АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Февруари 16, 2026
Анета Блажевска
Арамија влегол во домот на битолчанец, физички го нападнал сопственикот со остар предмет
Декември 18, 2025ОД САМРАК ДО ЗОРИ - СЦЕНСКО-МУЗИЧКИ ПРОЕКТ што ја претвори сонатата за виолина и пијано од César Franck во ноќно патување
Декември 18, 2025ЈП Паркинзи Битола со соопштение до возачите
Декември 18, 2025Известување од ЈП Паркинзи Битола
Почитувани корисници на услугите на затворениот паркинг кај Домот на културата, Ве известуваме дека утре 19.12.2025 делот од паркингот по должина на улицата Виенска во периодот од 07 до 13 часот ќе биде затворен за комерцијално работење.
Останатиот дел од паркингот ќе работи како и вообичаено.
Апелираме до сите корисници на услугите во посочениот термин да побараат алтернативно решение за паркинг.
Ви благодариме на разбирањето и соработката
Со почит
ЈППЈЛП БИТОЛА
Во Битола утрово измерени минус 4 степени. Од вторник се очекуваат локални врнежи од дожд
Декември 18, 2025Утрово е најстудено во Берово минус 5 степени, Скопје, Струмица и Битола минус 4 степени, минус 3 во Куманово, Штип, Велес и Тетово
Променливо облачно со сончеви периоди. Претпладне по одделни котлини ќе има појава на магла. Ќе дува слаб променлив ветер.
Во Скопје, променливо облачно и претежно тивко. Претпладне во делови од котлината ќе има појава на магла.
ВРЕМЕТО ВО СЛЕДНИТЕ ДЕНОВИ: До понеделник ќе се задржи стабилно и претежно тивко време. Наместа ќе има појава на магла и зголемена облачност. Во вторник се очекуваат локални врнежи од дожд.
Битолскиот социјалдемократ Александар Палигора поднесе оставка од ИО на СДСМ Битола, веднаш по оставката на Методија Куновски
Декември 17, 2025Методија Куновски поднесе оставка од претседател на СДСМ Битола само ден по влегувањето на Драган Крајовски во ИО
Декември 17, 2025Методија Куновски попднесе оставка од претседател на ОО на СДСМ Битола. Образложението ви го пренесуваме во целост.
Оставката доаѓа само еден ден по влегувањето на Драган Крајовски во Извршниот одбор на СДСМ. https://nezavisen.mk/liderot-na-socijaldemokratite-vo-bitola-si-podnese-ostavka/
Почитувани сопартијци и граѓани,
Одлуката ја донесов по темелна и одговорна лична и политичка проценка. Таа е резултат на подолг процес во кој, како претседател, се соочував со сериозна дилема помеѓу чувството на обврска и одговорност кон организацијата и впечатокот дека принципите што јавно ги застапуваме, во пракса сѐ потешко се остваруваат. Социјалдемократијата во која верувам, не е декларација, туку вредносен систем што мора да се живее секојдневно – низ транспарентност, вклученост и политичка одговорност.
Функцијата ја прифатив со искрена и чесна намера да придонесам во јакнењето на организацијата, нејзино отворање кон членството и враќање на довербата кај граѓаните. За жал, во текот на изминатиот период сѐ поизразени станаа практики кои не се во согласност со моите лични принципи, како и со вредностите на социјалдемократијата.
Не можам и не сакам да носам функција без суштинска можност за влијание, ниту да бидам формално присутен во процеси со кои суштински не се согласувам. Сметам дека политичката и моралната одговорност налага јасен став и чесен чекор, особено кон членството и кон граѓаните на Битола.
Изразувам искрена благодарност до сите членови, активисти и поддржувачи кои со посветеност и интегритет веруваа дека СДСМ може и мора подобро. Тие луѓе се вистинскиот темел на организацијата и заслужуваат партија што ќе ги слуша, ќе ги почитува и ќе им служи.
Мојата оставка не претставува откажување од социјалдемократската идеја, туку обид да се зачува нејзиниот интегритет и кредибилитет. Останувам член на СДСМ и активен граѓанин кој ќе продолжи јавно да се залага за вредностите поради кои воопшто влегов во политиката.
Историјата нè учи дека партиите не ги губат изборите тогаш кога губат власт, туку тогаш кога ќе ја изгубат храброста да се погледнат себеси во очи.
До некои подобри времиња во кои чо(в)екот ќе биде пред сѐ,
Со почит,
Методија Куновски
17.12.2025 година
Битола
Најчитани
