Здруженијата кои се занимаваат со географија покренаа  и доставија  барање до МОН и БРО за задржување на географијата како посебен предмет и запирање на концепцијата во основното образование. Иницијативата го носи слоганот „Да кажеме НЕ на уништувањето на ГЕОГРАФИЈАТА како предмет!“

Во барањето пишува дека со новата Концепција во основното образование, географијата целосно се деградира и разнебитува. Географијата е спој помеѓу природните и социо-економските карактеристики на просторот. Со Концепцијата овие две нишки целосно се одвојуваат и вештачки се спојуваат со други предмети, што ќе доведе до несогледливи последици, како по учениците, така и по наставниците.

1.      Не постои факултет кој продуцира кадар за природни науки, остручен за работа по различни модули од областа на биологија, географија, физика и хемија. Сегашниот наставен кадар е недоволно стручен за најголем дел од наставните содржини, бидејќи нема соодветно образование.

2.      Според податоци од  Државниот завод за статистика 2021/2022 од 11 146 паралелки во основно образование има 1238 паралелки во VI одделение. Бидејќи наставниците по географија имаа по  два часа (72часа) ќе се изгубат 1238 часа или 62 работни места. Доколку концепцијата продолжи по зацртаниот план во VII, VIII и IX одделение ќе се изгубат дополнителни 186 работни места, односно 248 наставници по географија кои имаат редовен работен однос ќе останат без работа.

3.      Делови од природната географија (географска положба, планини, реки, езера, клима и сл.) се изучуваат во предметот Историја и општество за IV, V и VI одд., со што, учениците доаѓаат до конфузија за предметот на изучување на природните и општествените науки.

4.      НЕВОЗМОЖНО е интегрирање на географијата со историјата и граѓанското образование, бидејќи и при усвојување на знаења од општествената и економската географија (во склопот на регионалната географија во VIII и IX одделение), секогаш се поврзуваат и се усвојуваат знаења од физичката географија. На тој начин учениците ги осознаваат причинско - последичните врски и специфичностите на соодветниот географски простор.

„Наши основни барања се: 

1. Задржување на статусот на географијата како ПОСЕБЕН предмет (најмалку во следните одделенија VII, VIII и IX одделение) согласно нејзиниот комплексен карактер како научна дисциплина. Односно ИСКЛУЧУВАЊЕ од предметите природни науки и историја и општество.

2. Модуларно изучување на наставните содржини и теми по предметот природни науки во V и  VI одделение (како што беше претходно најавено), а НЕ сите содржини кои се однесуваат на предметите: географија, биологија, физика и хемија да ги предава еден наставник.

3. Воведување на модуларно изучување за географските содржини во предметот историја и општество во V одделение„вели професорот Мите Ристов од Геосфера. 

Иницијативата за задржување на географијата како посебен предмет е доставена до МОН, БРО и претседателот на државата.

Кон Иницијативата се приклучија следниве организации:

• Здружение на професори по географија на Македонија „Проф.Д-р Љубе Миленковски“- Скопје
• Регионално географско друштво „Геосфера“- Битола
• Регионално географско здружение „Проф. Д-р Митко Панов“- Прилеп
• Независен синдикат за образование и наука – Скопје 

Објавени се резултатите од годинешниот конкурс за избор на композиции ( музика и текст ) за фестивалот „Ех, таа серенада“ 2023, во Битола. Комисијата составена од седум членови, истакнати професионалци од областа на музиката и уметноста, селектираа 17 од пристигнатите 73 композиции. На конкурсот се пријавија еминентни автори и изведувачи што за комисијата претставуваше сериозен предизвик и одговорност. Во понатамошна постапка организаторот ќе направи избор на изведувачи и на аранжери за избраните композиции. Официјалниот датум на оддржување на фестивалот е 24.08.2023 на платото на Офицерски дом- КИЦ Битола.

Во прилог се селектираните композиции за фестивалот
 „Ех,таа серенада“2023.

С О О П Ш Т Е Н И Е !

