АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јануари 02, 2026
Анета Блажевска
Двајца возрасни битолчани фатени со дрога на улица
Ноември 08, 2025На 08.11.2025 во 00:30 часот полициски службеници од СВР Битола на ул. „Филип Втори Македонски" во Битола ги лишиле од слобода Ј.Б.С.(37) и Ј.П.(34), двајцата од Битола. При преглед кај Ј.Б.С. била пронајдена грутчеста материја и предмети со траги од непозната материја. По документирање на настанот ќе следува соодветен поднесок.
На 08.11.2025 во 03:05 часот на бул. „1 Мај“ во Битола, полициски службеници од СВР Битола го лишија од слобода Ф.Д.(26) од с.Цапари, битолско. Имено, при контрола во сообраќајот, полициските службеници сопреле патничко возило „опел" со битолски регистарски ознаки, при што било утврдено дека Ф.Д. е под дејство на алкохол, односно измерени му биле 1.69 промили алкохол во крвта. По документирање на настанот против истиот ќе следува пријава за кривично дело „безобѕирно управување на моторно возило” согласно член 297-а од КЗ. Во друг случај - 08.11.2025 во 01:16 часот на ул.„Македонска фаланга“ во Битола, полициски службеници од СВР Битола го лишиле од слобода Љ.В.(57) од Битола. Имено, при контрола во сообраќајот, полициските службеници сопреле патничко возило „фиат" со битолски регистарски ознаки, управувано од Љ.В. при што е констатирано дека возилото го управувал под дејство на алкохол, односно измерени му се 1,98 промили алкохол во крвта. По документирање на настанот против истиот ќе следува пријава за кривично дело „безобѕирно управување на моторно возило” согласно член 297-а од КЗ. Во трет случај - 07.11.2025 во 23:12 часот на ул.„Тошо Даскало“ во Битола, полициски службеници од СВР Битола го лишиле од слобода Н.С.(36) од Битола. Имено, при контрола во сообраќајот, полициските службеници сопреле патничко возило „пасат“ со битолски регистарски ознаки, при што било констатирано дека Н.С. го управувал возилото под дејство на алкохол односно измерени му биле 1,79 промили алкохол во крвта. По документирање на настанот ќе следува поднесок за кривично дело ,,безобѕирно управување на моторно возило” согласно член 297-а од КЗ.
Работилница за превенција од врсничко и дигитално насилство во Битола
На 6 ноември 2025 година, во ООУ „Гоце Делчев“ – Битола, се одржа едукативна работилница за превенција од врсничко и дигитално насилство, организирана од Мисијата на ОБСЕ во Скопје, во соработка со Општина Битола. 
Фацилитатор на активноста беше м-р Фатма Бајрам Аземовска, која ја модерираше интерактивната работа со учениците и ги водеше дискусиите за препознавање и спречување на различни форми на насилство.
Во име на Мисијата на ОБСЕ, се обрати Ѓултен Мустафова, Национален програмски офицер, која ја истакна важноста на превенцијата, дијалогот и градењето на култура на почитување во училишната средина. 
Како претставник на Општина Битола, свое обраќање имаше Наташа Ташкова Поповска, која ја нагласи заложбата на Општината за континуирана поддршка на програмите за заштита на децата и младите, поттикнување на емпатија, соработка и безбедна училишна клима.
Говорници-
Доц. д-р Марина Кузмановска, психолог, и Наташа Беќирова говореа за емоционалните корени на булингот и улогата на љубовта, прифаќањето и самодовербата.
„Насилството често започнува од страв. А стравот го лечиме со поддршка и разбирање.“
Претставници од СВР Битола – инспектор Фарук Мемиќ, Мирјана Недановска и Ките Трајковски од Отсекот за превенција, се осврнаа на дигиталното насилство, злоупотребата на социјалните мрежи и важноста на пријавувањето.
Преку видео-сегменти од „Светот на Биби“, учениците ги препознаваа формите на насилство:
вербално, физичко и психолошко.
Во рамки на активноста „Ѕид на добрината“, учениците залепија зборови кои градат пријателство, поддршка и разбирање:
пријателство, храброст, почит, љубов, добрина. Пораки што беа понесени:
-Насилството не е игра и не е „нешто што поминува“.
-Да се застане во одбрана на друг е храброст.
-Пријателството и почитта се градат секојдневно, со мали гестови.
-Секое дете има право на безбедност — во училиште и онлајн.
На работилницата учествуваа 50 ученици од осмо и деветто одделение од следните училишта:
ООУ „Гоце Делчев“, ООУ „Св. Кирил и Методиј“, ООУ „Ѓорѓи Сугарев“ и ООУ „Д-р Трифун Пановски“.
Целта е јасна — подигање на свеста кај младите за препознавање, превенција и последици од врсничкото насилство, како и градење ставови на емпатија, поддршка и почитување во заедницата.
Заедно градиме училишта во кои владеат:
љубезностa, поддршкаta и прифаќањето.
Возач од Царев Двор - ресенско фатен пијан со 2,79 промили алкохол во крвта, лишен е од слобода
Ноември 07, 2025Противпожарната единица на Битола интервенираше на опожарено возило марка "пежо".
Настанот се случи вчера на 5 ноември.
-Примена дојава во 18:30ч. за запалено возило ТППЕ Битола интервенираше со 1 возило и 6 пожарникари. 
Советот на Општина Битола ја прифати донацијата од Амбасадата на САД во висина од 1 милион долари
Ноември 06, 2025Советот на Општина Битола на денешната прва работна седница ја прифати донацијата од Амбасадата на САД во висина од 1 милион долари за дооформување на новиот објект на противпожарната станица. Градоначалникот Тони Коњановски јавно се заблагодари на Амбасадата на Соединетите Американски Држави за, како што рече, значајната поддршка во зајакнувањето на капацитетите за заштита и спасување.
На истата седница Советот донесе и две важни одлуки со кои се деблокираат големи инфраструктурни проекти. Првата се однесува на грантот од Европската инвестициска банка во висина од 1 милион евра, наменет за реконструкција на водоводни мрежи на седум локации, од кои пет се во градското подрачје, а две во руралните средини.
Дополнително, беше усвоен и Нацрт-деталниот урбанистички план за спортски комплекс во населбата Нова Битола, со што се создава основа за отпочнување на процедурата за еден од поголемите идни спортски проекти во општината.
Градоначалникот Коњановски се заблагодари на советниците за, како што рече, конструктивноста и поддршката во носењето на одлуките важни за развојот на Битола.
Најчитани
