Културен и информативен центар - Битола, поддржан од Општина Битола, а по повод 9 Мај  „ Денот на Европа“ со особено задоволство го најавува свечениот концерт на маестро Дино Имери, во концертната сала на Палатата на културата - Офицерски дом во Битола. Овој настан е дел од програмата за одбележување на „Денот на Европа“ на Општина Битола и  е прв пијано концерт на концертниот клавир „Bösendorfer“  по пренесувањето во  Палатата на културата - Офицерски дом и воедно промоција на концертната сала во истиот. 

На програмата се дела од: Ф. Шопен, Ф. Лист, А. Џамбазов, Д. Имери, М. Завков, С.Н. Ѓумар.

Концертот е на 9 мај со почеток во 20 часот. Резервации и влезници во билетарата на Културен и информативен центар Битола или на официјалната страна на центарот.

На 06.05.1942 година, при обид да биде легитимиран од  бугарскиот обласен полициски началник Ќурчиев, наместо да му ја даде личната карта на началникот, Народниот херој Стеван Наумов-Стив од џебот изваде пиштол и на лице место го уби овај злогласен крвник. Убиството се случи во центарот на Битола во месноста позната – кај Калугериците.

Голем бор падна на пристапниот  пат кон Детското одморалиште ,,Пелистер" и ги потисна жиците што пренесуваат електрична енергија. Одморалиштето веќе неколку години не е во функција и секој пат сликата од ова култно место е потажна. 

Пишува: Александар Литовски