клучот од општина Битола денес заврши во рацете на новата градоначалничка Наташа Петровска. Симболично, по влегувањето во градоначалничкиот кабинет, и го даде екс градоначалникот Владимир Талески. Овој клуч не само што ја отклучува општинската врата, туку е и вреден сувенир кој се доделува по втор пат во историјата на градот. Првиот клуч беше направен пред десетина години и подарен на француската општина Епинал по повод 40 години од збратимувањето со Битола.

Пратениците Васко Ковачевски од СДСМ и Горан Милевски од ЛДП присуствуваа на денешната конститутивна седница на битолскиот Совет. Тие и честитаа на новата градоначалничка Наташа Петровска и на советниците од новиот состав за мандатите.

-Имав покана, но и моја обврска беше да присуствувам на седницата, да им посакам успех на сите избрани членови на Советот. Се надевам дека сите заедно со новата градоначалничка Наташа Петровска ќе работат во интерес на сите граѓани на Битола- рече Ковачевски.

Милевски рече дека со ова се стави крај на коруптивносто владеење на претходната власт.

-Долго го очекував овој момент, да настане промена на власта и да се промени криминалното и коруптивно владеење за кое предупредував уште како советник во 2005 година. Не би го пропуштил овој настан за ништо поради промената на локалната власт,а и за тоа што ЛДП ќе има свој кадар за претседавач на Советот во Битола- рече Милевски. 

На седницата не се појави ни еден од пратниците од редовите на ВМРО-ДПМНЕ, ни Лилјана Кузмановска, ни кандидатот за градоначалник Зоран Илиоски, кој од Петровска беше поразен во првиот изборен круг.