АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Февруари 16, 2026
Анета Блажевска
Битола, продолжува да ја зацврстува својата позиција како врвна туристичка дестинација, нудејќи им на посетителите незаборавно искуство низ вековната историја и автентичната архитектура.
Култното шеталиште Широк Сокак, со својот уникатен спој на староградски шарм и модерна енергија, останува главната точка на интерес за секој турист.
За да се овозможи целосно уживање во убавините на градот, Општина Битола во соработка со Министерството за култура и туризам, а согласно законската регулатива, воведува новини кои дополнително ќе ја зголемат неговата привлечност и функционалност.
Со цел да се одговори на потребите на бројните туристички групи кои го посетуваат градот за време на викендите и празниците, се овозможува непречена работа на трговските објекти во најфреквентните зони, дефинирани како туристичко-културолошка атракција.
Ова значи дека сите трговски објекти лоцирани на Широк Сокак сега ќе можат да ги услужуваат посетителите и во недела и за време на празници, нудејќи им можност за купување и на автентични сувенири во секое време.
Оваа потреба е поддржана со законските регулативи и известувањата од Министерството за култура и туризам, според кои Широк Сокак и Старата битолска чаршија се дефинирани како значајни туристичко-културолошки атракции. Како дел од заштитеното старо градско јадро, овие локации имаат статус на туристички места од висок ранг, што овозможува исклучоци во трговската дејност во корист на развојот на локалниот туризам.
„Битола не е само град на историјата, туку и град кој живее за своите гости. Со овозможувањето на работата во недела и празници на Широк Сокак, се создаваат услови за комплетно туристичко доживување кое доликува на еден модерен европски центар.“
Преку овие чекори, Општина Битола ја потврдува својата посветеност кон промоција на културното наследство и создавање на гостопримлива средина која ги привлекува туристите од целиот свет, правејќи го секој престој во градот исполнет и содржаен.
Битолчани - Нова забава на Пелистер на стартот на жичарата - 27 декември сабота со почеток од 11 часот
Декември 24, 2025Во понеделник ќе се носи буџетот на Општина Битола за 2026, ќе се носат заклучоци против дезинформациите за мигрантски кампови
Декември 23, 2025В ПОНЕДЕЛНИК БУЏЕТОТ НА ОПШТИНА БИТОЛА ЗА 2026 И ЗАКЛУЧОЦИ ПРОТИВ ДЕЗИНФОРМАЦИИТЕ ЗА МИГРАНТСКИ КАМПОВИ
За в понеделник ( 29 декември) Советот на Општина Битола ја закажа 4-та седница на која ќе се најдат 87 точки на дневниот ред.
Прва од точките ќе биде донесување Заклучоци против дезинформациите за мигрантски кампови.
Пред советниците ќе се најде и Одлука за давање согласност и овластување за потпишување прелиминарен преддоговор за стратешко/инвестициско партнество на ФК „Пелистер“ АД Битола.
Меѓу точките од дневниот ред се и тие за носење одлуки за давање на користење без надоместок недвижни ствари-простории во сопственост на Општина Битола за период од 10 години на Центарот за поддршка на лица со интелектуална попреченост „Порака“ Битола, на Здружението за фолклор, песни, игри и обичаи КУД „Илинден“ Битола, на Асоцијацијата за фолклор „Плетенка“ Битола, на Здружението Ансамбл за фолклор „Гоце Делчев“ Битола.
Исто така ќе се носат и Одлуки за давање на користење без надоместок недвижни ствари-простории во сопственост на Општина Битола за период од 3 години на Центарот за развој на Ромската заедница „Баирска светлина“ Битола и на „Здружението на пензионери“ Битола за период од 2 години.
На оваа последна седница за оваа календарска година пред советниците ќе се најде и Буџетот на Општина Битола за 2026 година.
Од денеска започнаа и комисиските расправи кои исто како и седниците на Советот на општина Битола имате можност да ги следите на официјалниот Јутјуб канал на Општина Битола.
Моторџиите од МК „Конзули“ Битола на мотор им го однесоа Дедо Мраз на децата во ресурсниот центар „Кочо Рацин“ Битола
Декември 22, 2025Во Битола се гради нова сала за бокс
Декември 22, 2025КОЊАНОВСКИ СО ШАМПИОНОТ РУСТЕМОВСКИ НА СРЕДБА НА ЛОКАЦИЈАТА КАДЕ ШТО СЕ ГРАДИ БОКСЕРСКАТА САЛА
Ален Рустемовски, боксерот на клубот „Пелистерски јунак“ и македонски репрезентативец, кој настапи во категоријата до 60 килограми и беше победник на традиционалниот меѓународен боксерски турнир „Златен гонг“, кој по 54-ти пат се одржа во Скопје, денеска имаше средба со градоначалникот на Битола, Тони Коњановски, на локацијата каде што се гради боксерската сала.
Рустeмовски, кој беше со свои колеги боксери и тренерот на клубот во разговор со градоначалникот кажа дека стигнал до трофејот по извонредната борба и техничка супериорност во рингот на дуелот со Англичанецот Џозеф Тарнер.
Тој вели дека оваа година ја завршува со голема гордост, искуство и вера во себе.
„Година полна со борби, победи, падови и лекции. Злато и пехар за најдобар боксер во Молдавија (3 меча – 3 победи), злато на домашниот меѓународен турнир „Мирослав Петровиќ“, пехар за најдобар техничар, државен првак на Македонија, Балкански шампион, Вице-европски шампион (U23) – сребро на ЕП во Ерменија, злато и освоен Златниот гонг – еден од најстарите турнири во Европа, Учество на Светското првенство во Дубаи, со победа во 1/16 финале. Оваа година е најуспешната во мојата кариера досега.
А, сепак… јас лично се чувствувам како да не сум направил доволно. Затоа што знам дека вистинските успеси допрва доаѓаат“ вели Рустрмовски.
Тој го информираше градоначалникот дека пред него е тешка и напорна 2026 година, која ја започнува на еден од најсилните и најстарите турнири во светот – „STRANDJA“,
во Софија, Бугарија, од 20 февруари до 1 март, потоа Медитерански игри во Италија јули - август, во септември европско првенство и турнир за норма кој ќе биде во октомври-ноември во Англија.
Градоначалникот Коњановски му честиташе за сите успеси истакнувајќи дека верува дека тој и натаму со големи успеси достојно ќе ја претставува Битола, а дека оваа сала која е во изгредба ќе биде модерен објект каде тој и сите кои се занимаваат со бокс во одлични услови ќе можат да тренираат.
Општината ќе му даде поддршка за претстојните натпревари, со цел да обезбеди пласман на олимпијадата во 2028 година.
Најчитани
