Во филателистичкиот материјал во Македонија, а и поранешна Југославија, кој се состои од  поштенски марки, поштенски блокови, жигови (печати), карнети, пликови и друго Илинден и македонските револуцинери редовно биле присутни.

Од македонските војводи најчесто бил илустриран Гоце Делчев на поштенските марки што се користеле уште во социјалистичка Македонија. Поштенска марка со неговиот лик се ставала во 1984 година, а сликата била преземена од дело на Димитар Кондовски. Имало и други поштенски марки кои најчесто се печателе по повод јубилеј од неговото раѓање или смртта (1872-1903). Печат со неговиот лик во Штип бил изработен на сто годишнината од неговото раѓање, поточно во 1972 година.

Мајмунчето Лука, кое осум месеци мина во Зоолошката градина во Скопје, се врати во Зоолошката во Битола откако комплетно се реновираше неговото живеалиште. Во Скопје беше однесено зашто кафезот во Битола беше стар и ги немаше потребните услови.

„По само шест месеци од едно старо живеалиште кое го карактеризираа како да не наликува на живеалиште за денешни услови, старо 70 години, го претвориме во ново живеалиште со сите потребни услови, од парно, проширени внатрешен и надворешен дел , комплетна санација која нѐ чинеше околу еден милион денари за градежниот дел, од кои 500.000 денари беа обезбедени од Општина Битола, остатокот од Битолската зоолошка, а железната конструкција беше од ФОД“, рече Марјан Наловски, директор на Зоолошката градина во Битола.

Директорот рече дека мајмунчето кое е од сортата павијани добро се прилагоди во новото живеалиште. Покрај Лука, од Зоолошката градина во Скопје добија и три мајмунчиња патаси, женски ној и змија боа.

Лука ѝ е познат на јавноста по тоашто кога се роди мајката го отфрли, па вработените од Скопската зоолошка се грижеа за него. Потоа, беше подарено во Битола. Но, пред осум месеци на социјалните мрежи се крена голема прашина околу старото живеалиште на Лука, па мајмунчето назад си го побара и врати ЗОО градината од Скопје. Тогаш одредени здруженија побараа затворање на Зоолошката во Битола.

Советничката Тања Крнчева денес изјави дека Зоолошката во Битола не само што нема да се затвори и да се дислоцираат животните, туку ќе се претвори во едно од најубавите катчиња на Тумбе кафе. За в година најави дека ќе ги започнат пристапните преговори со ЕАЗА-Европска асоцијација на зоолошки и аквариуми.

„Дури и во услови на правно нерешен статус зашто Зоолошката е под капата на Министерството за култура и се’ уште го бара своето место институционално, овој мал, но вреден колектив со натчовечки напори се обидува да даде достојна грижа за жителите. Тоа не е секогаш сјајно и за жал, не е доволно зашто верувале или не, имаме ситуација во која делови од оваа Зоолошка не се санирани 70 години. За тоа да се направи сѐ потребни крупни и сериозни инвестици. Но, локалната самоуправа безрезервно дава поддршка, финансиски и логистички, и ќе продолжи”, рече Крнчева.

Во посета на Филтерницата на ЈКП "Водовод" Битола беше директорот на Институтот за стандардизација Џевад Кицара. При посетата беше извршен увид во процесот на производство на вода, а воедно се разговараше и за квалитетот на водата. Двете институции потпишаа меморандум за понатамошна соработка и за членство на ЈКП „Водовод" Битола во Институтот за стандардизација. Директорот на ЈКП „Водовод“ Горан Козаров рече дека оваа соработка е показател дека ова претпријатие ги следи светските стандарди и прописи за третман на водата и континуирано инвестира во доусовршување на вработените.

Претеникот на ВМРО-ДПМНЕ Игор Дурловски објави дека го напушта Собранието. Дурловски во пратеничките клупи седна како носител на изборната листа на ВМРО-ДПМНЕ во петтата изборна единица на парламентарни избори што се одржаа годинава. Тој ова го објави вечерва на својот ФБ профил

Во последните 24 часа се направени 2634 тестирања, а регистрирани се 640 нови случаи на ковид-19 во: 

Извршниот одбор на Здружението на пензионери од Битола на денешната седница разгледа неколку прашања од животот и работата на пензионерите. Информација за спроведената анкета за изработка на социјална карта поднесе претседателот Томе Димитровски , кој рече дека анкетните листови во 31 огранок на Здружението на пензионери се комплетирани и во нив се регистрирани сите потребни податоци за материјалната и социјалната состојба на пензионерите од Битола. Анкетарите анкетирањето го извршија без никаков материјален надомест, поточно волонтери под раководство на Емилија Костурски, советник во битолскиот Совет.