АД ЕСМ денеска направи значаен чекор кон својата зелена и пазарно ориентирана трансформација, со потпишувањето на Договор за грант со Германската развојна банка КфВ. Овој Договор обезбедува 1,5 милиони евра техничка помош, финансирана од Европската Унија, наменета за зајакнување на внатрешните капацитети и забрзување на клучните активности за енергетска транзиција на компанијата.

-Грантот од Европската Унија, овозможен преку КфВ, претставува стратешки камен-темелник за нашата институционална трансформација кон сеопфатна, зелена и пазарно-ориентирана компанија. За ЕСМ ова е повеќе од премин кон обновливи извори на енергија, туку сериозна посветеност да станеме модерна и комерцијално конкурентна сила на европскиот енергетски пазар. Финансирањето ќе биде алатка за зајакнување на нашите внатрешни капацитети и корпоративно управување, преку финансирање на критични иницијативи за моделирање и стратешко планирање. Овој институционален фокус ја осигурува нашата оперативна одржливост, ја зајакнува енергетската безбедност на земјата и значително ги забрзува нашите напори за намалување на јаглеродниот отпечаток, изјави Лазо Узунчев, генерален директор на АД ЕСМ. 

По повод потпишувањето на Договорот, Штефан Худолин, Раководител на Одделот за соработка во Делегацијата на ЕУ во Северна Македонија изјави дека:

-Забрзувањето на зелената транзиција никогаш не било толку блиску и толку возможно. Со поддршката од Европската Унија и гаранциите на ЕФСР+ земјата ќе добие финансиски средства и технички насоки од нашите партнери во КфВ за да ја забрза трансформацијата и декарбонизацијата на енергетскиот сектор во Северна Македонија. Оваа заедничка акција има трансформативен ефект за преминување од јаглен на зелена енергија, но истовремено придонесува за создавање на стабилен енергетски сектор во многу нестабилен климатски и геополитички свет.

Амбасадорката на Сојузна Република Германија, Петра Дрекслер истакна дека во последните 20 години Германија ја поддржува енергетската транзиција на јавните енергетски објекти во Северна Македонија.

-Покрај финансискиот ангажман, развојната германска банка КфВ става на располагање и експертиза со техничко водство и управување. Декарбонизацијата е прашање на тимска работа, а Германија и КфВ се посветени на постојаната поддршка за Северна Македонија на овој пат.

-Енергетската транзиција бара подготвени енергетски компании кои ќе можат да се справат со предизвикувачките услови. Со овој проект, КфВ ќе ја поддржи трансформацијата на Електрани на Северна Македонија (ЕСМ), која ќе им овозможи подобро позиционирање и ќе им помогне да ја подобрат својата ефикасност и подготвеност за пазарот, истакна Пабло Обрадор, директор за Југоисточна Европа и Турција.

ЗАВРШНА ФАЗА ОД ДОГРАДБАТА НА ЛОКАЛНИОТ ПАТ ЗА С.БУКОВО

Во чест на својот поранешен член, спортист и долгогодишен поддржувач на битолскиот спорт, Зоран Петковски – Петкото, клубот Пелистер Волеј ќе организира хуманитарен натпревар во рамките на 4. коло од Суперлигата. - Натпреварот ќе се одигра на 1 ноември во спортската сала "Боро Чурлевски" со почеток во 17 часот.  Менувањето на локацијата е поради големиот интерес на битолчани да присуствуваат на натпреварот, бидејќи средствата од продажбата на влезниците ќе бидат донарани на семејството на Петковски, како симболичен чин на почит и солидарност кон човекот кој остави длабока трага во спортскиот живот на градот.

Покрај средствата од влезниците, љубителите на спортот ќе имаат можност да придонесат и со доброволни донации, кои ќе се собираат на двата влеза од салата.

Со оваа иницијатива, Пелистер Волеј и спортската јавност на Битола уште еднаш потврдуваат дека спортот е повеќе од натпреварување — тоа е заедништво, човечност и срце. 

ДО КРАЈОТ НА УЧЕБНАTA ГОДИНА ТРИ НОВИ БИТОЛСКИ УЧИЛИШТА ЌЕ ДОБИЈАТ ФОТОВОЛТАИЦИ

Општина Битола продолжува со континуирани инвестиции во подобрување на образовната инфраструктура. Во средното општинско економско училиште СОЕУ „Јане Сандански“, реализирани се повеќе значајни активности со цел создавање подобри и помодерни услови за учениците и наставниот кадар.

Во рамки на проектот е извршена санација на училници и ходници, поставен е нов ламинат и подиуми, а училиштето е целосно бојадисано и освежено. Обезбеден е и нов училиштен мебел – клупи, столчиња, фотелји, зелени табли и венецијански ролетни, кои ќе придонесат за поквалитетна и поудобна настава.

Дополнително, административните канцеларии се целосно опремени со нов мебел, а училниците добија клима-уреди и нови огласни табли. Извршена е и реконструкција на училница и Центарот за професионален развој, што ќе овозможи подобри услови за практична обука и стручно усовршување.

Вкупната вредност на реализираните активности надминува 3 милиони денари.

Со овие вложувања, Општина Битола уште еднаш ја потврдува својата определба за создавање современи, безбедни и функционални училишта.
„Секоја инвестиција во образованието е инвестиција во иднината на нашите деца“, порачуваат од Општината.

Видеото може да го погледнете тука