По повод новогодишните и бижиќни празници и спроти празникот Василица, денес во Старскиот дом „Софија“ во Битола лоциран во старата касарна, гостуваше ансамблот „Сирма Војвода'', кој делува при Здружението на пензионери од Битола. 

Друштвото на битолчанецот Велчо Петровски Папал вечерва по 45 пат ќе се собере да ја дочека Стара Нова Година и се чини дека е е најдоследно во негување на оваа Василичарска традиција во Битола, кога се врти мазник со паричка.

-Во Битола традицијата е на 13 јануари да се собираат друштвата, а на 14 јануари се собираат фамилиите. Старите битолчани тоа го прават во своите домови. Моето друштво се собира на 13 јануари, еве веќе 45 години, а сме 12 парови. Се прават мазничиња, се става паре, односно ние ставаме златник, на кој ќе му падне го добива. На почетокот се собиравме во домашен амбиент, сега модерните жени не го прифаќаат тоа и се собираме по кафеани. За мене тоа е неприфатливо, но тоа го носи модерното време, вели Велчо Петровски Папал.

Семејно, во домовите, мазникот се врти на 14 јануари, а три дена пред и три дена по Василица, паричката се бара на работните места, меѓу колегите, пријателите друштвата. Битолчани за овој празник имаат поголеми подготовки и го доживуваат со поголема радост отколку Нова година, а рестораните се резервираат и еден месец порано. Домаќин обично е оној кому му паднала паричката претходната година. Се јадат колбаси, се игра комар и се пеат староградски песни до рано изутрина. Домаќинот го дели мазникот на онолку парчиња колку што има гости . Секој ја а бара паричката, а за оној што ќе ја пронајде, се верува дека среќата ќе му биде наклонета целата година. И битолските новинари имаат долга традиција на одбележување на Василица.

-Годинава е 18 пат како се собира една поголема група на битолски новинари да ја прослави Василица со вртење на мазник со паричка. Денес ова друштво слави полнолетство, ако можам така да се изразам. Во текот на години некои од колегите не доаѓаат, се менува составот, некои се пензионираа, имаме и нови пријатели, покрај новинарите, доаѓаат сниматели, фоторепортери, фотографи. Така друштвото се проширува, на тој начин опстојуваме и ја славиме традицијата. Можам да кажам дека соработката не е само за Василица и за на софра, туку соработуваме и во рамките на професијата, разменуваме размислувања околу новинарски проблеми ,се поддржуваме, соработуваме. Најголем дел од новинарите во Битола функционираат како едно поголемо семејство, односно иако се од различни редакции функционираме како една голема редакција, вели Жанета Здравковска, регионален координатор на ЗНМ

Полициски службеници од криминалистичката полиција при СВР Битола ги лишиле од слобода А.Ѓ.(48) и М.С.(38)од Битола, поради постоење основано сомнение дека на 08.01.2023 околу 15.30 часот на ул.„Солунска“ во Битола извршиле кривично дело „разбојништво“.

Имено, тие кривичното дело го извршиле со физички напад на 67-годишен битолчанец,  користејќи дрвен предмет, при што му одзеле пари во вредност од околу 200.000 денари. 
СВР Битола до ОЈО Битола поднесе кривична пријава по чл.237 од Кривичниот законик, а од страна на судија на претходна постапка на А.Ѓ. му одредена мерка притвор во траење до 30 дена, додека М.С., осуденик во КПУ Затвор Битола, е спроведен назад во затворот, каде веќе издржува затворска казна.