Интегрален текст од прес конференцијата на Мирјана Захариевска Ралевска, советник од СДСМ

Министерството за земјоделство по барање на ЈП „Национални шуми“, даде согласност за воведување на делумна забрана за движење во шумите и шумското земјиште. Ваквата согласност се дава  поради зголемена опасност и превенирање од појава на шумски пожари на отворен простор.

Собранието на Здружението на пензионери од Битола ја одржа четвртата седница на која беше разгледан полугодишниот финансиски извештај за работата на Здружението од први јануари до 30 јуни 2023 година.

На седницата беше истакнато дека вкупните приходи се во согласност со планираните, додека вкупните расходи за овој период се во согласност со реализираните активности планирани со годишната програма. Полугодишниот финансиски ивештај на Здружението на пензионери беше едногласно усвоен.

На 17.07.2023, во рамки на „Безбедно лето 2023“, полициски службеници од криминалистичката полиција при СВР Битола спроведоа акциска контрола, при што на ул.„Караорман" во Битола беа пронајдени и одземени нелегално исечени дрва. Дрвната маса е предадена на Шумска полиција за понатамошна постапка, а по документирање на случајот ќе биде поднесена соодветна пријава.

На површина од 800 метри квадратни, во населбата Довлеџик, партерно се уредува патеката во близина на Црквата „Свети Архангел Гаврил“. За подобрување на условите во овој дел на градот, општината, вложува 1.750.000 денари.

Изминатите неколку месеци, завршено е партерното уредување и на улиците „Вера Циривири Трена“, „Булевар 1 Мај“ (во близина на Сточен пазар), како и на патека на улицата „Железничка“. На овие три улици, уредена е површина од 780 метри квадратни, за што општина Битола издвои 1.000.000 денари.