Печати со ликот на премиерот Зоран Заев и кукасти крстови осамнаа вчерва во Битола. Редакцијата на Апла.мк печатот го затекна во новата населба кај касарната, односно зад зградите на Јури. Битолчани кои живеат во близина кажуваат дека ваков печат немало до вчера, се гледа дека е пресно врежано и не е изледено, односно нема траги од прегазеност со автомобилски гуми иако е на улица. Печатите врз асфалтот се ставени тајно. Пред неколку години на протест во Битола беше изваден погребален прст и на него некролог од Заев. 

Историчарот Владо Темелковски-Лавчан на сојалните мрежи објави фотографија од акција за собирање на неексплодирани убиствени средства од Првата светска војна, спроведена во Народна Република Македонија во педесеттите години од минатиот век. Вакви центри, напиша дека имаше во повеќе села од Мариово, а оваа фотографија е од собирниот центар во село Брник.

Деновиве во Битола актуелна е акцијата на Дирекцијата за заштита и спасување за отстранување на гранати од Првата светска војна кај Стадионот во Битола, каде се проценува дека ќе бидат пронајдени вкупно 15 000 парчиња. Битолскиот регион е ендемско подрчје на Балканот за неексплодирани убистевни средства од Првата светска војна.  

„Оставка на Заев, слобода на народот“, вака е насловен вечерашниот протест во организација на ВМРО-ДПМНЕ низ седум градови во земјава, меѓу кои и Битола. Протестот се одржа со возила вечерва низ битолските улици со почитување на  мерките за заштита од ковид-19.  Започна  во 17:45 од пред ОО СДСМ Битола и продолжи по улиците: „Кирил и Методиј“,  Бул. „1-ви Мај“ , „Васко Карангелевски“, „Партизанска“ и „Климент Охридски“ . Од таму граѓаните се упатија пред споменикот на Стив Наумов. На еден од транспарентите пишуваше „Додека СДСМ не умре, Македонија нема да живее“. 

Иванчо Тошевски од ОК на ВМРО-ДПМНЕ од Битола на својот фб профил напиша  дека треба граѓаните да се обединат против , како што пишува, „ова досега незапамтено зло што и се случува на Македонија и дека сите имаат обврска пред:
СТИВ НАУМОВ
ЕЛПИДА КАРАМАНДИ
ДИМИТАР НИКОЛОВСКИ(ТАКИ ДАСКАЛО)
ТОДОР АНГЕЛОВСКИ(ТОШО ДАСКАЛО)
ПЕЦО БОЖИНОВСКИ
БЛАЖЕ ДИМИТРОВСКИ РОГОЗИНАРО
ЃОРЃИ НАУМОВ
КОЧО ДЕСАНО
ЕСТРЕЈА ОВАДИЈА - МАРА, луѓето кои своите животи несебично ги подарија за денешнава слобода во борбата со фашистите“.

„Да се обединиме надпатриски, без разлика на вера и било кое друго убедување. Оваа битка можеме да ја добиеме само заедно сите! Ги повикуваме и претставниците и борците од НОАВМ, ги повикуваме и Наташа Петровска, Бисера Костадиновска, Златко Ќурчиевски и сите членови и приврзаници на СДСМ, да се одважат во последниот момент и да покажат дека ја сакаат Битола, да покажат дека не било лицемерие нивното колнење и аманетот во борците на антифашистичката војна и народно-ослободителната револуција. Тоа, мора да го направат сега, во космополитска Битола, само од проста причина што нивните деца ќе живеат овде, меѓу нас, во Битола. Тоа, им го должат најпрво ним. Прогресивната и обединета Битола и денес нека покаже, дека еден Заев не може да го разурнува и уништува, не може да го угасне вековниот слободарски дух на битолчани“, напиша Тошевски

Советниците едногласно ја изгласаа програмата за поставување на модуларен Ковид центар во дворот на Клиничка болницаво Битола и одлуката за давање донација во вид на услуга и добра на болницата во износ од 2,5 милиони денари или над 40 000 евра за подигање на градбата.