АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јануари 02, 2026
Анета Блажевска
Нова противпожарна станица за Битола со поддршка на САД, објави градоначалникот Тони Коњановски
Ноември 05, 2025Бојан Бојкоски е новиот претседател на Советот на Општина Битола
Ноември 05, 2025Бојан Бојкоски од ВМРО ДПМНЕ е новиот претседател на Советот на Општина Битола. За Бојкоски гласаа 18 советници ЗА(ВМРО ДПМНЕ со коалицијата, ДУИ и ЗНАМ), 11 беа против (СДСМ со коалицијата, Поинаку и Левица), а двајца воздржани (ГРИН и ЛДП) . -Дискусијата на Советот мора да се поткрене на повисоко ниво, нема да дозволам навреди и лични пресметки. Кога има волја ќе има и резултати. Ќе успееме како обединети", рече Бојкоски. Бојкоски беше единствениот предлог за претседател на Советот на Општина Битола предложен од советничкото мнозинство на ВМРО ДПМНЕ и коалицијата. На Бојкоски ова му е втор мандат, во досегашниот совет беше координатот на советничката група на ВМРО ДПМНЕ и коалицијата и еден од најгласните и најактивните говорници во Советот. Во продолжение обраќањето на Бојкоски до Советот.
- Со голема чест и чувство на одговорност ја прифаќам должноста да бидам претседател на Советот на Општина Битола.
Ви благодарам на сите за укажаната доверба. Ова не е само чест, туку и обврска да работиме посветено, одговорно и искрено во интерес на сите битолчани.
Во овој мандат нашата цел е јасна проект повеќе за Битола!
Она што наназад години го баравме како битолчани од Владата на Република Македонија сега е реалност и таа е наш вистински партнер во процесот на развој на општината. Со нејзина поддршка обезбедуваме финансиски средства и институционална помош за реализација на значајни проекти во инфраструктурата, образованието, спортот и јавните услуги.
Само со ваква соработка можеме да обезбедиме видлив напредок за граѓаните.
Нашата задача сега е да се избориме за нивна побрза реализација, затоа што граѓаните не чекаат ветувања тие очекуваат резултати.
Исто така апелирам до сите градежни компании кои ги изведуваат проектите во општината почитувајте ги договорените рокови и стандардите за квалитет. Секое доцнење, импровизација или неквалитетна изведба ќе биде санкционирано. Одговорноста за сработеното е ваша, а толеранција за грешки нема да има.
Времето на празни критики мора да заврши.
Да, критиката е потребна, но уште поважно е да се работи. Најлесната професија е да се биде критичар но вистинската одговорност е да се биде градител, човек кој придонесува, предлага и создава.
Очекувам и се надевам дека во овој совет одлуките ќе ги носиме со консензус, едногласно и во интерес на граѓаните.
Сите сме избрани со една цел да му служиме на народот и да бидеме нивниот глас во оваа сала.
Заедно со градоначалникот, општинската администрација, директорите на јавните претпријатија, училиштата и градинките, треба да бидеме партнери и блиски соработници, со заедничка цел да ги надминеме сите предизвици што не очекуваат и да ги реализираме сите важни проекти за Битола.
Како претседател, ќе се залагам за максимално отворен, транспарентен и достапен Совет.
Совет кој ќе биде модерен и дигитализиран, во чекор со времето и технологијата.
Дискусијата во Советот мора да се крене на повисоко ниво.
Лични навреди и дискредитации без разлика од кого се упатени и дали се упатени кон градоначалникот, советниците или вработените во општинската администрација немам намера да ги дозволам, ниту да ги толерирам.
Советот треба да биде пример за достоинствена и конструктивна дебата во интерес на граѓаните, а не поле за лични пресметки.
Пред нас стои и задача да го унапредиме Деловникот за работа на Советот, да ги отстраниме сите недоречености со кои се соочивме во изминатите четири години, и да создадеме функционален, ефикасен и фер систем на работа.
Почитувани, да ја водиме Битола со идеи, со енергија и со љубов.
Да покажеме дека кога има волја, има и резултати.
