АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Април 16, 2026
Анета Блажевска
ЈКП Водовод Битола: Започнаа подготовките за пуштање во работа на фонтаната кај Саат кулата
Март 11, 2026Екипите на ЈКП „Водовод“ – Битола започнаа со подготовките за повторно ставање во функција на фонтаната кај Саат кулата, која е едно од препознатливите места во централното градско подрачје.
-Покрај редовните активности на терен, екипите на ЈКП "Водовод" - Битола, денес започнаа со подготовките за повторно пуштање во работа на фонтаната кај Саат Кулата.
Во наредниот период, по завршување на сите технички подготовки, фонтаната повторно ќе биде ставена во функција, објавија од Водовод Битола.
Централниот одбор на СДСМ ќе донесе одлука за распишување оглас за локален лидер во Битола
Март 11, 2026Лидерот на Македонски концепт Петар Богојески го соопшти новото раководство на општинскиот комитет во Битола
Март 11, 2026Петар Богојески лидер на Македонски Концепт го стокми новиот Општински комитет во Битола.
Општинскиот комитет на Македонски Концепт (ОК на МК) во Битола со ново раководство. За координатор е избран Марјан Неделкоски, приватен стопанственик.
Заменик координатор е избрана д-р Јасмина Димитровска Босилкова, доаѓа од банкарски сектор.
Илија Митревски, долгогодишен активист и еден од основачите на партијата Македински Концепт е избран за секретар на ОК Битола.
Тој е техничар за транспорт и шпедиција.
На координативниот состанок присуствуваше и претседателот на партијата д-р Петар Богојески, универзитетски професор и политички активист. Во неговото излагање го истакна значењето на Битола за македонството и визијата на Македонски Концепт за општината и генерално за преспанско - пелагонискиот крај. Координаторот Неделкоски истакна нескрена мотивиранист за локален настап и развој на партиската структура во градот и околните општини. Заменик координаторот Босилкова во своето излагање изнесе дел од локалната програма за економски и институционален развој на Битола и грижа за огромното иселување на населението, особено младите лица.
Политичката партија Македонски Концепт, која е дел од владината коалиција Твоја Македонија и на последните локални избори беше дел од партиите кои дадоа поддршка за избор на актуелната локална самоуправа во Битола, започна со реизбор на партиските тела низ цела држава. Тие најавија и критичен однос кон слабостите кои е неопходно да се надминат, со цел да не се повтори разочарување на граѓаните во политиките на управување со општината и државата, се вели во соопштението од Македонски концепт
Бесплатен Wi-Fi во срцето на Битола, објави Бојан Бојкоски претседател на Советот на Општина Битола
-Во април 2025 година, како советничка група на ВМРО-ДПМНЕ, предложивме и поддржавме одлука за учество на Општина Битола во проектот „EU4Digital – WiFi4WB“.
Иницијативата беше прифатена, апликациониот формулар беше изработен од ИТ секторот на Општина Битола и доставен до донаторот.
Денес резултатите се видливи на терен: на површина од 5.000 м² во Стариот градски пазар е обезбеден бесплатен јавен интернет за граѓаните, посетителите и трговците.
Ова е уште еден мал, но значаен чекор кон модерна, дигитална и отворена Битола, каде проектите не остануваат на хартија, туку се реализираат во корист на граѓаните.
Продолжуваме одговорно, со конкретни решенија и видливи резултати.
Упатуваме голема благодарност до донаторот за поддршката и довербата, објави Бојкоски.
Битолчанката Љубица Стерјева - По 20 години тропање по врати се реши проблемот со станот полн со ѓубре во центарот на Битола
Март 10, 2026ПО ДВАЕСЕТ ГОДИНИ ТРОПАЊЕ ПО ВРАТИ се реши проблемот со станот полн со отпад во населбата "Стара Болница" во Битола, реакција на Љубица Стерјева станар во зградата која проблемите на станарите храбро ги споделуваше и со нашиот портал АПЛА. Последниот аларм пред да се исчисти станот беше јавната реакција дека станот зоврива со глувци од напуштениот и полн со ѓубре простор. Реакцијата на Стерјева ви ја пренесуваме во целост.
---Дваесет години тропавме на врати.
Институции, канцеларии, шалтери, комисии.
Секој пат со истото, едноставно барање – да се реши проблемот со стан полн со отпад во нашата зграда во Стара болница во Битола.
