Битолската библиотека опреми катче каде читателите можат да остават предлози кои нови книги би сакале да ги позајмат и прочитаат.

Битолчанката Марија Младеновска- Димитровска, магистер по психологија е единствената Македонка која учествува на еден од најголемите научни собири на психолози во светот, во прочуениот  Московски државен универзитет Ломоносов. Вчера во „Кремљ палатата“ во Москва, која е една од најдобрите и најпрестижните театарски и концертни сали во Русија, пред околу 6.000 присутни, на спектакуларен начин свечено беше отворен 16 Eвропски конгрес за психологија.

Во црквата „Света Троица“ позната уште и како Руска црква во Битола изложена е одеждата на светитетот Јован Шангајски чиј празник се одбележува денес. Во храмот има посебен дел посветен на светителот кој пред деведесетина години бил професор на битолската Богословија.

Енергичниот настап на легендарната рок група „Психомодо поп“, сличен на оние од времето на поранешна Југославија, вчера ги воодушеви битолчани. Бендот предводен од харизматичниот фронтмен Давор Гобац покажа дека ни енергијата на бендот старее, нити пак нивните хитови кои вчера ги пееја од тинејџери до средовечни гости на концертот.

Во присуство на претседателот на државата Стево Пендаровски и началникот на Генералштабот на Армијата на Република Северна Македонија генерал потполковник Васко Ѓурчиновски во Битола денес се одржа воена вежба „Одлучен удар“ во чии рамки битолчани имаа можност да се запознаат со дел од опремата, вооружувањето, војниците и старешините на Армијата.

Младиот битолски колекционер Филип Етмишовски за десет години успеа да собере безмалку 500 автограми од познати личности ширум светот. Во колекцијата има и потписи кои потешко се наоѓаат зашто му припаѓале на значајни државници кои денес се починати, а успеал да ги обезбеди од историски и други институти. Меѓу нив се автограмите на кои Филип е посебно горд, и тоа стари документи со потписи на кралот Александар Први Караѓорѓевиќ (убиен во Марсеј 1934), кнезот Павле, регент од Кралството на Југославија, Драгиша Цветковиќ потписник на Спогодбата Цветковиќ-Мачек и пристапот на Југославија кон Тројниот пакт, последниот претседател на СССР Михаил Горбачов, таткото на интернетот Винт Церф, последниот Далај Лама и други..

Златко Ќурчиевски, истакнат кадар на СДСМ, поранешен советник, а сегашен помошен директор за производство во РЕК е новиот претседател на Општинската организација на СДСМ ВО Битола. Од партијата и офицаијално го потврдија неговиот избор. Ќурчиевски за Апла.мк вели дека посветено со сите сили ќе работат на исполнување на дадените предизбодни ветувања. 

Јавното претпријатие „Водовод“ воведува нови практики во работењето со цел да ја подобри комуникацијата со граѓаните, сметките што ги доставуваат  да содржат точни податоци за потрошената вода, но и да се подобри водоводниот систем и снабдувањето со вода од секој аспект. Во наредниот период претпријатието ќе инвестира и во проект за електронско читање на водомерите, со што воведува современи  стандарди на работа, кои веќе се применуваат во други градови. Со тоа ќе сите состојби и промени  за секој водомер ќе бидат евидентирани во база на податоци , а ќе се следи и ангажираноста на секој инкасант. Оваа инвестиција е околу 2 милиони денари.