АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јануари 03, 2026
Анета Блажевска
Водовод Битола со соопштение - Водоснабдувањето ќе се нормализира во вечерните часови
Август 31, 2025Водовод Битола со соопштение
Ве известуваме дека поради дефект на пумпа во пумпната станица „Довлеџик“, поголем дел од ниската зона на град Битола е без вода.
Дефектот е саниран и во тек е монтажа на пумпата.
Очекуваме водоснабдувањето да се стабилизира во вечерните часови.
Ви благодариме за разбирањето.
,,Тука е Турунџе, конечно!" - Внуката Сузана седи дома на балконот и го гледа споменикот на војводата Александро Турунџев
Август 31, 2025Внуката на војводата Александар Турунџев, познатата македонска певица и телевизиски водител Сузана Турунџиева денеска објави фотографија од балконот на семејниот дом во Битола од каде има директен поглед на новопоставениот споменик на војводата Александар Турунџев во близина на Ат Пазар во Битола. Турунџиева утринскиот чај го пие во филџан со ликот на великанот Гоце Делчев, а погледот е вперен во ново откриениот споменик на војводата Турунџев. Внуката на војводата овој поглед го опишува со зборовите - "Какво бесценето чувство!"
Стануваш од спиење и се прашуваш дали она вчеравечер беше сон или реалност?
Погледнуваш низ прозорец, го гледаш дека е тука и си велиш: Не, не било сон. Тука е, Турунџе е тука! Конечно!!!
А мајка ти те чека со сварен чај од душата на мајката... Си седнуваш на тераса и гледаш во сонот кој стана реалност, а луѓе непрестано доаѓаат, му се поклонуваат и се сликаат...
Одсега нашиот стан нема само материјална и емотивна вредност. Одсега има и историска вредност!
Фала ти животе, напиша македонска певица Сузана Турунџиева 
Општина Битола со соопштение до јавноста за фонтот на буквите со кои е напишана спомен плочата на споменикот на војводата Турунџев
Август 31, 2025Општина Битола со соопштение до јавноста
Општина Битола ја информира јавноста дека во врска со спомен - плочата посветена на Александар Турунџев се појавија јавни реакции поради визуелниот изглед на користениот фонт.
Забелешките беа насочени кон тоа дека буквите изгледаат како да се напишани со туѓа ортографија. Сепак, стручната лингвистичка анализа покажува дека не станува збор за туѓа ортографија, туку за типографско решение во декоративен стил, каде одредени форми повеќе наликуваат на латинични знаци отколку на кирилични.Таквата визуелна сличност го создаде впечатокот на погрешно напишани зборови.
Имајќи ја предвид чувствителноста на прашањето и значењето на јазикот и писмото како дел од националниот идентитет, Општина Битола ќе изработи нова спомен - плоча со современ македонски фонт, целосно усогласен со правописните норми на македонскиот литературен јазик.
Со овој чекор, целта е да се избегне секаква забуна и да се обезбеди јасна и прецизна јазична форма, како што прилега за јавните обележја што ја чуваат историската меморија и сите други форми на јазичен израз.
Општина Битола останува посветена на негување на јазичната исправност, културната традиција и достоинственото чествување на хероите што се вградиле во слободата на Македонија. 
Пожар зафати два објекти во Буковски ливади, битолските пожарникари не дозволија да се прошири огнот
Август 30, 2025Пожар денеска зафати два објекти во населбата Буковски ливади во Битола. - Покрај силното невреме проследено со силен ветер и краток дожд кој ја зафати Битола, во 15:55ч. примена е дојава за запалена трева и два објекти во населбата Буковски ливади каде екипите на ТППЕ Битола веднаш излегоа на терен со 4 возила и 14 пожарникари. Пожарот кој се ширеше многу брзо и неконтролирано е локализиран и е под целосна контрола на екипите на ТППЕ БИТОЛА. Брзото реагирање на единицата спречи пожарот да ги зафати и другите објекти., објавија од битолската противпожарна единица.