Се известуваат пензионерите од Општина Битола, Новаци и Могила – членови на Здружението на пензионери Битола, кои се заинтересирани да учествуваат на пензионерските спортски игри 2023 година, да се пријават во Стручната служба на ЗП Битола најдоцна до 15.05.2023 год. за следните дисциплини:

• Пикадо
• Табла
• Фрлање на ѓуле
• Трчање
• Стрелаштво
• Фудбал
• Кошарка
• Скок во место
• Шах

За сите наведени дисциплини може да се јавуваат жени и мажи пензионери.

Селекција на најдобрите ке врши комисијата за спорт при ЗП Битола по одржани повеке тренинзи.

                                                 Здружение на пензионери Битола

Интегрален текст од прес конференцијата на Елена Кромидаровска, советник од СДСМ

Јавното претпријатие Пазари е во загуба од 3.149. 562 денари.

Општина Битола, го објави јавниот повик за доделување на финансиски средства од буџетот на општината на спортски клубови, спортски здруженија и спортисти за 2023 година. Финансиската поддршка согласно програмата за активностите во областа на спортот и младите во Општината Битола за 2023 изнесува 1.500.000,00 денари за спортски клубови/спортски здруженија и 500.000,00 денари за индивидуални спортисти.

Право на учество на јавниот повик ќе имаат спортски клубови, спортски здруженија, спортисти во сениорски и младински категории, како и  другите физички и правни лица од областа на спортот чиешто регистрирано седиште односно живеалиште се наоѓа на подрачјето на Општина Битола.

Основни услови за доделување на финансиска поддршка на спортските клубови, спортските здруженија и спортистите во Општина Битола се:

Согласно склучениот договор помеѓу Општина Битола и „Проветалек“ Дооел Новаци, економскиот оператор, продолжува со заловување и стручен третман на кучиња скитници и нерегистрирани кучиња на територија на Општина Битола.

Градоначалникот на општина Битола, Тони Коњановски, објави демант на изнесените обвинувања од СДСМ, поврзани со ревизорскиот извештај за ЈП Водовод.

Во прилог Ви ја пренесуваме изјавата на градоначалникот Коњановски:

Изминатата недела битолската шумска полиција во неколку одделни акции против нелегалната сеча и транспорт на дрва одзеде две моторни пили, како и една рачна пила.

Против сторителите на нелегалната сеча ќе бидат поднесени соодветни пријави до институциите.

Повеќе од 20 компании и повеќе од 100 отворени работни позиции беа промовирани на Денот за кариера кој се реализира на 25 април 2023 година на платото во Офицерски дом во Битола.

Основна цел на настанот беше пренос на информации, мотивација и едукација на преку 200 невработени лица од општина Битола да аплицираат и да се вработат во брзорастечки компании, големи компании, мали и средни бизниси, иновативни бизниси и старт ап компании од една страна и компании кои имаат потреба од работници со стручни квалификации, кои нудат слободни работни места.

Денот за кариера ја поврзува бизнис заедницата (промоција на отворени работни позиции) со невработени лица. Другиот аспект на овој настан беше мотивирање на младите да останат во РСМ, да започнат свој сопствен бизнис и/или да се вклучат во едукативни програми и да работат на сопствениот кариерен раст и развој.  Дополнително од страна на МКЦ-Битола, на апсолвентите и дипломираните студенти им се понуди и учество во иновативна дигитална онлајн платформа за претприемничко учење која ќе се реализира од јули до август 2023, а ќе финишира со еднонеделна обука во септември 2023 во Солун, Република Грција. Преку ЕНТЕГ програмата за преприемништво имаме слободни места за 24 учесници од Северна Македонија.

Проектот ЕНТЕГ е во рамките на ИНТЕРРЕГ ИПА Програмата за прекугранична соработка помеѓу Грција и Република Северна Македонија 2014-2020  и е партнерска соработка помеѓу Младински културен центар – Битола и COSV Координација на организациите за волонтерски услуги – Прилеп од страна на Република Северна Македонија и Регионалниот фонд за развој на Централна Македонија (водечки апликант) и Техничката комора на Грција/оддел за Централна Македонија од Република Грција