Собранието вечерва ги усвои измените на Законот за заштита од заразни болести.

Според измените, задолжително е носењето маска на отворено, задолжителна е самоизолацијата на оние кои чекаат тест за коронавирус и се забранува групирање на јавен простор (паркови, јавни површини или било која површина на отворено) во одредени периоди од деноноќието.

Во Битола денес се регистрирани 29 новозаболени од КОВИД-19, активни се 219 случаи. На Инфективното одделени во Битолската болница хоспитализирани се 64 пациенти од целиот регион. Еве го здравствениот КОВИД билтен

Во последните 24 часа се направени 2647 тестирања, а регистрирани се 870 нови случаи на ковид-19 во:

Еколошката граѓанска организација „Движењето за околина Молика“ успешно го спроведе проектот „Иднина за климата - одлучи и дејствувај“. Проектот е финансиран преку регрантирање на ЕУ ИПА Фонодви од страна на организацијата ЕКО СВЕСТ од Скопје, како дел од проектот за граѓанско општество и медиуми 2016-2017, „Да зборуваме за климатските промени“.

Целта на проектот е да придонесе кон подигнување на свеста на граѓаните во Битола, Охрид и Македонски брод подобро да ги разберат причините и последиците од климатските промени притоа ставен е акцент на ученици од 4 основни училишта: 2 од Битола, 1 од Македонски брод и 1 од Охрид.


Преку потпишаната соработка меѓу директорот на О.У. „Коле Канински“ - Битола, Зоран Мирчевски и еколошко граѓанската организација „Движење за околината Молика“ - ДОМ Битола, во рамките на училиштето се се реализираше oнлајн литературно-ликовен конкурс од VI - IX одд. на тема „Климатските промени - реалност на 21 век“.  „Коле Канински“  е еко-училиште со 3 зелени знамиња и има реализирано многу еколошки активности.

На конкурост беа доделени награди за учениците:

1 место - Маријана Велеска VII-2 одд.
2 место- Ангела Мешеска IX-2 одд.
3 место - Благојче Ристески VII -5 одд.

Учениците беа под менторство на екокоординаторот Весна Баковска и наставничката по македонски јазик, Наташа Лозановска. Како што велат и двете наставнички, комуникацијата меѓу наставникот и ученикот е многу важен фактор за поттикнување и мотивација на учениците и нивно активно учество.

Организаторите на проектот велат дека преку него учениците се мотивираат да размислуваат и делуваат еколошки за чиста животна средина за да се спречи загадувањето и да се намалат климатските промени.

 I место: Климатските промени - реалност во 21 век

Пролет, лето, есен, зима

 Секој своја клима има

 Зима ладно, лето жешко

 Ама сега дошло време тешко.

Сонце силно во февруар пече

 Место Сечко со сабја да сече

 Дождец чека нива жедна

 На облак се моли за капка една.

На Север глечер зрак го топи

 Мразот силен што ли го опи?

 Сака ли копно под нозе да земе

 Иднината наша да живее во невреме?

Дождот кисел на земја паѓа,

 А таа кутра чудни плодови раѓа

Јагоди ко круши големи раснат

 Здравите овошки полека гаснат.

Риби живи в река нема

 Чад од оџак здив ни зема

 Кој ли вакво чудо прави?

 Кажете ми сега Вие умни глави.

 Изработил: Маријана Велеска VII - 2одд, ОУ „Коле Канински“ - Битола

 II место:  Ангела Мешеска IX-2 одделение, О.У. „Коле Канински“ - Битола

III место: Климатски промени реалноста на 21век

Климатски промени дојдоа тука,
во главата на секој му клука.
Што ќе биде со планетата наша,
зар некој за тоа се запраша.

Нагло топење на мраз има,
а  планетата наша тоа не го прима.
Кучињата сакаат  по мраз санки да влечат,
но лошите услови и клима тоа им го пречат.

Се зголемуваат температурите наши ,
и секој од најлошото се плаши.
Што ќе се случи со озонската дупка,
секој тоа во срце го копка.

