Успешно реализиран проектот за бесплатно мерење на притисок во очите и шеќер во крвта, како и давање соодветни консултации на пензионерите од Здружението на пензионери Битола, согласно склучениот меморандум за соработка на Сојузот на здруженијата на пензионери на РСМ и Специјализираната болница ,,Промедика офталмологија“- Скопје.

Заинтересираноста беше голема од страна на пензионерите за време на бесплатните лекарски прегледи и консултации  спроведени на 7 декември во Битола. Оваа бесплатна услуга ја искористија околу 150 пензионери.

Пензионерите беа известени дека со овај меморандум кој важи до 31.01.2024 година има и други поволности за нив како на пример, супспецијалистичките прегледи , испитување на очното дно, операција на катаракта и други прегледи на очите во Болницата. Цената за услугите неманети за пензионерите ке биде намалена за 50% од редовната.

Санкционирани 22 возачи под дејство на алкохол на територијата на СВР Битола

Музичка магија се случи вечерва на големиот концерт на 4 хора под раководство на Марина Коруновска и нејзината школа Korunovska music&singing по повод Светскиот ден на хорското пеење. На сцената во Големата сала на Центарот за култура во Битола,  над 100 хористи, од 3 до 70 години, ја преноса нивната волшебна енергија преку музиката до публиката која заедно со детскиот хор “Ѕвончиња”, Тин Поп Рокет, Етно хор “АВА”, Пор Рок хор “БИТВОКС” , пееја познати детски песни, поп рок хитови, стара и подзаборавена македонска народна музика.

Марина Коруновска, заедно со нејзините соработници, Александар Ристовска и Михаил Мими Марковски, на битолчани им подготвија вистинско музичко уживање

-Овој ден ја слави не само музиката, ја слави солидарноста, мирот и разбирањето, тоа се вредностите на кои треба да се учат нашите деца. Пред да се впуштиме во магичното задоволство кое го дава хорската музика и изведба сакам да споделам нешто со вас. Во 1990 во август, Хелсинки Финска, на денот кога било предложено да се слави овој празник било кажано следното: Светот минува низ криза на себеунишување, нема никакво оправдување за тоа. Мнозинството луѓе од сите раси сакаат да живеат во мир. Ние музичарите, хористите време е да им покажеме дека музиката може да ги руши вештачките ѕидови изградени од политиката, различните идеологии, религиозни разлики и расна омраза кои го делат светот и го распарчуваат. Мора да покажеме дека музиката, божествената уметност е мисионерот на солидарноста, мирот и разбирањето. Не можеме да работиме сами, изолирани и затоа да направиме напори нашите гласови да се слушнат и да ја оставиме музиката да зборува место нас, рече Коруновска на почетокот на концертот.

 Интегрален текст од реакцијата на СДСМ Битола