Средовечен битолчанец, утрово околу 7 часот, починал при утринската прошетка на Тумбе кафе. Несреќата се случила во близина на скалите пред искачувањето на оваа рекреативна зона. Настанот ги вознемирил битолчани кои  редовно секое утро рекреираат и се искачуваат на ридот.

Во Битолската библиотека „Св. Климент Охридски“ беше одржана работна средба на в.д. директорите на националните институции Завод и музеј – Битола, д-р Мери Стојанова и НУУБ „Св. Климент Охридски“ - Битола, м-р Јелена Петровска и историчарот проф. д-р Александар Литовски со почесниот конзул на Р. Австрија во Р. Македонија д-р Валентина Илиева. 

Состанокот беше инициран како можност за соработка на институциите од културата со Конзулатот на Р. Австрија во Битола. Беа презентирани информации во врска со организацијата и подготовките за симпозиумот „Почетоците на Австриската дипломатија во Македонија –со посебен осврт на Австриско – унгарскиот конзулат во Битола/Монастир 1851-1919“, кој ќе се одржи во Битола на есен во 2018 година во библиотеката. Во истиот период се планирани и други активности поврзани со темата како што е пригодна изложба и распишување на конкурсот за ликовни творби на зададена тема со ученици од основните училишта. 

Се разговараше за можни идни заеднички проекти од двете институции, но и за конкретни активности за поголема препознатливост на институциите од културата во градот. 

Со почесниот конзул се договорени литературни читања на германски и македонски јазик како дел од програмата за доближување на светската книжевност кон читателите во Битола. Во втората седмица на месец март во план е организација на семинар за професори по германски јазик и литературно читање на авторката Ренате Велш од Виена Австрија.Веќе традиционално во октомври се планираат и активности поврзани со манифестацијата „Австрија чита 2018“.

Генералниот секретар на СДСМ, битолчанецот  Александар Кирацовски, присуствуваше на 66-от молитвен појадок во Вашингтон кој беше организиран од претседателот на САД, Доналд Трамп.

Битолчани  ќе може да чуваат повеќе од две кучиња во едно домаќинство. Уставниот суд, по иницијативата поднесена од Здружението за заштита на животните „Анима мунди“, го укина членот 106 од Одлуката за комунален ред на Општина Битола, донесена од Советот  во 2012 година, со која беше предвидено во едно семејно домаќинство да може да се чуваат до две кучиња. 

Од Општината соопштија дека за ист случај за легализација на дивоградба, во изминатите години една општинска служба го завршувала процесот и се чекал уште потписот на градоначалникот, а друга констатирала дека објектот бил бесправно изграден подоцна од законскиот термин, поточно по 2011 година. 

Со цел поголема безбедност во сообраќајот, од Општина Битола  рамислуваат во иднина да се подигнат странични ѕидови на обиколницата  во делот што минува низ дивата ромска населба.  Во тој дел магистралниот пат е претворен во депонија со расфрлен  и запален смет.

Генералниот секретар на СДСМ, битолчанецот Александар Кирацовски, како пратеник е составен дел од македонската делегација која престојува во САД, а ќе има можност да присуствува и на Молитвениот појадок во Вашингтон каде се очекува да биде и претседателот на САД, Доналд Трамп.

Врнежите од снег вечерва предизвикаа проблеми во сообраќајот на некои патни правци, посебно на планиските превои.

Обиколницата над  Битола, која е дел од магистралниот пат Охрид-Битола-Прилеп и натаму не е во функција поради  ново свлечиште, кое се појави, додека се санираше стариот одрон од ридот. Иако беше најавено дека привремено решение ќе биде поставување на семафори, со кои сообраќајот би се одвивал  наизменично, по една коловозна лента, со цел тешките товарни возила да не транзитираат низ градот и доплнително да го загадуваат воздухот, сепак, ваквото решение со појавата на новото свлечиште не можеше да се реализра. Од   јавното претпријатие за државни патишта, велат  дека заради безбедност на возачите и минувачите, полицијата и изведувачот одлучиле обиколницата да не се отвора за сообраќај.