Пожарникарите изразија благодарност и до жителите на населбата Буковски ливади за помошта при гаснењето на пожарот.
СВЕЧЕНО ОТКРИЕН СПОМЕНИКОТ НА АЛЕКСАНДАР ТУРУНЏЕВ ВО БИТОЛА
Со свечена церемонија и своевидна поворка која го симболизираше погибието на војводата Александар Турунџев, вечерва беше откриен споменикот на оваа значајна личност од македонската револуционерна борба под Ат Пазар во Битола.
Градоначалникот на Општина Битола, Тони Коњановски заедно со потомци од семејството Турунџиеви, пред бројните битолчани, гости го открија споменикот на војводата на што претходеше своевидна претстава поткрепена со исторска симболика.
„Токму на денот на погибието пред 120 години, на овој 30 август, Битола ја исправи својата вечна должност и му подари споменик на Александар Турунџев“, порача градоначалникот Коњановски.
На свечениот чин му претходеше поворка низ битолските улици, испреплетена со историски факти. Напочеток граѓаните се собраа пред пред ОУ „Ѓорги Сугарев“, местото каде Турунџев бил затворен, каде беше разбиорено македонското знаме од млади момчиња облечени во комитска носија, членови на КУД „Илинден“ Битола. Поворката беше придружувана со блех музика и групата Љубојна како и младите зурлаџии и тапанџии од АФ „Гоце Делчев“ Битола, а предводник на поворката беше коњаницата „Костурска чета“.
Бројни граѓани се приклучуваа на поворката која се движеше низ Плоштадот „Магнолија“, покрај реката Драгор до Ат Пазар каде и беше погубен војводата, па се новиот кружен тек каде е поставен споменикот на историската личност Александар Турунџев.
На сцената македонската државна химна ја отпеа правнуката на Турунџев, певицата Сузана Турунџиева, а оперскиот пејач Игор Дурловски во аранжман на Николче Мицевски ја изведе песната посветена на војводата Турунџев – „Црно му било пишано“.
Не кој ќе стигне да се вработува, стручни работници им се потребни на образовните институции (пишува Александар Адамовски)
Август 29, 2025Голема детска музичка забава во Битола - На 1 септември во Градскиот парк со вовчето „Мечо“ и „СИДО“
Август 29, 2025Нашинец од Австралија починал во хотел во Битола
Август 28, 2025СВР Битола информира - На 27.08.2025 во СВР Битола, било пријавено дека во хотелска соба во Битола бил пронајден починат С.С.(69) од Австралија. Од страна на лекар од Итната медицинска помош констатирана била смрт без видливи траги на насилство. Извршен бил увид од увидна екипа од СВР Битола, а по наредба на Јавен обвинител телото на починатиот било предадено за обдукција.
Рударите се економскиот столб на државата. Наша цел е секој рудар да се враќа дома безбеден и горд, порача денеска министерката за енергетика, рударство и минерални суровини Сања Божиновска која заедно со премиерот Христијан Мицкоски присуствуваше на настан во РЕК Битола организиран по повод Денот на рударите.
Во обраќањето, Божиновска порача дека рударите мора да имаат безбедни услови за работа и дека има засилени инспекции и построги казни за оние кои не ги почитуваат законските прописи. Министерството стои цврсто зад секој рудар – со современа опрема, безбедни услови за работа и фер стандарди за сите. За оние што вложуваат во безбедноста на рударите и заштитата на животната средина, поддршката е целосна, но за оние што мислат дека можат да ја заобиколат законската регулатива – нема компромиси. Инспекциите се засилени, контролите се редовни, а казните построги од кога било. Законот важи за сите, без исклучок, нагласи Божиновска.
Со доделувањето на признанија за најистакнатите рудари, манифестацијата во РЕК Битола уште еднаш ја потврди улогата на рударството како силен и одржлив економски сектор, но пред сè како професија која бара почит, заштита и континуирана поддршка, велат од Министерството за енергетика.
Најчитани
