Ексградоначалникот на Битола Владимир Талески,  денеска полни 59 години.  После 12 години локална власт во Битола, нему му се суди за криминал со бесплатниот школски превоз, како и за негрижа за Офицерскиот дом во Битола. Пред 13 години на денешен ден Талески како кандидат за градоначалник на ВМРО-ДПМНЕ во Битола,  во изборната кампања ги честеше своите соопратијци во еден од кафичите на Широк сокак.

Владата ја усвои информацијата за реализација на проектот „Изградба на Пречистителна станица за отпадни води и рехабилитација и проширување на канализационата мрежа во Општина Битола“.

Битолскиот тим за брз одговор и спасување на планина на Дирекцијата за заштита и спасување,  викендов учествуваше на тренинг вежбата за спасување на планина „Попова Шапка 2018“, која е дел од планот за обуки на ДЗС за оваа година.

Организацијата на жени од Битола во рамки на чествувањето по повод 8-ми Март додели признанија на дваесетина кул битолчанки кои се посветени на својата професија и преку неа прават добри дела за градот.

Во пресрет на Меѓународниот ден на жената, Општина Битола во соработка со канцеларијата на ОН за родова еднаквост  и со поддршка на министерствата за внатрешни работи и труд и социјална политика, денеска одржа регионална конференција на тема „Јакнење на соработката меѓу општините во пелагонискиот регион за подобрување на превенцијата и заштитата на жените и девојчињата од насилство“.

„Од она што го побарав како извештај за тоа што се случува со киното 'Манки', мора да признам дека огромен број на средства се потрошени за него, а се уште сме едалеку од можност за истиот да биде ставен во функција зашто внатрешно, ентериерно, воопшто и не е направено. Факт е дека се уште треба да се трошат средства за истото да биде ставено во функција, а се надвор од она што ни беше ветувано во изминатиот период од претходната локална самоуправа.

За киното 'Манаки', Министерството за култура не идвои средства, но издвои за Офицерскиот дом, зграда која ако ја оставиме онаква каква што е оставена до сега, само можи во следниот период да се дораспадни, па да нема што да спасуваме.“

Дваесетина патници од Битола и Прилеп, меѓу кои и бремена жена, вечерва два часа останале заглавени во автобус, на стариот пат од Скопје за Велес. Патниците кои се јавија во нашата редакција реагираа дека сообраќајот од 18 часот бил запрен заради сообраќајна несреќа, имало полициско присуство и не им се дозволувало на возилата да продолжат по патот.

Бизарна случка што предизвикала нервоза кај патниците била причина утрово за доцнењето на возот на релација Скопје –Битола.

Машиновозачот  случајно ги затворил во кабината клучевите од влезната врата на кабината на  возот кој во 6 часот и 42 минути тргнал од Скопје за Битола. Кај железничката станица кај ,,Кадина река” , машиновозачот се симнал од кабината и застанал до возот додека чекал да стигне втор воз од спротивен правец  за  да се разминат на оваа желeзеничка станица. Tокму тогаш се затворила вратата од неговата кабина, а во неа и клучевите со кои единствено можел да ја отвори вратата.

Машиновозачот долго се обидувал да  ја отвори вратата, а  нервозата на патниците растела бидејќи ситуацијата се издолжила еден час и десет минути.  Најголем дел од патниците биле работници кои се враќале од трета смена од работните места во Скопје.

Резервните клучеви биле пратени од Скопје со друг воз по што ја отвориле вратата од кабината.

Македонски железници транспорт, ја потврди информацијата за медиумите со најава дека согласно правилникот за работа против машиновозачот ќе бидат преземени соодветни мерки за овој случај.  

Во рамките на тродневното одбележување на празникот 8 ми Март, Организацијата на жени од Битола, во партнерство  со Националната установа Универзитетска библиотека „Св.Климент Охридски“-Битола, ги додели наградите од конкурсот за краток расказ на тема „Она што не и кажав на мојата учителка“. Првата награда ја доби Ана Георгиева од Штип, втората награда е доделена на Божана Тренчевска од Прилеп, а третата  награда отиде во рацете на уште една штипјанка, Нина Стојанова.

Во градот кадешто аерозагадувањето е топ-тема и секој ден се дискутира за неа или се пишуваат статуси на Фејсбук, вандали истуркаа десетина новозасадени елки во Нова Битола. Беа засадени пред еден месец во рамките на проектот на Општината, наречен „За зелена Битола“.