Пластична вреќа, два метри дупка и неколку кубици земја над тебе. Тоа е се... Погреб недостотен за човечко суштество. Никој близок да те испрати на вечното почивалиште...Те нема, ко да не си бил, ко да не си постоел никогаш. Стануваш само бројка во дневниот билтен на умрени...  За некого си број, за некого си сиот свет...

Во Битола денес 65 заболени, 20 оздравени, а по починати на дневна основа градот е на прво место во земјава, денес дури пет, најмладиот на 48 години. Во Битола од појавата на пандемијата до денес има 1703 инфицирани, а активни се 849 случаи. 

Во последните 24 часа се направени 2553 тестирања, а регистрирани се 1112 нови случаи на ковид-19 во:

-Скопје 321
-Куманово 69
-Дебар 10
-Штип 38
-Прилеп 77
-Тетово 79
-Струга 44
-Велес 44
-Битола 65
-Охрид 36
-Кавадарци 26
-Гостивар 60
-Гевгелија 19
-Струмица 35
-Крива Паланка 7
-Радовиш 6
-Крушево 3
-Кочани 44
-Пробиштип 6
-Демир Хисар 5
-Македонски Брод 1
-Пехчево 1
-Берово 23
-Валандово 12
-Виница 11
-Делчево 13
-Кратово 2
-Свети Николе 5
-Кичево 12
-Ресен 16
-Неготино 22

Студеното време, но и стравот од коронавирусот го испразнија Широк Сокак. Во недела попладне затекнавме само по некој минувач, а и во кафулињата гостите се броеја на прсти. 

Пратеничката Бисера Костадиновска-Стојчевска на припадниците  на албанскиот народ им го честита празникот 22 Ноември, Денот на албанската азбука.

,,Чест и задоволство ми е што сум битолчанка заради безброј причини, меѓудругото и заради фактот што токму во Битола се одржал конгресот на кој албански интелектуалци ја унифицирале албанската азбука. Со тоа, овозможиле Албанците каде и да се, да пишуваат на ист идентичен начин, да ја заштитат и шират својата култура, традиција и посебност. Музејот на албанската азбука во Битола, денес ја чува одлуката за единствено, стандардизирано албанско писмо, како и копијата од првиот пишуван запис на албански јазик од средината на петнаесеттиот век. Наша должност, должност на државата е да ги почитува, чува и негува посебностите на јазикот и писмото на секоја нејзина заедница. На тоа нè повикуваат и европските вредности, како вредности што ги прифативме како наши на патот на интеграцијата во Европската Унија", рече пратеничката.

-И како што пред 112 години била унифицирана албанската азбука, денес е време кога ги обединуваме нашите напори за унифицирање на еден подобар, помирен, постабилен, попросперитетен живот за сите граѓани на Република Северна Македонија. Предуслов за тоа е взаемно почитување. Само така можеме да се надеваме дека нашата заедничка историја ќе ја зачуваме, нашата заедничка сегашност ќе ја потврдиме и нашата заедничка иднина ќе ја обезбедиме, додаде Костадиновска- Стојчевска. 

Само на Баба Планина може да ги доживеете сите годишни времиња во еден ден. И шума во есенско руво, со раскошен колорит специфичен за ова годишно време, и тмурни облаци, и магла. Па сончевина, но и молика во снежно руво.

Пишува: Александар Литовски

ЈП "Водовод" за 30 од предвидените 60 дена ја заврши реконструкцијта на водоводната мрежа на улицата во центарот на градот "Димитар Илиевски Мурато" и веќе ги асфалтира сите прекопи кои беа направени при извршување на работите.

Заснежи на Пелистер, побеле во  ски- центарот Нижеполе.