Нашата работа ќе биде видлива, транспарентна и отчетна. Советот ќе биде подршка на новиот градоначалник, но и коректив на нејзината работа, на работата на општинската администрација, порача Валентин Груевски , носител на листата на СДСМ и коалицијата.

-На 16 октомври  да го почестиме Талески со едно големо сиктер кафе, како симбол дека тој, неговите пајташи и политиките кои ги водеше никогаш повеќе не смеат да и се случат на Битола, порача Груевски во изборната кампања.  

СДСМ и коалицијата-17 советнички мандати, ВМРО-ДПМНЕ -11, „Поинаку“ -2 советника, и коалицијата на Албанците „За Битола“ -1 советник, ваква е сликата од вчерашното гласање на шестите по ред локални избори во Битола за новиот состав на Советот на Општина Битола.  

Битола за првпат ќе ја води жена.

Наташа Петровска од СДСМ ја доби довербата на граѓаните во првиот круг и  ќе биде првата жена градоначалник во Битола.

Досега  со градот управуваа само градски татковци.

Битолчани избраа живот во Битола за сите, порача пратеникот од СДСМ, Васко Ковачевски. Тој ги соопшти податоците од аналитичкиот центар на партијата , па од обработени 75 проценти на податоци од избирачките места рече дека водството на Наташа Петровска е убедливо. 

Наташа Петровска, која успеа да стане градоначалничка на Битола, издвојувајќи победа уште во првиот круг, вечерва им се обрати на морето од насобрани битолчани кои славеа пред штабот на СДСМ.

Штама пред општинскиот комитет на ВМРО-ДПМНЕ во Битола. Под клуч е вечерва седиштето на партијата на Никола Груевски во строгиот центар на Битола. Колегите кои се терен велат дека „нема жива душа во комитетот“ ,

Наташа Петровска е новиот градоначалник на општина Битола.

СДСМ и коалицијата слават. Наташа Петровска води убедливо со над 7500 гласови, пред Зоран Илиоски од ВМРО-ДПМНЕ . Пратеникот Васко Ковачевски најави победа за градоначалник на Општина Битола ,и убедливо мнозинство во Советот. Според аналитичкиот центар на СДСМ, од обработени  избирачки места 17000 гласови одат на контото на  Наташа Петровска , наспроти 9300  гласови за Зоран Илиоски. Од СДСМ велат дека„ граѓаните на Битола докажаа и покажаа дека сакаат живот во Битола за сите“.

Според информации од ОО на СДСМ, од обработени гласови од 38 избирачки места, СДСМ е во водство. 

Тројца битолчани денеска се приведени и задржани во СВР-Битола,  поврзани со денешното гласање за локалните избори, потврди портпаролот на полицијата, Лефтерија Миленкоска, за апла.мк. Миленкоска , само потврдува дека три лица се  приведени во полиција и со нив се работи, но не кажува за каков случај станува збор. Подетални информации таа најави за подоцна. Неофицијално се зборува дека се работи за поткуп на гласачи.