Дваесет години слушавме слични одговори. Дека има „надлежна институција“. Дека некој друг треба да постапи. Дека предметот е во процедура.
Со тек на време, јасно ко ден ни стана нешто друго: кај нас секогаш има надлежни, но уште почесто – никој не се чувствува навистина одговорен.
А проблемот беше тука, пред нашите врати.
Сите го гледаа, а ние станарите секојдневно го имавме истиот мирис во носот – нечистотија, распаѓање, ризик за здравјето и чувство дека нешто што е очигледно за сите, со години се оттурнува на страна.
Колку и да изгледаше дека ништо не се менува, секогаш имаше некој од станарите што повторно ќе се јави, повторно ќе праша, повторно ќе поднесе барање. Некој што нема да дозволи проблемот да се заборави.
Таа тивка, но тврдоглава упорност беше најсилниот притисок.
Станот полн со отпад не беше само нечистотија.
Со тек на време стана симбол на една поширока навика – да се гледа на другата страна и да се надева дека некој друг ќе се справи со проблемот.
Во тие дваесет години соседите се менуваа, децата растеа, некои луѓе се иселија, други се откажаа.
Искрено, имаше моменти кога и ние се прашувавме дали вреди толку долго да се турка една иста приказна.
Но секогаш кога ќе се појавеше нова надеж, нова иницијатива или нова институционална врата, повторно се враќавме на истото барање: ова мора да се реши.
И конечно – се решава.
Деновиве, после две децении, станот конечно се чисти.
?Камиони со отпад излегуваат еден по еден, како да изнесуваат години наталожена негрижа, тишина и институционално одложување.
Ова не е приказна за победа над некого.
Ова е приказна за упорност.
За тоа дека кога станарите не се откажуваат, кога стамбениот сервис стои зад нив и кога проблемот постојано се потсетува дека постои – на крај мора да дојде момент кога ќе почне да се решава.
Оваа мала приказна од една зграда во Битола покажува нешто многу поголемо: понекогаш токму упорноста на обичните луѓе е она што на крај ги придвижува работите.
А после дваесет години тропање на врати, си велам – можеби најважното е што конечно една врата се отвори.
И некако си мислам… можеби сега барем малку помалку ќе смрди сето тоа што толку долго траеше...
КОМЕМОРАТИВНО ОДБЕЛЕЖУВАЊЕ НА 83 ГОДИНИ ОД ДЕПОРТАЦИЈАТА НА БИТОЛСКИТЕ ЕВРЕИ
Со неколку настани, денес во Битола се одржа комеморативно одбележување на 83 годишнината од депортацијата на битолските Евреи, во организација на Еврејската заедница на Република Македонија, со поддршка на општина Битола.
Градоначалникот на Битола, Тони Коњановски се обрати на комеморативната средба која што се одржа во салата на Советот на Општина Битола, а на која меѓу другите присутни беа и заменик министрите за европски прашања и финансии од Владата на Македонија, пратеници од Собранието, советници, претседателот на Еврејската заедница во Република Македонија, претседателот на Фондот за холокаустот на евреите од Македонија, претставници од Амбасадата на Израел, амбасадорката на Германија во Македонија и потомци на Евреите од Битола.
„Денес сме заедно во Битола, град кој се сеќaва и оддава почит на 3300 наши сограѓани, еснафи, млекари, занаетчии, сите оние кои ги споделувале битолските улици со жителите на градот.
Тажни сме за настаните од минатото, нивната депортација и велиме никогаш да не се повторат тие мрачни моменти на кои денеска се потсетуваме. Ова е незаборав за се она што било заедничко живеење во овој град, град на мултикултурата.
Уште една опомена до сите нас дека соживотот нема цена, дека пријателството, заедништвото, мирот и соработката се атрибутите кои треба да ги почитуваме секојдневно. Вечна им слава“, рече Коњановски во своето обраќање.
Потоа бројни делегации положија свежо цвеќе на Споменикот Камена Менора и споменикот на Естреја Овадија Мара во дворот на Здравствениот дом „ Хаим Абраванел“ во Битола.
Фото вест - Се чисти стан во центарот на Битола
Март 10, 2026Овие фотографии покажуваат во какви услови живеела старицата од зграда во "Стара Болница" во Битола која собирала смет и што трпеле станарите во зградата. Речиси десеттина камиони се наполнија со ѓубре што старицата го собирала во станот! Фото загрижени граѓани за АПЛА.мк 
Најчитани