Битола заслужува совет што ќе работи не совет што ќе кочи и разединува.
Заедно ќе успееме, затоа што само обединети можеме да создадеме подобра Битола.
Бојан Бојкоски од ВМРО - ДПМНЕ е новиот претседател на Советот на Општина Битола. Бојкоски беше единствен предлог за претседател предложен од советничката Наташа Марковска. Со оглед на тоа што ВМРО - ДПМНЕ и коалицијата имаат мнозинство од 16 советници, Бојковски е прифатлив за мнозинството, а опозицијата не реагираше. Ова ќе биде втор мандат за Бојкоски, тој во изминатиот состав беше координатор на советничката група на ВМРО ДПМНЕ и еден од најактивните говорници
Ресурсниот центар "Кочо Рацин" Битола е добитник на наградата " 4 Ноември" за едногодишно постигнување
Ноември 04, 2025Ресурсниот центар "Кочо Рацин" Битола како институција е добитник на наградата "4 Ноември" за едногодишно достигнување.
Според одлуката на Управниот одбор, наградата се однесува за постигнувања во областа на образованието. Наградата ја прими директорката Драган Кирковска.
-Основното училиште со ресурсен центар „Кочо Рацин“ Битола. Во периодот 01.08.2024 до 31.07.2025 година, институцијата постигна значајни достигнувања со лицата со посебни потреби во областа на образованието, воспитувањето, културата и други општествени сегменти. Реализирале голем број културни настани, работилници, акции итн", стои во образложението на Управниот одбор.
Актерот и режисер Мартин Мирчевски е добитник на наградата 4 Ноември на градот Битола за едногодишно постигнување
Ноември 04, 2025Доделени четвртоноемвриските награди во Битола
Ноември 04, 2025ДОДЕЛЕНИ ЧЕТВРТОНОЕМВРИСКИТЕ НАГРАДИ – НАГРАДАТА ЗА ЖИВОТНО ДЕЛО ВРАЧЕНА НА УМЕТНИКОТ ПАНДЕ ПЕТРОВСКИ
На Свечената академија по повод одбележувањето на 81-вата годишнина од ослободувањето на Битола, традиционално беа доделени наградите на поединци и институции за едногодишни достигнувања, како и највисоката општинска награда за животно дело.
Управниот одбор на Фондот за доделување на наградата 4-ти Ноември, по пристигнатите пријави, одлучи наградата за животно дело, годинава да ја добие ликовниот уметник и педагог Панде Петровски.
Панде Петровски е реномиран ликовен уметник, педагог, афористичар, хуморист и карикатурист, илустратор и сценограф, кој остави огромен белег не само во битолската, туку и во македонската уметност. Особено, неговата вредност, пред се е како човек, кој постојано и до ден денес, твори и живее за уметноста.
Според одлуката на Управниот одбор, за едногодишни постугнувања наградени се следните кандидати, од областа на културата и образованието:
Игор Трајковски Фоја – автор, визуелен уметник, писател, поет, драмски автор и културен активист, кој во изминатата година реализираше низа значајни акативности и дела со кои даде извонреден придонес на полето на кутурата.
Мартин Мирчевски – актер и режисер во Националната установа Народен театар Битола. Минатата година, тој е добитник на две престижни награди од областа на уметноста, истовремено на сцената реализирајќи актерски улоги со зрел актерски пристап.
Дарко Секуловски – награден за културен придонес во промоција на градот Битола, особено преку најновите, современи алатки, односно фејсбук порталот „Просечен Битолчанец“.
Основно училиште со ресурсен центар „Кочо Рацин“. Во периодот 01.08.2024 до 31.07.2025 година, инситуцијата постигна значајни достигнувања со лицата со посебни потреби во областа на образованието, воспитувањето, културата и други општествени сегменти. Реализирале голем број културни настани, работилници, акции итн,
Градоначалникот на општина Битола Тони Коњановски им ги врачи наградите на најуспешните и при тоа, во своето обраќање истакна дека денес, кога се поклонуваме пред спомените на минатото, не треба да заборавиме дека најголемата почит кон хероите е нашето дело кое го создаваме.
