Уште повеќе се заостри реториката меѓу претседателката на Советот на Општина Битола, Габриела Илиевска од независната советничка група „Поинаку“ и градоначалникот Тони Коњановски од ВМРО-ДПМНЕ.

Илиевска на денешната седница на Советот го обвини Коњановски за диктатура зашто до неа стигнал допис од секретарот на Општината дека доколку бара информации до општинската администрација, треба да ги достави до нив, што таа го оквалификува како обид за запирање на информациите. Градоначалникот пак, кажа дека постапуваат според законските одредби, Статутот и Деловникот на Општината во однос на обврските на службите и нема да дозволат врз администрацијата да се врши психички мобинг.

Новата конфронтација настана откако Илиевска побара од раководителите на сектори и одделенија во Општината да ѝ се достави писмено образложение по предлог точките што ги имаат доставено за 30 седница на Советот.

„До мене стигна допис од секретарот на Општината со кое ми налага како на советник и претседател на Советот доколку сакам да добијам било каква информација морам да се обратам до нив притоа не смеам да се обратам до ниедна од другите служби зашто за тоа немам надлежност. Ми беше кажано дека вакви лични услуги, да се испраќа известување до претседателката на Советот, нема веќе да ги вршат службите, а замислете имаме служба за поддршка на Советот. Градоначалник, ова е класична диктатура, која никогаш нема да ја дозволам и да кажите дали ќе го отповикате дописот“, рече Илиевска.

Од Општина Битола одговорија дека се испочитувани законските одредби во однос на обврските на општинските служби. Согласно Законот за локална самоуправа, оној за административни службеници и Статутот на Општината, градоначалникот и секретарот раководат со општинската администрација, па барањата за информации треба да бидат доставени до нив, па тие понатаму да ги проследат до соодветните сектори и одделенија. Велат во случајот се барало дополнително писмено образложение по точките кога за истите биле изготвен и доставени материјали, а доколку има потреба предлагачите од редот на општинската администрација на соодветните работни тела или на самата седница даваат стручни образложенија или мислења.

„Општинската администрација и секретарот се на располагање на Советот и граѓаните и тоа јасно сите го имате на увид, тука не треба дискусија, секојдневно сме во контакт и со советниците и со граѓаните и со претседателката на Советот и се она што треба да го добие. Меѓутоа, нема да дозволам психички мобинг врз административните службеници од било кого, вклучувајќи ја и претседателката Советот“, рече Коњановски.

Веќе неколку месеци се нарушени односите меѓу ВМРО-ДПМНЕ и „Поинаку“ откако се распадна советничкото мнозинството во битолскиот Совет.

Ж.З. 

Сојузот на борци од Битола со жестока рекација за одлуката на Комисјата за споменици и спомен обележја на Општина Битола која не го прифати нивноот барање за внесување на изградба на биста на првоборецот Пецо Гудовски во Програмата за 2023-2028 година. Jа пренесуваме во целост реакцијата

Во кабинетот на градоначалникот на општина Битола Тони Коњановски, попладнево се одржа состанок со координаторите на советничките групи во Советот на општина Битола, на иницијатива на градоначалникот Коњановски, со цел да се надмине актуелната криза и да се изнајдат заеднички решенија за натамошно нормално функционирање на општина Битола.    

Градоначалникот уште еднаш истакна дека разумот мора да надвладее во интерес на градот и нашите сограѓани, така што заеднички, сите да покажат доблест и да разговараат за предлог ребалансот на буџетот. Доколку има и други предлози од страна на советниците, кои се во интерес на градот, ќе се разгледа можноста истите да бидат вклопени во новиот предлог ребаланс на буџетот.

Законската процедура во ваков случај налага нова седница, на која треба да се донесе буџет во рамките на предвидениот, кој ќе биде вчитан од страна на Министерството за финансии.

Само разумноста и конструктивноста на сите учесници во овој процес се решение за надминување на актуелната политичка состојба, бидејќи се останато е на штета на жителите на општина Битола, посочи Коњановски на средбата.

Интегрален текст од прес конференција на СДСМ