Вo 1987 г. во Скопје почина Лазар КАЛАЈЏИСКИ-Добри, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија, полковник на ЈНА.

Почна процесот за стандардизација на касетно отпепелување во РЕК Битола, а куповите од нестандардизирано одложената пепел се затрупуваат со земја и се врши континуирано пошумување на овие површини. За овие активности денеска биле известени активистите  од неколку граѓански  здруженија   на информативната средба со раководството  на РЕК Битола и претставници од ЕЛЕМ.

Министерството за земјоделство започна ревизија на доделувањето на државно земјиште за време на претходната власт.

Јени џамија, заштитен споменик од прва категорија, го покажа реставрираниот надворешен лик. Со реставрацијата на објектот му се врати надворешниот изглед што го имал при градбата  пред повеќе векови.

Битола следната година ќе биде град домаќин на повеќе активности што ќе се одржат по повод одбележување на два значајни јубилеи  - 70 години од постоењето на Државата Израел и 75 години од протерувањето на Евреите од Република Македонија во логорот Треблинка. Манифестацијата  „Марш за живите“ ќе се одржат на  11 март 2018 во Битола, кога со  марш од 2 км, на кој ќе учествуваат граѓани, претставници на цивилното општество, пратеници, министри, политичари од Израел и Македонија,  ќе се оддаде почит на настраданите 7.144 Евреи.

Секторот за Внатрешни работи- Битола вчера до Основното јавно обвинителство  поднесе кривична пријава против Р.А.(45) и Б.Г.(33) и двајцата од Република Албанија, поради постоење основи на сомнение за сторено кривично дело “неовластено производство и пуштање во промет на наркотични дроги, психотропни супстанци и прекурсори“, предвидено и казниво по член 215 став 1 од КЗ на Република Македонија.

Вo 1920 г. во Софија, Бугарија е родена Лилјана Ахилова ЧАЛОВСКА, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија, новинар, политичар, општественик и поет.

Здружението за хуманитарни дејности „Лајонс Клуб Кабадаја“ од Битола денеска организираше традиционално Дефиле низ Широк Сокак по повод Меѓународниот ден на лицата со инвалидитет. Учениците од основните и средните училишта од Битола се собараа на плоштад Магнолија, а во исто време пред Офицерскиот дом се собраа децата од Заводот за рехабилитација на говор, слух и глас „Кочо Рацин” Битола.

Со семафори кои наизменично ќе ги пропуштаат возилата по една коловозна лента, ќе се регулира сообраќајот на обиколницата над Битола која поради одрон на камења е затворена повеќе од една година. Од Јавното претпријатие за државни патишта најавуваат дека деновиве ќе биде отворена, иако станува збор за времено решение, додека се работи на санација на свлечиштата на овој дел од  магистралниот  пат Охрид-Битола-Прилеп. 

Градежните работи на обиколницата  почнаа пред неколку недели, а  на местата каде има одрони се поставуваат челични мрежести коцки со камења. Но, деновиве  се активираше и ново свлечиште, што дополнително ја усложнува работата 

Ученици по виолина од Државното музичко училиште во Битола освоија први награди на меѓународниот натпревар за камерна музика „КМК Кавадарци“, кој се одржа на 30 ноември во во Кавадарци.