АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Февруари 16, 2026
Анета Блажевска
,,Први на први“ - Над педесет планинари тргнаа на врвот Пелистер за да го доживеат првото изгрејсонце во Новата 2026
Декември 31, 2025Пред само неколку минути 50 учесници од 10 градови од Македонија, Црна Гора и Германија, кои се дел од настанот "Први На Први" ја започнаа планинарската акција од локација на Инфоцентар за искачување на Врв Пелистер. Оваа година во организација на "Олимпус Монс" со поддршка на Општина Битола како дел од Зимската приказна настанот се организира по 5ти пат. Целта е да се дочека првото изгрејсонце во Новата година од еден од најубавите природни видиковци на Балканот.
-Станува збор за искусни планинари, добро познати имиња на пошироката јавност во Македонија и во регионот. Ќе имаме ведро небо, ниски температури, полна месечина и прекрасни погледи на со снег прекриената Баба Планина во текот на искачувањето. Во мое лично име и во име на сите учесници на цела Битола и Македонија Ви посакувам Среќна нова 2026", изјави за АПЛА, Иванчо Тошевски, организатор, претседател на планинарското здружение „Олимпус Монс“ и директор на НП Пелистер. 
А. Блажевска
А. Блажевска КОЊАНОВСКИ: 53 РЕКОНСТРУКЦИИ НА УЛИЦИ И ПАТИШТА И НОВИ 6 ПАРКИНЗИ
На вчерашната седница на Советот на Општина Битола на која се носеше Буџетот за 2026 година, градоначалникот на Битола, Тони Коњановски информираше за проектите кои се во тек и кои ќе отпочнат во годината пред нас.
Тригодишната развојна програма со измените изнесува 1.845.013.734,00 денари.
„53 реконструкции на коловози (улици и локални патишта ) во градот и во населените места на општина Битола, како и изградба на 6 паркинг простори.
Нови паркинзи ќе има кај „Овчи Пазар“, кај „Ат пазар“, комплексот болници, на улицата „Браќа Џаферови“, позади зградата позната како „Кифлата“, на просторот кај местото викано кај „Хеликоптерот“.
Во делот на спортот и рекреацијата, се вбројува подготовката на проектна документација за мултифункционалниот спортски комплекс, изградба на атлетска патека и борилиште на стадионот „Петар Милошевски“, тука се наоѓа и изработката на физибилити студија за изгрaдба на гондола, изградба на центар за спорт и рекреативни активности.
Во делот на јавното осветлување за улицата „Довлеџик“ преостанатиот дел од страната на влезот од Охрид, потоа улицата „8-ми септември“ влезот од страната на Прилеп. На улиците „Никола Тесла“, „11-ти март“ и „Панде Николов“, во АРМ четврт 1, улично осветлување кај комплекс болници и на уште пет други улици.
Со оваа развојна програма продолжува и изградбата на детска градинка во АРМ, како и доизградбата на противпожарната зграда, капитални проекти кои бараат подолг рок за реализација, но на кои сме целосно посветени, за што побрзо завршување.
Ќе работиме и на изградба и реконструкција на системи за одведување и прочистување на отпадни води на 25 локации, потоа изградба и реконструкција на систем за водоснабдување исто така на 25 локации.
Во делот на сообраќајната сигнализација ќе се реализира поставување на семафори на пешачките премини кај „Камен мост“ и „Епинал“ и поставување на хидраулични столбчиња во Старата чаршија.
Во капиталните расходи за основното образование, продолжуваме со нашата визија за подобри услови за учениците, поради што претстои комплетирање на проектите: Реконструкција на објектот на спортската сала во Бистрица и изградба на три типски училишни спортски сали во ОУ „Стив Наумов“, подрачното училиште во Долно Оризари и во ОУ „Тодор Ангелевски“.
На почетокот на следната календарска година ќе започне изградбата на 6 спортски игралишта во училиштата „Гоце Делчев“, „Даме Груев“, „Коле Канински“, училиштето во Раштани, во „Гоце Делчев“ (поранешното турско училиште), во „Тодор Ангелевски“, како и реконструкцијата на 3 спортските игралишта во „Климент Охридски“, „Трифун Пановски“, „Ѓорги Сугарев“.