Сето ова илузија да беше,
барем со тоа некој ќе се тешеше.
Но голема вистина тоа е!
 Дали се  грижи некој?-НЕ

Изчезнаа природните чуда ,
а причина за тоа е климата наша луда.
Температура голема веднаш дојде
се надевам без лоша ситуација ќе си појде.

Да се грижеме за нашата планета мила,
зашто што таа повеќе нема сила.
Планета резервна немаме ние
во џебот што ни се крие .

Изработил: Благојче Ристески VII - 5 одделение, ОУ „Коле Канински“ - Битола

При изведување на градежните работи за реконструкција на старата трибина на стадионот под "Тумбе кафе" во Битола, пронајдени се и дислоцирани 591   артилериски гранати  од Првата светска војна со калибар од 75 мм

„Доколку пандемијата со ковид-19 ни се случеше во 2017 , немаше да можеме да одговориме на овој предизвик како сега во 2020 година“, рече Весна Спиркоска, директорка на Здравствениот дом во Битола при денешното примопредавање на донацијата од Израел. Пред три години кога беше назначаена за директор во установата затекнала недостаток на медицински кадар, па со согласност на Министерството за здравство досега се вработени 27 доктори кои придонесуваат за здравствена грижа на населението во услови на коронакирза.

„Медицинскиоит персонал во овој момент е главниот сегмент кој пожртвувано се бори со вирусот. Кога дојдов како директор имавме огромен недостаток на медицински кадар, многу пензионирања, долги години не се примаше медицински кадар. Главно вработувањата биле на помошно технички персонал и со преземање на средно медицински кадар од други институции. За 12 години биле примени само шест до седум доктори, а во изминатите три години дури 27“, рече Спиркоска.

Таа посочи дека Здравствениот дом има обезбедено комплетна организација на работниот процес на обезбедување здравствена заштита на населението на град Битола дури и во услови кога постои опасност од ковид-19.

„Иако имавме добро организирани набавки за обезбедување на медицински средтсва за заштита од сопствениот буџет, сепак имавме огромна поддршка од Министерот за здравство Венко Филипче , како и од градоначлничката Наташа Петровска. Имавме и донации од фармацевтни куќи, работни организации, а од надворешните донации, значајно место зазема донацијата од Израел, односно амбасадорот Дан Ориен и внуката на доктор Хаим Абраванел, Рахел Шели Леви Драмер. Тие во овие тешки моменти на пандемија нас ни донираат два дефибрилатори, кои се од посебно значење за здравствениот систем. Шели во писмо ни напиша како внука на Хаим Абраванел, родена во Македонија дека е многу горда за мостот што се гради помеѓу Ирзаел и Република Северна Македонија со совој хуманитарен чекор“, рече Спиркоска.

Во Здравствениот дом денес израелското Министерство за надворешни работи подари два дефибрилатори за Итната медицинска помош. Оваа установа го носи името „Хаим Абраванел“ по првиот лекар специјалист по интерна медицина во Битола кој бил Евреин.

Итната медицинска помош за време на коронакризата има полни раце работа, а како што изјави директорката Спиркоска, просториите на служабата беа целонсо реновирани уште лани. За годинава планирале да го подноват и возниот парк кој се состои од шест комбиња, едно набавиле во 2019 година, а другите се застарени. Но, дел од средствата од годишниот план за набавки ги пренамениле поради ковид-19 за заштитни средства за вработените и пацинетите.

Марија Герас Дочовска , економски советник на израелскиот амбасадор Дан Оријан соопшти дека тој веќе обезбеди финансиска поддршка во опремувањето на новиот Дијабет центар кој се планира во Здравствениот дом да биде готов во почетокот на 2021 година. Понатаму, во соработка со Министерството за здравство е отпочната постапка за реновирање на старата азбестна кровна конструкција над целиот објект, за која што Израел изјави спремност да помогне во инсталирање на најнова генерација фотоволтаици.