На 01.11.2025 во 23:00 часот во с.Црноец, битолско, полициски службеници од СВР Битола ги лишија од слобода А.Д.(49), К.С.(43), Р.Б.(48) и Б.Н.(53), четворицата од Косово, Г.С.(51), И.Ж.(41), М.Х.(43) и В.Л.(43), сите од Битола и В.М.В.(59) од Штип. Тие се затекнати во дворното место на М.Х. во селото, каде што организирале нелегални борби со кучиња. Притоа, пронајдено е едно повредено куче и предмети кои потекнуваат од кривичното дело.
По целосно расчистување и документирање на настанот, против лицата ќе биде поднесена пријава по член 233 од Кривичниот законик – „мачење животни“

Секој обид да се зборува за значењето на една сама по себе  антологиска изложба ќе биде блед обид да се долови значењето на истата. Пасијата со која Сашо Ставрев ги ,,следи и лови’’ ликовите на лауреатите, бројните актери , директори на фотографија, сниматели, продуценти, оскаровци присутни сите овие години на ИФФК ,,Браќа Манаки”претставува живопис на еден фестивал кој  ни го донесе светот дома, а нас битолчани  во светот на филмската магија…  Дека пасијата е наследна, тоа  е повеќе од јасно и во оваа изложба каде тивко се провлекува раката на Петар Ставрев . Благодарност за настапот на деветгодишната Теона Димеска која што го разубави целиот настан со својот настап на виолончело заедно со својот учител Зисо Пуровски, како и до Гоце Стојановски директор на Државен архив одд. Битола за топлите зборови на отворањето на изложбата .  Истата е овозможена со Поддршка на Министерство за култура и туризам и е достапна наредните денови во Кристалната сала на Офицерски дом , КИЦ Битола.  

Фатен крадец во Битола, украденото вратено на сопствениците

Фатен крадец во Битола, украденото вратено на сопствениците

Центарот за култура Битола слави 45 години постоење! Зградата на Центарот за култура и Народниот театар за почна да се гради 1975 година со самопридонес на граѓаните на општина Битола. Свеченото отворање се одржа на 11 октомври 1980 година, а како прв директор беше назначен општествено политичкиот работник Петар Целаковски. Со институцијата раководеа и Љупка Коларова - Пајевиќ, Борис Чоревски, Ана Бегајовска, 

Маја Андоновска - Илијевски, Влатко Илиевски и  Сашо Илковски.  Центарот за култура е главен носител на збиднувањата од културата во Битола со бројни манифестации, изложби, промоции.     

Денес беа врачени Уверенија за избрани советници во новиот Совет на општина Битола кој ќе одлучувс во наредните 4 години. Уверенијата беа врачени од страна на претседателот на Општинската изборна комисија Игор Талевски.  ВМРО-ДПМНЕ Битола и коалицијата освоија 16 советнички мандати со вкупно освоени 16176 гласови - Филип Поповски, Бојан Бојкоски, Наташа Марковска, Илија Келепуровски, Марина Крстиќ, Александар Цветаноски, Мартин Ивановски, Кети Јосифовска, Александар Јаневски, Ангела Здравковска, Златко Лозановски, Александра Лазаревски, Љубе Никлески, Кире Ризески и Јована Спасеноска, Илче Кочишки.   

СДСМ и коалицијата освоија 5 советнички мандати со освоени 5386 гласови - Петар Николовски, Софија Ристевска-Петрушева, Јадранка Павловска, Драги Крстев и Александар Дракуловски.

Поинаку освоија четири советнички мандати со освоени 4148 гласови - Миле Трајковски, Снежана Василевска, Иван Чулакоски и Никола Гагоски. 

Левица освоија два мандати со освоени 2237 гласови- Горан велевски и Гаврил Трајковски 

ЛДП и коалицијата еден мандат  со освоени 1154 гласови - Димитар Кузамоновски 

ЗНАМ - Движење за Македонија еден мандат  со освоени 1357 гласови - Јагода Талевска 

Граѓанска Иницијатива ГРИН освои еден манадат со освоени 1041 глас - Стефан Тековски 

ДУИ освои еден мандат со освоени 1004- Валдета Мусаи Фејзуловска  

Оваа вечер (31 октомври) со почеток во 19 часот, во Кристалната сала на КИЦ – Офицерски дом во Битола, ќе биде отворена фотографската изложба „45 години Интернационален Фестивал на филмската камера Браќа Манаки“ на битолскиот фотограф Сашо Ставрев.

Изложбата, поставена на 28 големи паноа (90×130 см), содржи неколку стотици фотографии кои ја прикажуваат богатата историја на најстариот фестивал во светот посветен на кинематограферите. Ретроспективно поставена по години, изложбата претставува уникатна фото-архива што ги следи сите значајни настани, гости и лауреати кои во изминатите 45 години продефилирале низ филмскиот град Битола.