Секако, има уште многу проекти кои се во тек на реализација, како што се улици кои тековно се работат, но и капитални проекти од типот на новиот ГУП кој очекувам многу скоро да биде донесен“, информираше градоначалникот Коњановски.
Изгласан е буџетот на Општина Битола за 2026 година
Декември 29, 2025УСВОЕН Е БУЏЕТОТ НА ОПШТИНА БИТОЛА ЗА 2026 ГОДИНА, објави претседателот на Советот Бојан Бојкоски.
-Буџет што значи развој, еднаквост и иднина за сите граѓани во градот и во сите населени места.
Програма за развојни планови: 12,8 милиони евра
Спорт: 92.835.000 денари инвестиција во младите, здравјето и шампионскиот дух
Економски развој: 40.073.171 денари поддршка за нови идеи, бизниси и работни места
Уредување на градежно земјиште: 44.846.000 денари уредени простори и планиран раст
Комунални инсталации: 37.925.042 денари подобра инфраструктура и квалитет на живеење
Социјална заштита: 14.610.000 денари грижа за оние на кои им е најпотребна
- Ова не е само буџет во бројки ова е развоен буџет за сите граѓани, за секое населено место, за посилна и поубава Битола, објави Бојкоски.
Битолскиот славеј со кадифен глас Сефедин Бајрамов најавува концерт на 12 февруари во големата сала на Центарот за култура во Битола
Декември 29, 2025Битолскиот славеј со кадифен глас Сефедин Бајрамов најавува концерт насловен „Прстен за неа“ кој ќе се одржи на 12 февруари 2026 година во големата сала на Центарот за култура во Битола.
Сефедин Бајрамов - битолскиот славеј со кадифен глас, во придружба на Камерниот оркестар на Битола, ќе ни подари серанади кои дишат со емоции, љубов, вино и убавини.
Центарот за култура - културното срце на Битола, Ви ги честита новогодишните празници и со желби за здравје, љубов и нови успеси Ви подготвува во новата година уметнички доживувања со врвен квалитет и вистински вредности, објави Центарот за култура Битола.
Europe House: Тука за младите
Декември 29, 2025Во годината што изминува, Europe House Битола ја потврди својата улога како отворена платформа за идеи, младинска енергија и културна размена во регионот. Преку низа внимателно курирани настани и јавни активности, просторот стана место каде што се сретнуваат различни генерации и интереси – од љубители на културата и современата уметност, до млади луѓе што бараат простор за учество, учење и создавање.
2025 беше година во која се движевме низ повеќе домени – млади, култура, образование, инклузија, спорт и активизам – со програми што комбинираа практични работилници, разговори и дебати, креативни формати, јавни проекции и теренски активности. Посебен акцент беше ставен на младинското учество и на формати што ја поттикнуваат критичката мисла, соработка и лична иницијатива, како и на содржини што ја прават европската приказна видлива и разбирлива во локален контекст.
Во текот на годината, Europe House Битола реализираше активности во партнерство со широк спектар на чинители – образовни и културни институции, локални организации, јавни институции и локалната самоуправа, како и преку соработка со конзулати и амбасади кои имаат присуство и активности поврзани со Битола. Оваа отвореност за соработка, заедно со довербата што се гради низ континуитет и квалитет, овозможи програмите да имаат реална публика и реален ефект – не само „настани“, туку заеднички доживувања што оставаат трага.
На прагот на новата 2026 година, Europe House Битола упатува искрена благодарност до сите партнери, соработници и посетители кои придонесоа кон успешната реализација на овие три години. Во новата година се гледаме со уште поинвентивни програми, подлабоки содржини и нови форми на учество – бидејќи Европа не е далечен концепт, туку жива приказна што секојдневно ја пишуваме заедно.
Новогодишни пакетчиња од Општина Битола за штитениците- децата од ЈЗУ Центар за рехабилитација на патологија на вербалната комуникација-Битола
Декември 29, 2025Советникот на НСДП Драги Крстев бара отворање на народна кујна во Битола, Марина Крстиќ од ВМРО-ДПМНЕ возврати дека Битола има народна кујна години наназад
Декември 29, 2025Софија Ристевска-Петрушева: Парите од „Битфест“ и „Зимската приказна“ треба да одат кај професионални културни работници, а не кај аматери
Декември 29, 2025Парите за култура треба да се доделуваат за сериозни културни продукти и во најголем дел кај професионалци, порачува режисеркатс Софија Ристевска-Петрушева, советничка од СДСМ на денешната расправа во Советот на Општина Битола, коментирајќи по точката на дневен ред - Програма за култура во општина Битола за 2026 година. Taa побара во Советот да се направи одделна комисија за културата, а не да е во склопот на јавни дејности.
