По повод  одбележување на Денот на детето - 20 ноември Општинскиот совет за превенција од детско претстапништво заедно со учениците и психологот од СОУ Гимназија „Јосип Броз Тито“ - Битола, организираа он лајн настан со главна цел насловена како: „Средношколците во служба на основците, затоа што заедно сме посилни“. Темата на денешниот настан беше “Булинг - врсничко насилство - како да се препознае, каде да се пријави и како да се превенира“.

Поради големиот интерес настанот се реализира во два дена, со цел да се опфатат што е можно повеќе ученици, меѓусебно да соработуваат и да делуваат во насока на градење заеднички вредности.

Градоначалничката на Општина Битола, ги поздрави учесниците, посакувајќи им успешна работа и уште повеќе видливи резултати на меѓусебна поддршка помеѓу средношколците и основците, во насока на почитување на детските права и елиминирање на секаков вид насилство помеѓу учениците.

На 20 ноември 1959 година, Генералното собрание на ОН ја усвои Декларацијата за правата на детето и на 20 ноември 1989 година ја усвои и Конвенцијата за правата на детето, во која се нагласува дека сите деца имаат права кои произлегуваат од оваа Конвенција, без оглед на тоа кои се, каде живеат, што им работат родителите, дали се сиромашни или богати, на кој јазик зборуваат, на која религија или култура ѝ припаѓаат, дали имаат некоја попреченост или инвалидитет.

Целта на одбележувањето на Светскиот ден на детето е да се сврти вниманието на широката јавност  на сите обврски кои општеството ги има кон децата, како и најважните проблеми со кои децата се соочуваат.

Министерството за здравство информира дека во последните 24 часа се направени 3081 тестирања, а регистрирани се 1198 нови случаи на ковид-19 во:

Општина Битола започна со исплатата на средствата по објавениот Јавен повик за субвенционирање на домаќинствата во Општина Битола за набавка и монтажа на високоефикасни инвертер клима уреди, информираат од Општина Битола

Заврши асфалтирањето и на последната делница од предвидените улици во населбата Долно Оризари, информираат од Општина Битола

Четворица пиротеничари од Дирекцијата за заштита и спасување вчера и денес пронајдоа уште 1800 артилерсики гранати на местото каде се изведуваат градежни работи кај Стадионот под Тумбе Кафе,. Станува збор за истата локација  каде пред две недели беа пронајдени 600 вакви неексплодирани убиствени средства.

Советот на Општина Битола на предлог на градоначалничката Наташа Петровска, ја донесе програмата за развојни планови на општината во периодот од 2021-2023 година.

Предлог програмата беше усвоена со 16 гласови за, од советниците на коалицијата предводена од СДСМ, а против програмата гласаа 7 присутни советници од опозиционата ВМРО-ДПМНЕ и независната Поинаку.

Висината на средствата на тригодишната развојна програма изнесува 568.405.183,00ден. За изградба и реконструкција на улици и патишта во Општина Битола се предвидени во износ од 151.671.008,00ден и тоа за ул. „Илинденска“, дел од ул. „Довлеџик“, ул. „Индустриска“, ул. „Ѓорги Беќаров“, ул. „2-ри Август“ и „Булевар 1-ви Мај“.

Предвидена е реконструкција на мостовите на река Драгор и река Курделец на улица „Довлеџик“ во износ од 56.846.791,00ден. За реконструкција на локалниот пат за село Трново-Магарево 25.923.872,00ден, како и за локалниот пат за с. Буково во износ од 9.812.958,00ден.

Ревитализацијата на поранешниот Офицерски дом според планираните активности треба целосно да заврши во 2021 год. Од буџетот на општината планирани се средства во износ од 22.324.500,00ден..

За доизградбата на Северната трибина на градскиот стадион под Тумбе кафе е предвидено е да се исплатат 120.000.000,00ден. во 2021 година, а во првата половина од 2022 год. 82.000.000,00ден.

Гасификација на Општина Битола е процес кој е од исклучително значење за градот. Општина Битола согласно определбите е во завршна фаза со изработката на проектот за инфраструктура и основниот проект за „Изградба на гасоводна дистрибутивна мрежа, во корелација со топлификација на Општина Битола“. За почеток на имплементација на овој проект односно изградба на гасификационата мрежа, Општина Битола за 2021год. планира средства во износ од 18.000.000,00ден.. Но самиот процес на гасификација ќе зависи од одлуката на Република Северна Македонија за начинот на експлоатација на гасификационите системи во градовите и од пристигнувањето на магистралниот гасовод до Битола.

Предвидени се 31.519.800,00ден. за изградба на прва фаза- карабина на градинката во АРМ.