АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јануари 02, 2026
Анета Блажевска
СВР Битола информира - На 03.12.2025 во 23:30 часот на ул.„Прилепска” во Битола, полициски службеници од СВР Битола ги лишија од слобода Д.Т.(24) и В.Б.(24), двајцата од Битола, затоа што при преглед кај нив, кај Д.Т. е пронајдена и одземена марихуана. По целосно документирање на настанот против нив ќе следува соодветен поднесок.
На 03.12.2025 во 19:20 часот на ул.„7 Јули” во Битола, полициски службеници од СВР Битола ги лишија од слобода К.Ш.(23) и еден малолетник затоа што при преглед кај нив, кај К.Ш. е пронајдена и одземена прашкаста материја. По целосно документирање на настанот, ќе следува соодветен поднесок.
Експерти работат на физибилити студија за гондола на Пелистер
Декември 04, 2025СТРАНСКИ И ДОМАШНИ ЕКСПЕРТИ РАБОТАТ НА ФИЗИБИЛИТИ СТУДИЈАТА ЗА ГОНДОЛА НА „ПЕЛИСТЕР“
Тимот странски и домашни експерти денеска презентираа дел од решенијата од процесот на изработка на физибилити студија за изградба на гондола на „Пелистер“.
Експертите од Словенија и Франција, како и домашните ги претстави претседателот на Советот Бојан Бојкоски, пред присутните советници, администрацијата на општината, планинари, здруженија и медиумите.
Екипата која ќе ја подготвува физибилити студијата за гондолата, за како што беше кажано еден потенцијален комплетен туртистички бисер за сите четири сезони, констатирала голем потенцијал на „Баба Планина“ со врвот „Пелистер“. 
„Бевме на терен два-три пати, во сите услови и преку зима и преку лето за да ги видиме сите услови и потенцијали кои што ги нуди природата. Потенцијалот е огромен, заради тоа сме и овде, бидејќи мислиме дека луѓето се повеќе ја сакаат природата, но сепак треба некаква инфраструктура како би дошле до таа природа“ вели Франц Фурлан, експерт од Словенија, од компанината „Furlani“.
Тој кажа дека има повеќе опции од каде би тргнувала гондолата и дека денеска ќе се дискутираат и тие теми.
„Мислиме дека ваквиот проект е важен и затоа ги дискутираме можностите, како и тоа што е позитивно, а што би било негативно. Вие подобро знаете од нас, но ние можеме да дојдеме со некои идеи и опции и од технички и од финансиски аспект“ рече тој, кој заедно со неговиот колега Вансент Тасар од компанијата „Stem international“ од Франција имаат бројни искуства низ светот, а задачата им е да понудат инфраструктурни, финансиски, технички решенија.
Тој вели дека трендовите се да се користат еколошки решенија, а гондолите се такви, затоа што не се влегува со возила во националниот парк, а истовремено тие гондоли им овозможуваат на посетителите да уживаат во природата.
Физибилити студијата треба да ја покаже оправданоста, економските потенцијали и сето она што го очекуваме од гондолата која би се изведувала на „Пелистер“, рече градоначалникот на Битола, Тони Коњановски кој кажа дека издвоени се средства за изработка на таа студија.
„Во опција се повеќе патеки до горе. Почетна станица би била некаде во реонот на Дихово, тоа е едната опција, потоа постои локација и кај Ротино и Цапари, неколку патеки, но не подолги од 9 километри и целта би била со една попатна станица, која ние би сакале да е, бидејќи веќе има инфраструктура да биде кај „Копанки“ или „Молика“ и би одела до антена“ рече Коњановски.
Според него, целта е да се направи гондола која од една страна ќе ја збогати туристичката понуда, но од друга да се зачува природата.
„Основна цел е и да се зачува екологијата, биодиверзитетот на „Пелистер“, да не се уништува, едноставно со најеколошкото средство на електрична енергија да се искачиме и да уживаме во убавините на „Пелистер“ рече Коњановски.
Примерите како што кажа Коњановски, зборуваат дека изградбата на ваква гондола во други земји ја зголемиле посетеноста, односно туризмот десеткратно, од тоа што веќе го имале. 
Сепак додаде дека ова е прв чекор и долг процес додека се реализира.
Битола - Дигитална зона, безбедни тинејџери без насилство
Декември 03, 2025„ДИГИТАЛНА ЗОНА-БЕЗБЕДНИ ТИНЕЈЏЕРИ, БЕЗ НАСИЛСТВО“
Подигнување на свеста кај средношколците за дигиталното насилство, токсичните онлајн врски, онлајн уцените, притисоците и предизвиците кои младите ги доживуваат на социјалните мрежи.
Стручната фела, невладините, учениците, дискутираа на овие теми и проблеми на настанот „Дигитална зона-безбедни тинејџери, без насилство“, организиран од здружението за развој на ромската заедница „Сумнал“.
„Денешниот настан е такму наменет за тинејџерите, за нивните можеме да кажеме најголеми проблеми со кои што се соочуваат, меѓутоа е и во рамки на одбележувањето на 16 дена активизам против родово базирано насилство 2025“ рече Фатма Бајрам Аземовска, претседателка на „Сумнал“. 
Учесниците на трибината ги поздрави градоначалникот на Битола, Тони Коњановски.
„Секое дете треба да има безгрижно детство, целосно ослободено од насилство, експлоатација и злоупотреба, е пораката која последниве години се почесто ја слушаме. Ништо не е како некогаш, детската безгрижност денеска е загозена во глобалниот свет и пристапот кон дигиталниот свет.
Некогаш фиксните телефони не правеа среќни, а денеска и тие, но и мобилните се алатки без кои како да не се може и често не вознемируваат. И како родител и како градоначалник и јас си го поставувам прашањето на кое заеднички со вас и со институцијата која ја претставувам го бараме решението каде е грешката и како да се превенира или поправи“ рече тој. 
Општина Битола од крајот на 2022 година има регионален советодавен Центар за жртви на семејно насилство врз жени и деца, каде се пружа психолошка, правно-советодавна и кариерна поддршка.
За проблемите и решенијата зборуваа претставници од полицијата, психолози, социјалнен работник, спортист и инфлуенсерка.
Освен теоретскиот дел, денешниот настан вклучи и симулација со сценарија за реакцијата на учениците.
ЗЛАТЕН СЕРТИФИКАТ ЗА ВОЛОНТЕРСТВО во 2025 година на волонтерската иницијатива SUPPORT KOCANI
Декември 03, 2025
Најчитани
