За првпат денот на планината во Македонија се славеше на Пелистер. Настанот беше организиран од ФПСМ, ПСК Пелистер и ЈУНП Пелистер. Повеќе од 500 планинари од цела Македонија се движеа по новата патека од Цапари до Цапарска пресека низ кањонот на Цапарска река, промовирајќи ги убавините на досега најмалку посетуваниот дел на Пелистер. Настанот опфаќаше и планинарска забава на Инфоцентарот на НП Пелистер каде беа доделени и посебни признанија за достигнувања во делот на планинарењето од страна на ФПСМ

На 11.12.2025 во 16:00 часот во СВР Битола, Х.Ѓ.(27) од с.Бистрица, битолско, пријавила дека на 10.12.2025 во 19:20 часот во спортска сала „Боро Чурлевски” во Битола, за време не ракометниот натпревар помеѓу РК Еурофарм Пелистер и РК Вардар од Скопје, била погодена со тврд предмет во лицето и се здобила со повреди. Се преземаат мерки за расчистување на настанот.

Тројца припадници на навивачката група Комити се приведени при влегување на ракометното дерби помеѓу Еурофарм Пелистер и Вардар, што се одигра вчера во Битола. Уште при влегување во салата тие нападнале полицајци, а претходно дошло до тепачка со ривалската група Чкембари. Подоцна полицијата уапси и еден од навивачите на Еурофарм Пелистер, кој провоцирал тепачка со Комитите.

„На 10.12.2025 во 18:45 часот на влезот во спортската сала „Боро Чурлевски” во Битола, полициски службеници од СВР Битола ги лишија од слобода П.Н.(20), Н.А.(24) и Д.М.(24), сите од Скопје. При влегување на навивачка група од Скопје во спортската сала на ракометен натпревар, бил нарушен јавниот ред и мир, при што тие физички нападнале неколку полициски службеници кои преземале службени дејствија.

Подоцна, во 19:20 часот на влезот во спортската сала, полициски службеници од СВР Битола го лишија од слобода и Н.Ѓ.(34) од Битола затоа што го нарушил јавниот ред и мир со агресивно однесување и повикувал на насилство. По целосно документирање на настаните, против лицата ќе бидат поднесени соодветни поднесоци“ – информира СВР Битола.

На една од снимките на натпреварот може да се види дека девојче од публиката излегува од трибините со раскрвавено лице, наводно, била погодена од монета фрлена од страната каде што седеле Комитите.

На натпреварот во Битола Еурофарм Пелистер го победи Вардар со 28-23 во 16. коло од Суперлигата.

Експресно, само што беше поставен и бетониран откорнет и искршен е синџирот на улица ,,Рузвелтова" во Битола. Несовесни граѓани веднаш по поставувањето на синџирот на пешачката зона се обиделе да го откорнат металниот столб само што бил бетониран. Искршени се и заштитните синџири. Вчњра ЈП Пракинзи Битола информира дека од денес со одлука на Советот на Општина Битола дел од ,, Рузвелтова" е прогласена за пешачка зона бидејќи возачки ја користеа улицата за паркинг. А.Б