Авторот Сашо Ставрев, речиси четири децении присутен со својот фотоапарат на сите фестивалски изданија, со гордост го продолжува семејниот аманет на својот татко Петар Ставрев, кој уште од шесто издание го фотографира овој фестивал. Нивниот труд претставува единствена и комплетна фото-колекција за Фестивалот во светски рамки.

Посетителите ќе имаат можност да видат фотографии од најзначајните моменти на Фестивалот, од првите „Денови на Југословенската камера“ до денешните изданија на „Браќа Манаки“, како и портрети на добитниците на наградите „Златна камера 300“, „Специјална камера 300“, „Креативна синергија“ и „Пионер во професијата“.

Во објективот на Ставрев низ годините се нашле бројни филмски легенди – добитници на „Оскар“, како Свен Никвист, Фреди Френсис, Мирослав Ондричек, Виторио Стораро, како и актери и филмски работници меѓу кои Клаудија Кардинале, Кетрин Денев, Џулиет Бинош, Бранко Лустиг и многу други.

Посебен дел од изложбата е посветен на рубриките „Татко и син“ и „Повторно доаѓање“, во кои Ставрев ја прикажува поврзаноста помеѓу генерациите кинематографери и нивното повторно враќање во градот на првите сниматели на Балканот, Милтон и Јанаки Манаки.

Ставрев најавува дека оваа изложба ќе биде претставена и во други градови низ Македонија, а потоа и во КИЦ-овите во Белград, Загреб, Софија и Истанбул. Воедно, семејството Ставрев работи и на голема монографија посветена на Фестивалот „Браќа Манаки“, која треба да биде објавена следната година како единствена целосна хроника на овој значаен филмски фестивал.

Фотографии: Сашо Ставрев

Ликовниот уметник и педагог Панде Петровски е добитник на наградата „4 Ноември“ за животно дело за 2025 година што ја доделува градот Битола. Ова е одлука на УУправниот одбор на Фонодот за наградата „4 Ноември“. Ликовниот уметник Панде Петровски остави голем белег како во битолската така и во македонската уметност. 

Роден е 1939 година во Брусник – Битола. Завршил Педагошка Aкадемија во Скопје, а во 1963 година со студиски престој во Италија. Има отворено над 25 самостојни, а учествувал и на околу 100 групни изложби во Македонија и странство. Учествувал и на дваесеттина меѓународни ликовни колонии во Македонија, Србија, Албанија, Црна Гора и Романија. Повеќе пати е наградуван за афоризам и карикатура.

Член на ДЛУМ (Друштво на ликовни уметници на Македонија), ДЛУБ (Друштво на ликовните уметници на Битола) и МНД (Македонско научно друштво – Битола).

Градоначалникот Тони Коњановски го доби уверението за вториот мандат.

Тој се обрати до јавноста-

Денес, со врачувањето на Уверението за избран градоначалник, кој ќе раководи со општина Битола во наредните 4 години од страна на претседателот на Општинската изборна комисија Игор Талевски, влегувам во новиот четиригодишен мандат, како градоначалник на општина Битола.

Зад себе оставам мандат со четири години посветена работа во интерес на граѓаните на Битола. Кога ќе направам ретроспектива на изминатите 4 години, во кои се реализирани стотици проекти кои донеле подобар живот во општината и подобри услови за граѓаните, не можам, а да не бидам горд. Се градеше насекаде, од централното градско подрачје, до најоддалечените рурални места. Се работеше на јавните објекти, топлификацијата, инфраструктурата, културата, спортските објекти, се изградија патишта од над 50 километри.

-И сѐ уште се гради, не само поради проектите кои што ги започнавме, туку затоа што веруваме дека нашиот град заслужува да има иднина, заслужува да биде поквалитетно место за живеење и заслужува да се движи напред. Во следните четири години, очекувам дека ќе дојдат резултатите со кои ќе се заокружат најголемиот дел од сегашните проекти и од еден град кој пред само неколку години беше слепо црево, Битола ќе си го врати својот препознатлив сјај. Битола и битолчани го заслужуваат тоа.

Поставивме цврсти темели врз кои ќе може да се надоградува модерна, урбана, чиста и динамична Битола, со темели на инфраструктура, на енергетска ефикасност, на нови образовни стандарди, на култура и спорт, на заштита на животната средина.

