АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Април 24, 2026
Анета Блажевска
Глувци зоврива станот во „Стара Болница“ во Битола каде живееше старицата што собираше ѓубре
Февруари 05, 2026Гондола на Пелистер - втора работилница за физибилити студија
Февруари 04, 2026ВТОРА РАБОТИЛНИЦИ ЗА ФИЗИБИЛИТИ СТУДИЈАТА ЗА ИЗГРАДБА НА ГОНДОЛА НА „ПЕЛИСТЕР“
Денеска се одржа 2-та работилница за изработка на физибилити студија за изградба на гондола на Пелистер.
Се обрати и ги поздрави присутните градоначалникот на Битола, Тони Коњановски кој кажа дека ова е можност да се видат сите алтернативни решенија кои ги нудат домашните и странските експерти, кои се опциите и можностите за и Битола со „Пелистер“ еден ден да биде на големата туристичка светска мапа.
„Работилницата има за цел да го продолжи започнатиот процес на детална анализа и подготовка на студијата, како и размена на искуства и добри практики со експерти“ истакна претседателот на Советот, Бојан Бојкоски препуштајќи им ја говорницата на експертите.
Странските експерти ангажирани за оваа студија деновиве ја посетија Баба Планина со врвот „Пелистер“, а во предвид беа земени и предлозите од првата работилница која пред некој месец се одржа во Битола.
Експертите од Словенија, Франција и Андора, Франц Фурлани, Винсент Тасар, Филипе Бертхет-Рамбауд и Марк Пастор пред присустните кажаа дека „Пелистер“ нуди многу можности и дека она што ти го разгледуваат и препорачуваат е како планината да понуди содржини за туристите во сите четири годишни времиња.
Зборуваа за климатските услови кои особено се проблематични на врвот „Пелистер“, но дека и за тоа има решенија, пред присутните ги кажа трите варијанти од каде би тргнувала гондолата.
За сите три, Нижеполе, Дихово и Цапари детално ги објаснија трасите на движење, влијанието врз средината, безбедносните аспекти, задржувајќи се на трасата од Цапари преку Широка ( Ловечка) и до врвот „Пелистер“.
Исто така зборуваа и за тоа како горе може да има повеќе ски терени, дури и за почетници, други содржини кои ќе бидат во интерес на туристите.
Потоа се разви дискусија со присутните на оваа работилница.
Странските експерти претходно имаа средба и со градоначалникот на Битола во неговиот кабинет, каде исто така презентираа дел од нивните решенија.
Премиерот Мицкоски бара жесток одговор од полицијата за да не се повтори дивеењето на граѓаните кои протестираа, а се без возачки дозволи
Февруари 04, 2026Премиерот Христијан Мицкоски рече дека од полицијата побарал жесток одговор за секој што го прекршил законот, се заканувал или го загрозил јавниот ред и мир во текот на вчерашните блокади на патот Битола-Ресен и во Кочанско, каде што група граѓани протестираа во знак на револт поради правилата на системот „Безбеден град“.
„Разговарав утрово со министерот за внатрешни работи Панче Тошковски и она коешто го побарав од него е оној што го прекршил законот, се заканувал, јавно упатил закани, го загрозил мирот и безбедноста на граѓаните жестоко да се одговори. Ќе биде одговорено жестоко за да не се повтори тоа дивеење од вчера што се случи“, изјави Мицкоски одговарајќи на новинарски прашања по денешното чествување на 154-годишнината од раѓањето на Гоце Делчев.
На засебните протести во Битолско и Кочанско, група граѓани вчера палеа гуми, отпад и дрва, блокирајќи ги коловозите во знак на протест поради одземањето на возилата кои ги управувале без возачка дозвола. Жители на неколку ромски населби кои излегоа на блокадите обвинија за дискриминација, тврдејќи дека многумина од нив немаат завршено образование и затоа немаат услови да полагаат за возачка дозвола.
Гондола на Пелистер! Втора работилница во Битола
Февруари 04, 2026Гондола на Пелистер! Во Советот на Општина Битола во тек е втората работилница за изработка на физибилити студијата
за изградба на гондола на Пелистер.
Студијата ја образложуваат странски експерти, присуствува градоначалникот Тони Коњановски, претседателот на Советот, Бојан Бојоски, директорот на НП Пелистер Битола, советници од власта и опозицијата, стручна јавност. -Работилницата има за цел да го продолжи започнатиот процес на детална
анализа и подготовка на студијата,
како и размена на искуства и добри практики со експерти. Фото АПЛА.мк 
ИНФОРМАЦИЈА ЗА ИСПЛАТА НА ШТЕТИ ОД ЗЕМЈОТРЕСОТ
Општина Битола започна со исплата на финансиските средства за штети од земјотресот од 9 јануари 2022 година, а согласно Одлуката на Владата на Македонија од седницата одржана на 1 октомври 2024 година во висина од 5 проценти од вкупно проценетата штета од 35.690.926,00 денари.
Завршена е реконструкцијата на фасадата на Основното училиште „Стив Наумов“ во Битола, со што значително се подобрени условите за учење и работа, објави премиерот Христијан Мицкоски.
Проектот опфати изведба на нова енергетски ефикасна фасада, која обезбедува подобра термоизолација, заштита од влага и намалување на трошоците за енергија. Со оваа инвестиција, училиштето доби современ изглед и побезбедна, поздрава и поефикасна средина за учениците и наставниот кадар.
Инвестицијата изнесува 7.681.331 денари и е финансирана од Владата преку Министерството за образование и наука, објави премиерот Мицкоски.
Цапари-Ловечка, предлог локација за гондола на Пелистер
Февруари 03, 2026Денес со експертите од Франција и Андора во пресрет на утрешната јавна расправа во општина Битола, детално на терен ја разгледувавме опцијата за гондола на Пелистер во насока на изработка на квалитетна физибилити студија, објави Националниот парк Пелистер. Извидувањето на терен започна во 6:00 часот наутро од Лоша стена над Цапари, преку Инфоцентар, па се до Ловечка, врв Пелистер и Козји камен. За едно сме согласни: заштитата на природата и развојот на туризмот на Пелистер се процеси кои мора да се развиваат паралелно со цел да се постигни совршен баланс. Цапари - Ловечка како предлог локација од страна на ЈУ НП Пелистер, останува најсериозна опција за која треба да се размислува и дискутира. Деталите од извидувањето на терен ќе ги презентираат експертите, објави НП Пелистер
Почина Драгица Проданова поранешен спикер во Радио Битола
Февруари 03, 2026Почина Драгица Проданова на 86 години поранешен спикер на Радио Битола. Погребот ќе биде изведен денеска на Буковски гробишта во Битола во 13 и 30 часот. Целиот работен век Проданова работеше во Радио Битола а за слушателите беше препознатлива по свој глас, употребата на чист литературен македонски јазик и правилна дикција.
Најчитани
