АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Април 16, 2026
Анета Блажевска
Битола ќе добие спомен обележје за депортираните Евреи - Плоча со 3.276 имиња ќе сведочи за трагедијата од 11 март 1943
Февруари 16, 2026Општина Битола донесе одлука и ја прифати донацијата од Еврејската заедница во Република Македонија за изградба на Спомен-обележје за депортираните Битолски Евреи за време на Втората светска војна.
Според проектот, Спомен обележјето ќе биде подигнато на Еврејските гробишта во Битола каде ќе биде поставена плоча со имињата на депортираните Евреи од овој град.
Иницијативата на Еврејската заедница во Република Македонија за подигање Спомен обележје на Еврејските гробишта во Битола е согласно законот за меморијални споменици и спомен обележја и согласно насоките од Управата за заштита на културното наследство. Целта на иницијативата е подигање на спомен облежје со трајна културна, историска и меморијална вредност, во чест на сеќавање на битолската еврејска заедница и нејзините сограѓни кои ги изгубија своите животи во Холокаустот, како и зачувување на споменот на заедницата што дала значаен придонес во развојот на градот Битола.
Како што е познато, на 11. март 1943 година од Битола во логорот на смртта во Треблинка беа депортирани 3.276 битолски Евреи.
Со дрога во џебот фатени две деца од Битола на возраст од 16 и 17 година на ул.„Александар Турунџев" во Битола
Февруари 15, 2026Ски центарот Копанки на Пелистер утре продолжува со работа
Февруари 14, 2026Ски центар Копанки утре продолжува со работа!, објави вечерва ЕСМ Молика.
-Драги љубители на снегот и зимските спортови, ве известуваме дека од утре 15.02 Недела, Ски центар Копанки повторно продолжува со работа и ве очекува на планина. Во овој период ќе биде во функција само ски лифтот, па Ве молиме да го планирате вашето скијање согласно условите.
Уживајте во свежиот планински воздух, прекрасната природа на Пелистер и вистинска зимска атмосфера.
Се гледаме на стаза!, објваи ЕСМ Молика
17 годишно дете од Битола без возачка дозвола тешко повредило пешак на ул.„Козјак“ во Битола
Февруари 14, 2026
На 13.02.2026 во 18:35 часот во СВР Битола е пријавено дека на ул.„Козјак“ во Битола, 17-годишник од Битола, управувајќи патничко возило „даеву тико“ со битолски регистарски ознаки, удрил во пешакот Е.К.(42) од Битола. Во несреќата со тешки телесни повреди се здобил 42-годишниот пешак, констатирани во Клиничка болница Битола. Извршен е увид од увидна екипа на СВР Битола и по извршени проверки е констатирано дека возилото го управувал пред да се стекне со право на управување со моторно возило, по добиени насоки од јавен обвинител, 17-годишникот е лишен од слобода, а возилото е одземено.
Битола се подготвува за избор на најдобрите спортисти и екипи за 2025
Февруари 13, 2026ПРЕС КОНФЕРЕНЦИЈА ЗА МАНИФЕСТАЦИЈАТА ИЗБОР НА НАЈДОБРИТЕ СПОРТИСТИ И ЕКИПИ НА БИТОЛА ЗА 2025
Општинскиот сојуз на спортови и Општина Битола по 62-ри пат ја организираат манифестацијата Избор на најдобрите спортисти и екипи на Битола за 2025 година. Повод за тоа беше денешната прес конференција.
Годинашното мото на манифестацијата е „Верувај во себе, направи шампион“.
Претседателот на Сојузот на спортови Сашко Павловски рече дека подготовките се во завршна фаза, очекуваат и гости од неколку федерации од Македонија и гости од Министерството за спорт.
По категории ќе бидат избрани 10 најдобри спортисти, потоа најдобри сениорски, младински екипи и најдобри младинци.
„Имаше над 130 предлози за оваа година за избор на спортист. Навистина зад нас имаме многу успешна година во спортот во градот и бевме пред тешка одлука да ги определиме најдобрите“ рече Павловски.
Градоначалникот на Битола, Тони Коњановски кажа дека како Општина Битола спортот во Битола ја имал, ја има и ќе ја има поддршката на оваа локална самоуправа.
„Нашата задача е да се грижиме и да инвестираме во спортот, и тоа го правиме. Како Општина Битола продолживме и продолжуваме да вложуваме во спортската инфраструктура, професионалниот и училишниот спорт. Секаде со големи букви е запишано и докажано дека Битола е најспортскиот град во Македонија“ вели Коњановски.
Манифестацијата ќе се одржи вторник на 17 февруари со почеток во 19:00 часот во Народниот театар Битола, а вечерва од 18:00 часот и изложба на спортска фотографија во фоајето на Народниот театар од четворица автори.
Битолчани реагираат дека добиле во просек по 750 денари обештетување од земјотресот во 2022 година - што одговара Општина Битола
Февруари 12, 2026Претседателот Венко Филипче вечерва на сопартијците им порача дека нема да дозволи поделби платени од владејачката ВМРО ДПМНЕ ниту внатрепартиско роварење. "Консолидацијата и внатрепартиското единство се нашата најголема сила и клучот за уште посилен СДСМ во борбата против оваа власт. Нема да дозволам внатрепартиско роварење и поделби платени од ВМРО-ДПМНЕ, затоа што тоа им е единствениот начин да се одржат на власт, " порача вечерва од Штип лидерот на СДСМ Венко Филипче на регионалната средба со општинските организации каде се разговарало за новата партиска програма, за идните чекори и за процесот што ги започнала партијата за широка внатрепартиска дебата, директна комуникација со членството и со граѓаните на терен.
Според фотографиите објавени од Филипче, во Штип од битолските социјалдемократи единствено е присутен Драган Крајовски како нов член на ИО на СДСМ.
"Затоа, наша обврска е целосно да ја вратиме довербата во СДСМ, и можеме да успееме. СДСМ има нова сила, енергијата е променета. СДСМ е подготвена да ја врати власта во рацете на граѓаните, порача Филипче.
Најчитани