Инфраструктурно, реализирани се многу проекти на кои граѓаните позитивно реагираа, но за дел од реализираните проекти има и критики. На критиките, секогаш се обидував да одговорам, па дури и доколку општината нема вина. Гласот на народот е главната моја сатисфакција и мерка за сработеното. Кој што работи, само тој може да згреши. Лесно е да се критикува и да се напаѓа, но доблесно е да се признае дека во Битола никогаш повеќе од сега не се градело, не се работело и не се правело за севкупниот живот во градот, вклучувајќи го и спортот, културата, социјалата итн. Граѓаните реалирале, по што, според нашите законски можности ние сме реагирале до изведувачите, кои што пак, на сопствен нивни трошок ги санирале недостатоците. Ќе повторам, се работи транспарентно, отворено, во интерес на народот и оттука, секоја забелешка на граѓаните, ја примам како конструктивна и како предизвик да се добие најдоброто за битолчани. Така ќе продолжам да работам и во овој мандат.

Сега, драги мои сограѓани, доаѓа период во кој трудот што го вложивме, ќе почне да носи видливи резултати. Следните четири години ќе донесат реализација на нови проекти и години на живеење со резултатите од сето тоа што го работевме. Очекувам и во овој мандат, да добиеме голема поддршка од Владата, предводена од премиерот Христијан Мицковски. Во двата повици за капиталните проекти, добивме огромна поддршка и бевме град со најголем број на добиени апликации. Ниту тоа не е случајно, бидејќи покажавме дека знаеме како да го придвижиме градот напред, да ја издигмене културата, спортот и економскиот напредок.

Битола ќе добие уште подобра инфраструктура – нов булеварски влез од станата на Охрид, функционални улици во градот и руралните средини. Јавните простори ќе се оплеменуваат и зазеленуваат за да бидат живи места на средби, активности и семејни дружби. Образованието останува наш приоритет, а образовните институции ќе го надоградуваат својот енергетски изглед и капацитет.

Поставени се темелите на новите културни вредности, кои во наредните години ќе ги надградуваме и ќе привлекуваме уште поголем број на туристи.

Спортските објекти и натаму ќе бидат носители на спортскиот дух и создавање на големи резултати на нашите спортисти, кои ќе ја надополнуваат битолската спортска историја. Во текот на овааа и следната година, ќе се работи на изградба и реконструкција на девет училишни спортски игралишта во училиштата „Даме Груев", „Климент Охридски", „Трифун Пановски", „Ѓорѓи Сугарев", „Гоце Делчев", „Турското" училиште „Гоце Делчев“, „Коле Канински" – нас. Буковски ливади, во училиштето „Тодор Ангелевски", како и во подрачното училиште во Г. Оризари. Во постапка е изградбата на трите спортски сали во училиштата „Стив Наумов“, Тодор Ангелевски" и "Даме Груев" - подрачно училиште во Долно Оризари. Со овие реконструкции и изградби и досегашните вложувања, заокружуваме над 20 спортски објекти и игралишта во градот.

Затоа, заедно со мојот тим, ќе продолжиме да работиме на создавање на нови работни места, да привлекуваме инвестиции и да ги задржиме младите, нудејќи им квалитетен живот. Да ја јакнеме локалната економија со социјален напредок. Ова е заедничка мисија на сите нас кои што ја сакаме Битола и кои што сакаме да го гледаме градот како напредува. Во изминатите години заедно покажавме дека можеме да градиме и да изградиме, а во следните години, заедно ќе покажеме дека можеме да живееме подобро.

Битола е град на историјата и традицијата, но и град на млади луѓе кои имаат право да сонуваат за сопствена иднина дома, во својот град. И како заклучок на самиот крај би издвоил дека градот живее, младите се радуваат, а всушност, тоа е и нашата цел. Да ги задржиме, да ги привлечеме со нови успешни приказни, со зајакната економија, со добра инфраструктура, со здрава животна средина, со услови овде да ги растат своите деца, а ние да се радуваме на нашите внучиња. Да им дадеме достоиствен живот не само на младите, туку и на сите жители на општина Битола. Да се гордеат на својот град, на успесите на своите сограѓани, а јас како градоначалник, да продолжам да го реализирам зацртаниот пат за поуспешна и поубава Битола.

Ви благодарам од срце за довербата и за поддршката!

Поради дефект на 110 КВ далновод, во моментот без електрична енергија е цел град Прилеп, потегот на селата кои гравитираат кон Битола и дел од селата во Општина Кавадарци, соопшти Центарот за управување со кризи (ЦУК). Екипите на ЕВН веднаш се на терен и работат на отстранување на дефектот, а од ЦУК информираат дека се преземаат сите мерки за што побрзо враќање на електричната енергија во погодените населби. Граѓаните се повикуваат на трпение и да ги следат официјалните информации од ЦУК и ЕВН за текот на работите и очекуваното време на нормализирање на снабдувањето.