Во услови на пандемија со ковид-19, само 18 советници кренаа два прсти за да ја изгласаат иницијативата на Општина Битола да се даде донација од 10 000 евра за Клиничка болница во Битола за набавка на апарати за кислородна поддршка.

Останатите беа отсутни, односно исклучени кога се гласаше по оваа точка на денешната седницата што се одвиваше онлајн поради коронакризата. Во советот има 31 советник, а нешто помалку од половината не гласаа никако за помошта што треба да ја даде Општината за да се обезбеди дополнителна кислородна поддршка за хоспитализираните пацинети од ковид-19.

Точката беше изгласана зашто кворум имаше, а освен овие 18 советници кои ја поддржаа, другите беа отсутни. Меѓу нив советници од коалицијата на ВМРО-ДПМНЕ  и Поинаку, меѓу кои има и здравствени работници.

Точката на дневен ред беше најавена уште на почетокот на седницата, а се гласаше како крајна. Инаку ја иницираше градоначалничката Наташа Петровска со цел да се помогне на Инфективното одделение во Клиничка болница каде до денес беа хоспитализирани 67 пацинети.

Инфективното одделение во Клиничката болница е регионален центар за ковид-19, а подготвуваат и нови капацитети за понатаму со оглед на тоа дека бројот на пацинети со коронавирус расти. . Во Битола денес имаше 33 новозаразен со коронавирус, а бројот на активни случаи е 269. .

Во последните 24 часа се направени 2748 тестирања, а регистрирани се 934 нови случаи на ковид-19 во: 

Продуцентот и организатор на манифестацијата „Незборав“ и главен и одговорен уредник на магазинот за хумор и сатира Панде Димитровски од Битола е еден од годинешните добитници на наградата „4 Ноември“ за едногодишно остварување. Наградата му се доделува за успесите постигнати во организрањето на манифестацијата „Незаборав“ која годинава слави јубилеј од 10 години како ги негува трајните вредности во македонската музика и акцентот го става на музичарите со потекло од Битола, како и за успешниот прокет „Без навреда“ кој овој месец одбележува 15 години од излегувањето во печат на првиот број.

Димитровски во рамките на својата продуцентска кариера има организирано над 400 концерти за детска популарна музика. Пет години работеше на издигнување на детскиот фестивал „Си-до“, а беше и извршен продуцент на телевизиската серија „Здраво Генијалци“ од 31 епизода, која се емитуваше 4 години на МТВ.

Наградата „4 Номеври“ е највисокото општинско прознание која традиционално ја доделува Општина Битола секоја година по повод Денот на ослободувањето на градот. 

На денешен ден, 30 октомври, во 1942 г. во Битола е убиен Борис СТРЕЗОВСКИ, припадник на македонското националноослободително и комунистичкото движење и учесник во Антифашистичката војна во Вардарскиот дел на Македонија.

Јавното претпријатие „Комуналец“ ќе поставува подземни контејнери низ Битола со што ќе се подобри хигиената со збирање на отпадот во Битола, а ќе се врши и селекација. Советот на Општина Битола денес донесе и одлука да можат да се постават овие садови за комунален отпад иако досега не беа предвидено со урбанистичко-планската документација.

Подземните контејнери ќе се изработат како бетонски шахти , вкопани во земјата, а ќе се постави и подвижна метална конструкција. Бетонските шахти ќе се покриваат со носиви, метални платформи, врз кои ќе се постават метални кутии со ротационо, подвижни капаци за фрлување на отпадот.

Вчера во Службениот весник на РСМ се објавија  измените и дополнувањата на Законот за заштита на здравјето на населението од заразни болести, со што и официјално од вчера вечерта стапија на сила и законските измени со кои сите инспекциски служби добиваат нови поголеми овластувања при постапување со прекршителите на здравстевните протоколи.

Конкретно, вчеравечер инспекциските служби постапуваа според новите овластувања. При тоа од страна на Државниот пазарен инспекторат (ДПИ) во повеќе градови во државата се извршени  вкупно 48 надзори и 742 контроли во угостителски објекти, казина и обложувалници согласно Законот за угостителска дејност, Законот за заштита од пушењето и Здравствените протоколи.

Најмногу контроли и надзори се спорведени во Скопје, односно 213 контолри и 12 надзори, при што не се констатирани прекршувања на здравствените протоколи, потоа во Битола (  9 надзори и 131 контроли), Штип (3 надзори и  83 контроли), Кавадарци (3  надзори и 63 контроли), Струмица (2 надзори и 50 контроли), останатите контроли и надзори се во Тетово, Охрид, Куманово, Битола, Струга.

Инаку, според новите измени и дополнувања на Законот за заштита на здравјето на населението од заразни болести, доколку на терен инспекткорите констатираат дека одредено правно лице ги прекршува здравствените протоколи, во истиот момент ќе му се изрече привремена забрана за вршење на дејноста од 10 до 30 дена, односно објектот на лице место ќе биде затворен.  Дополнително, според новите измени, висината на глобите ќе варира во зависност од големината на правниот субјект. За микро, мало, средно или големо претпријатие, како и соодветни глоби за одговорен на правно лице, трговец поединец или физичко лице. Со ова сакаме да покажеме и правичност и праведност во однос на големината на субјектот и нивото на самата казна.

Советот на Општина Битола донесе одлука комуналната такса и во текот на зимскиот период да остане намалена на 5 денари за метар квадратен, а не на 15 како што беше пред појавата на пандемијата со ковид-19.

„Ќе донесеме одлука со која комуналната такса ја намалуваме на 5 денари за зимскиот период од 15 ноември до 15 април. Во минатотото се плаќаше по 15 денари, сега ќе биде 5 денари од метар квадратен. Тоа ќе биде помош за угостителите и за сите оние што продваат и надвор, едно олеснување во оваа економска криза поради пандемијата“ рече претседателот на Советот Валентин Груевски.

Комуналната такса беше намалена пред неколку месеци со појавата на коронакирзата, а сега поевтинувањето е продолжено за пет месеци.