Советничката Ристевска - Петрушева вели дека не може невладините и граѓаните да добиваат пари и да има еднакви параметри како и професионалните културни работници. Таа бара комисијата за доделување на средствата за фестивалите од културата во градот да биде составена од професионалци, културни работници, а не од општинската администрација, односно бара одделни комисии од професионалци за секоја дејност во смисла на театар, литература...
Таа ја коментираше и Зимската приказна за што вели дека има безброј активности и настани па вели -„Тоа е убаво, имаме пари и слободно да ги раздадеме на дечиња на училишта. Тоа не е лошо да не ме разберете погрешно, но мора да има некакво разграничување помеѓу професионалните артисти и генералната популација што се занимава со култура. Значи ние произведуваме мноштво, во мноштвото не може да има квалитет. Мора да одбираме и да селектираме“, рече советничката Софија Ристевска - Петрушевска од советничката говорница.
Ставот на Софија Ристевска Петрушева се однесува и на фестивалот Битфест каде на располагање се 3,2 милиони денари или 52 илјади евра.
-Најголемата 'порција' пари од овој буџет треба да се оддели за професионалните културни работници, затоа што тие носат културни продукти кои што се професионални. Ако се добро изработени тие продукти можат да привлечат и туристи...Културата носи приход, но добро финансираната и осмислената култура. Култура каде главен носител е професионалниот артист. Што се случува кај нас, имаме граѓански организации кои прават професионални продукти, има физички лица, сите се јавуваат на конкурсите, дали за Битфест или за Зимска приказна и некако сите се разгледуваат на куп. И кога се доделиле пари треба да се очекува сериозен продукт. Што се случува кај нас сите земаат средства, без разлика дали се професионални културни работиници, аматери, ученици, учителки. Сите земаат мала 'порција' од парите и немаме ништо сериозно, некаков сериозен културен продукт. Се оди на квантитет наместо на квалитет. И тоа е капиталниот проблем во културата. Буџетот за култура е страшно мал, 300 илјади евра, рече советничката.
Анета Блажевска
Наташа Марковска: СДСМ и Поинаку не гласаа за заклучоците против изградба на мигрантски кампови во Битола
Декември 29, 2025Советничката Наташа Марковска од владејачкото мнозинство на ВМРО-ДПМНЕ по денешнопто гласање на Советот на Општина Битола за точката поврзана со дезинформациите за изградба на мигрантски кампови во Битола објави дека СДСМ и Поинаку не гласаа против изградбата на мигрантски кампови.
„СДСМ И ПОИНАКУ НЕ ГЛАСАА ПРОТИВ ИЗГРАДБА НА МИГРАНТСКИ КАМПОВИ "
БИТОЛЧАНИ, ВИДЕТЕ ГО ОВА ЛИЦЕМЕРИЕ: СДС И „ПОИНАКУ“ ФАТЕНИ ВО ЖИВА ЛАГА! 
Маските дефинитивно паднаа во Советот на Општина Битола! СДС и нивните партнери од „Поинаку“ уште еднаш покажаа дека Битола им е само алатка за политички сплетки, а не град за кој искрено се грижат.
Што направија овојпат?
КРЕВАА ПАНИКА: Глумеа „спасители“ на Битола , бараа ВОНРЕДНА СЕДНИЦА за мигрантите. Сакаа да ја прикажат Битола како небезбеден град и да ги исплашат битолските семејства.
БЕГААТ ОД ОДГОВОРНОСТ: Кога дојде моментот да ги изгласаме заклучоците со кои јасно се осудуваат ДЕЗИНФОРМАЦИИТЕ и со кои се става крај на манипулациите со мигрантите – СДС и „Поинаку“ НЕ ГЛАСАА!, напиша Марковска.
Најчитани