„Да продолжиме да ја градиме Битола со љубов, со чесност и со визија. Да ја чуваме природата што нè опкружува, да го негувавме нашето културно наследство и да ја внесеме енергијата на младите во секоја пора на градот. Само така ќе ја создаваме заедно Битола на иднината, како модерен, зелен и економски силен град, кој ќе биде пример за цела Македонија. Да се потсетиме: слободата не е само минато, таа е и обврска, секој ден да го правиме нашиот град подобар, поубав и посреќен“, рече Коњановски.
Уметничката програма во рамките на свеченоста, беше во изведба на пијанистката Теодора Капинковска.
Битола слави 81 година од ослободувањето на градот
Ноември 04, 2025БИТОЛА ОДБЕЛЕЖУВА 81 ГОДИНА ОД ОСЛОБОДУВАЊЕТО НА ГРАДОТ
По повод 4 Ноември, денот на ослободувањето на Битола, денес се одржуваат свечени активности со кои се одбележува значајниот датум од нашата историја, 81 година слободна Битола.
Одбележувањето започна со традиционалниот прием на претставници од Општинската организација на Сојузот на борци, во кабинетот на градоначалникот на Општина Битола, Тони Коњановски.
Во рамките на програмата, беа положени свежи цвеќиња пред Споменикот на Народноослободителната војна и Револуцијата пред Центарот за култура, како и пред Споменикот на народниот херој Стив Наумов во Битола. Свежо цвеќе положија градоначалникот Тони Коњановски, претставници на Советот на општина Битола, членови на Сојузот на борци, претставници на политичките партии и делегациите од збратимените градови.
Градоначалникот Коњановски, потсетувајќи на историското значење на 4 Ноември, упати честитка до граѓаните на Битола:
„Денешниот датум претставува потсетник на хероизмот и жртвата на нашите предци кои ја изборија слободата на градот. Наша должност и обврска е нивниот спомен да го чуваме и пренесуваме на идните генерации, како залог за трајна слобода и достоинствен развој на нашиот град. Нека е честит денот во кој одбележуваме 81 година слободна Битола.“
Во рамките на свеченостите, градоначалникот Тони Коњановски организираше средба со делегациите од збратимените градови, кои годинава се дел од свечените празнувања – делегациите на Кременчук од Украина, Стари Град, Белград од Србија, Пожаревац од Србија, Плевен од Бугарија и Бурса од Турција.
Одбележувањето ќе продолжи вечерва во 19:00 часот со одржување на Свечена академија, на која ќе бидат доделени општинските награди за едногодишни достигнувања и наградата за животно дело, по што ќе следува културно-уметничка програма во организација на Општина Битола.
Управител на државна фирма 140 дена неоправдано отсуствувал од работа во период од 2020 до 2024 година
Ноември 04, 2025СВР Битола соопшти - СВР Битола поднесе кривична пријава против М.Т.(46) поради постоење основи на сомнение за сторено кривично дело ,,злоупотреба на службената положба и овластување’’. Пријавениот, во својство на управител на правен субјект, без да обезбеди решение за одмор и одлуки за отсуства од друштвото, за периодот од 14.08.2020 до 17.09.2024 неоправдано отсуствувал од работа вкупно 140 дена и на тој начин се стекнал со имотна корист во вредност од 389.099 денари
ФК Пелистер Битола во хуманитарна акција за прерано починатиот Зоран Петковски-Петкото
Ноември 04, 2025ФК ПЕЛИСТЕР ВО ХУМАНИТАРНА АКЦИЈА! Фудбалскиот клуб Пелистер Битола со донаторска акција за прерано починатиот спортски работник Зоран Петковски - Петкото. На 5 ноември (среда) во 17 часот првенствениот натпревар од редовното коло од македонската фудбалска лига помеѓу вечните ривали Пелистер и Врадар ќе има хуманитарна мисија, приходот од влезниците по цена од 200 денари ФК Пелистер ќе го донира на семејството Петковски. Натпреварот ќе се одржи на стадионот "Петар Милошевски" во Битола. Среда 5 ноември во 17 часот.
Најчитани
