АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Април 16, 2026
Анета Блажевска
Балкански рис е најден угинат на патот Охрид-Ресен
Февруари 24, 2026Ловџии денеска откриле угинат рис на патот Преспа-Ресен, по што го известиле Македонското еколошко друштво (МЕД). Станува збор за едно од најретките и најзагрозените животни во македонската природа, а според проценките, во дивината има само педесетина единки од балканскиот рис. "По дојава од Здружението на ловци „Преспа-Ресен“, денеска на терен констатиравме дека е угинат рис на патот Ресен-Охрид. Во тек е координирана акција со Министерството за животна средина и просторно планирање, Државниот инспекторат за животна средина, Агенцијата за храна и ветеринарство и Македонското еколошко друштво со цел земање примероци за анализа и транспортирање на угинатото животно на Факултетот за ветеринарна медицина при УКИМ – Скопје заради обдукција“, велат од МЕД.
Реконструкција на улици во селото Трн, битолско
Февруари 24, 2026Градоначалникот Тони Коњановски објави дека направил увид во градежните работи на реконструкција на улици во селото Трн.
Реконструкцијата опфаќа пет улици со вкупна должина од 1021,14 метри, сите широки по 3,5 метри и банкини од двете страни широки од 50 см.
Вкупната вредност на проектот е 7.181.218 денари, а средствата се обезбедени од Министерството за транспорт преку вториот владин повик.
Со ова ја подобруваме патната инфрастуктура и во руралните средини, а како Општина остануваме посветени на подобрување на условите за жителите на Општина Битола.
Жена од Могила нападнала вработена во Матичното во Битола
Февруари 24, 2026Вработена во Управата за водење на матични книги во Битола била физички нападната на своето работно место, а осомничената жена е приведена, информира полицијата.
На 23.02.2026 во 17:10 часот во СВР Битола, Џ.М.(33) од Битола, вработена во Управата за водење на матични книги Битола пријави дека на работното место била физички нападната од Љ.С.(44) од с.Могила, општина Могила. Љ.С. е приведена во Полициската станица Битола и по целосно документирање на настанот против неа ќе следува соодветен поднесок.
Битолчанец со остри предмети се обидел да ги убие сопствените деца
Февруари 24, 2026СВР Битола поднесе кривична пријава против В.Ф.(42) од Битола поради постоење основи на сомнение за сторени кривични дела „убиство“ во обид, „загрозување на сигурноста“ и „напад на службено лице при вршење работи на безбедноста“.
На 18.02.2026 во семејниот дом во Битола каде живеат неговите деца, пријавениот со остри предмети ги нападнал неговиот 21-годишен син и неговата 16-годишна ќерка.
Додека, на 19.02.2026 во Полициската станица Битола, додека со него се вршел службен разговор, оштетил дел од инвентарот и нападнал полициски службеници додека вршеле службени дејствија
Општински енергетски план за 2026 година - В четврток 6-та седница на Советот на Општина Битола
Февруари 24, 2026В четврток на 6-та седница на Советот на Општина Битола меѓу точките од дневниот ред ќе се најде и општинскиот енергетски план за 2026 година, правилник за искористување на средства од Програма за социјална заштита на Општина Битола во делот на адаптација на пристапност, мобилност и функционалност на лицата со попреченост до и во нивниот дом и Одлука за проширување на Буџетот на Општина Битола за 2026 година.
Пред советниците, односно точка на дневен ред ќе биде и одлуката за формирање Совет за женско претприемништво.
Советниците ќе се произнесат и по Одлуката за примање на донација за изработка на основен урбанистички проект за инфраструктура–регулација на река Драгор во град Битола и Одлука за примање на донација скулптура Сончев часовник–спомен обележје.
Точка на дневен ред е и Решението за давање согласност на Одлуката за донесување на Ценовник за изведување на градежни работи–канализациони објекти на КЈП „Нискоградба“Битола за потребите на Општина Битола согласно договорите на Општина Битола склучени по вториот јавен повик од Владата и Министерствата и примена на член 24 од ЗЈН.
Притвор за 29 годишен дилер на дрога од Битола - наголемо „работел“ со наркозависници од Битола
Февруари 23, 2026
Криминалистичката полиција при СВР Битола, до Основното јавно обвинителство Битола, поднесе кривична пријава против Л.Б.(29) од Битола поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори”. Имено, пријавениот подолг период нелегално набавувал поголема количина на марихуана, која ја чувал во визба од зградата каде живее во Битола и ја препакувал за продажба на наркозависници на подрачје на Битола. На 21.02.2026, со судска наредба, бил извршен претрес во домот и други помошни простории кај пријавениот, при што биле пронајдени и одземени марихуана и дигитална вага.
Од страна на судија на предходна постапка на Л.Б. му била одредена мерка притвор во траење од 30 дена.
Најчитани
