По врвиците на некогашните комитски чети од Смилево, Полициско-спортскиот планинарски клуб „7 Мај“ го одржа 11 традиционален планинарски марш „Смилево 2022“. На него учествуваа 70 планинари кои испешачија 18 километри движејќи се по патеката на првите македонски стражи формирани за време на Смилевскиот конгрес во 1903 година. Токму од тој историски настан корени влечи и Денот на македонската полиција кога традиционално ПСПК „7 мај“ го одржува планинарскиот марш. Овој пат ја минаа релацијата од превојот Ѓавато до врвот Пирамида, па чешмата Гопеш се до село Смилево. За разлика од некои претходни маршеви минати во дожд, денес временските услови беа идеални, со сонце и малку ветер.

Ж.З.

Денес,   7 мај,  во хотелот Монтенегро во Велес се одржа третото изборно собрание на Независниот синдикат на Шумска полиција и администрација, на кое од вкупно 31 делегат со 29 гласа ЗА, 1 против и 1 воздржан за претседател беше реизбран битолчанецот Никола Гагоски, инаку вработен во Шумската полициска станица во Битола. 

На вчерашното редовно изборно собрание, Гаговски немаше други противкандидати. Тој за претседател на Независниот синдикат на Шумската полиција за првпат беше избран во април 2018 година и ова му е втор мандат. 

Со бројни активности и со свечена академија која се одржа во Киното Манаки, СОУ „Таки Даскало“ Битола го одбележа својот патрон празник 3 Мај.