На 6 февруари 1945 година во битолската Гимназија, за прв пат во едно македонското средно училиште се одржа наставен час на современ македонски јазик. Овој датум е неизбришлив и длабоко врежан во поновата историја на македонскиот народ. Од наредниот ден, на македонски, почна да се предава и во другите тогашни средни училишта.

„Србија никогаш не се мешала во односите меѓу Македонија и Грција. Ние ќе го почитуваме сето она за што ќе се договорат во тој поглед. Република Србија ѝ сака секое добро на Македонија како на наш непосреден сосед, наш традицонален пријател и тука работиме и се трудиме нашата соработка да биде подобра. Искрено се надеваме дека  и тоа прашање Македонија заедно со Грција ќе успее да го реши и целиот регион да се сврти напред, имаме сега историска шанса од ЕУ за Западен Балкан, ни отвори можност сите со своите напори да го оставриме она што е стратешка цел на секоја земја на Балканот, а тоа е членство во Европската Унија“, рече амбасадорката   

Амбасадoрката на Република Србија, Душанка Дивјак Томиќ, при денешаната посета на Општина Битола изјави дека со градоначалничката Наташа Петровска разговарале заедно да работата на развивање на меморијалниот туризам посебно во периодот кога се одбележуваат сто години од крајот на Првата светска војна.

Пелагонискиот регион е на прво место во земјава по морталитет од малигни неоплазми во 2016 година покажа истражувањето на Институтот за јавно здравје во Република Македонија. Според објавените податоци, Пелагонискиот регион предничи по бројот на смрттни случаи од рак сметано на 100 000 жители по статитички региони во Македонија.

За поголема безбедност на пешаците и за уредување на пешачките зони во завршна фаза е изградбата на тротоарите и пешачките патеки во населбата Мал Париз во Битола. Оваа фаза е дел од проектот Изградба на улицата „Даме Груев“ во населбата Мал Париз. Новите тротоари и пешачки патеки во оваа фаза ќе бидат изградени во делот, каде што е завршена постапката за експроријација на земјиштето, во должина од 1000 метри. Истите беа дел од големите инфраструктурни потреби на жителите од оваа населба од периферијата на градот .

„Името не го даваме, стомакот го дадовме“ е новта парола испишана на зградите спроти Офицерскиот дом во Битола, а поврзана со актуалната состојба со преговорите за името со Грција.  Битолчани се прашуваат дали паролата се однесува на дел од граѓаните кои се прикажуваат како големи патриоти и во јавноста најостро се противат на било кое друго решение освен уставното име на Македонија, а редовно одат на гиро во Лерин, на јаре во Лутраки, на шопинг во Солун? 

Советот го усвои Локалниот акционен план на Општина Битола во областа вработување, домување, образование, здравство и жената Ромка за периодот 2018-2020.

Уметници го исцртаа и обоија трансформаторот пред Офицерскиот дом во Битола со што се менува сивилото пред овој објект со културно-историско значење.

Нивото на Црна Река во Пелагонија опаѓа, откако по обилните врнежи од дожд викендов, водата се излеа од коритото на потегот од демирхисатското село Доленци до  крушевски Бучин и ги поплави земјоделските површини засеани со житни култури. Жителите велат дека поплавите ќе ги преполоват приносите.

Обилните врнежи и излевањето на водотеците предизвикаа поплави и во демирхисарско. Покрај нивите, под вода се најде и локалниот пат кон село Мало Илино, а заради одрони и свлечишта, непроодни беа и неколку патни правци кон демирхисарските села. Од демирхисарката локална самоуправа велат дека по интервенциите на јавното комунално претпријатие овие патни правци сега се проодни.

Во новачкиот дел од Пелагонија, кој пред три години беше погоден од големи поплави, состојбата засега е под контрола.

Метеоролозите најавуваат нови врнежи од дожд оо среда, кои ќе бидат со слаб до умерен интензитет и ќе дува умерен до засилен ветер од југоисточен правец.

Потоа во наредните два дена ќе преовладува сончево со умерена облачност и со благ пораст на температурата.

Нов влажен бран со пообилни врнежи се очекува во сабота.

Со навремена реакција и интервенција на битолската полиција  во Клиничката болница  во Битола   било спречено да избувне нова тепачка  меѓу поголеми групи што се собрале  во болницата, откако таму на лекување завчера беа пренесени лицата повредени во масовната тепачка во хотел во ресенското село Царев Двор.