АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Ноември 17, 2025
Анета Блажевска
Мисијата на ОБСЕ во зајакнување на соработката меѓу полицијата, општината и ромската заедница
Ноември 17, 2025ПРОДОЛЖУВА ЗАЈАКНУВАЊЕТО НА ДИЈАЛОГОТ МЕЃУ ПОЛИЦИЈАТА, ОПШТИНАТА И РОМСКАТА ЗАЕДНИЦА ВО БИТОЛА
Во Битола се одржа нова средба во рамките на двегодишната иницијатива што Мисијата на ОБСЕ во Скопје ја спроведува за зајакнување на соработката меѓу полицијата, општината и ромската заедница. Настанот претставува уште една важна алка во континуираните напори за градење доверба, дијалог и институционална координација.
Средбата опфати дискусии за два клучни предизвици – малолетничките бракови и домашното насилство – проблеми кои се во фокусот на повеќе активности спроведени во текот на 2024 и 2025 година. Учесниците ги разгледаа најновите сознанија од работилниците и теренските активности во рамките на иницијативата „НЕ за малолетнички бракови“, спроведувана со поддршка на СВР Битола и здружението „Сумнал“. Втората тема се однесуваше на домашното насилство и проблематиката на малолетничките бракови. Вториот дел од состанокот беше посветен на прашањата од областа на безбедноста на заедницата, односно негувањето на односите полиција-општина-заедница.
Градоначалникот Тони Коњановски се заблагодари за силната поддршка и успешната соработка со Мисијата на ОБСЕ и посочи дека активностите придонеле за значајно унапредување на односите меѓу институциите и ромската заедница.
„Мисијата на ОБСЕ во Скопје во изминатата година организираше повеќе настани кои ги обединија претставниците на ромската заедница и полициските службеници со цел да се изгради меѓусебно разбирање. Европската унија го поздрави формирањето на работната група во Битола, што значително придонесе за унапредување на односите и инклузијата. Како општина, горди сме што активно работиме на десегрегација во образованието и создавање еднакви можности за сите деца,“ истакна Коњановски.
Мисијата на ОБСЕ ја потврди подготвеноста да продолжи да ја поддржува Битола преку интервенции со брз ефект и стратешки активности.
Тинејџерка вперила оружје кон братчето и објавиле на социјалните мрежи, оружјето било на таткото
Ноември 15, 2025СВР Битола информира - На 14.11.2025 во 13:00 часот во с.Јакреново, крушевско, полициски службеници од ОВР Крушево од Ф.А.(44) од с.Јакреново одзедоа ловечка пушка, ременик и дозвола за поседување оружје. Имено, претходно беше пријавено дека на социјална мрежа беше објавено видео на кое се гледа дека 15-годишно девојче вперува огнено оружје кон главата на својот 11 - годишен брат. По преземени мерки беше утврдено дека настанот се случил во неговиот дом и беа направени консултации со јавен обвинител, оружјето е одземено и по целосно документирање на случајот против Ф.А.ќе биде поднесена соодветна пријава.
Тројца битолчани фатени со дрога во село Избиште
Ноември 15, 2025СВР Битола информира - На 14.11.2025 во 16:40 часот во с.Избиште, ресенско, полициски службеници од ОВР Ресен ги лишија од слобода Ѓ.В.(32) А.В.(29) и Б.В.(27), сите од Битола. При преглед на патничко возило „форд" со битолски регистарски ознаки, управувано од Ѓ.В., а сопатници биле А.В. и Б.В., пронајдени се марихуана и предмети со остатоци од марихуана. По документирање на настанот, против нив ќе следува соодветен поднесок
Советничката Марина Крстиќ е новиот заменик градоначалник на Битола
Ноември 14, 2025МАРИНА КРСТИЌ - НОВ ЗАМЕНИК ГРАДОНАЧАЛНИК НА ОПШТИНА БИТОЛА, објави градоначалникот Тони Коњановски
Градоначалникот на општина Битола од денес има нов заменик - советничката во Советот на општина Битола, Марина Крстиќ.
Крстиќ е советничка во новиот состав на Советот на општина Битола од редовите на ВМРО-ДПМНЕ. Во првиот мандат заменик градоначалник беше Бојан Бојкоски, но тој сега е претседател на Советот на Општина Битола.
Бојкоски - Изгласан е ребалансот на Буџетот на Општина Битола
Ноември 14, 2025Изгласан е ребалансот на Буџетот на Општина Битола.
Донесена е и новата Развојна програма на Општина Битола за периодот 2026–2028 година.
„Со овие важни одлуки обезбедуваме стабилни финансии, јасна визија и континуитет во развојот на нашиот град.
Продолжуваме со реализација на проектите кои значат подобра инфраструктура, поквалитетни услуги и уште посилен развој на Битола.
Работиме посветено и одговорно за модерна и уредена општина“, објави претседателот на Советот Бојан Бојкоски.
Советот на Општина Битола едногласно додели 1,2 милиони денари на семејството на починатиот спортски работник Зоран Петковски-Петкото
Ноември 14, 2025Коњановски домаќин на амбасадорите на Германија и Франција
Ноември 14, 2025Амбасадорката на Сојузна Република Германија Петра Дрекслер и амбасадорот на Република Франција, Кристоф Ле Риголер во заокружија престојот во Битола, со посета на општината, каде што остварија средба со градоначалникот Тони Коњановски.
На средбата, беа разменети искуствата од реализацијата на тековните проекти, кои што општина Битола ги реализира со поддршка од двете земји, како и можностите за продлабичување на взаемната соработка.
Градоначалникот се заблагодари на поддршката која што општината во континуитет ја добива од овие држави. На средбата присуствуваше и почесната конзулка на Република Франција во Битола, Калиопа Кривашија Стилиновиќ.
Денес во Битола - Министерството за одбрана на Франција го одликува полковник Кире Николовски со Сребрен медал за национална одбрана
Ноември 14, 2025Министерството за одбрана и вооружени сили на Република Франција денес во Битола го одликуваше со Сребрен медал за национална одбрана, полковникот Кире Николовски.
На свечена церемонија што се одржа во присуство на амбасадори и претставници на амбасади од повеќе европски држави, како и делегација на Општина Битола, полковникот Кире Николовски беше промовиран како високо стручна личност, претставник на вооружените сили на Република Македонија.
„Во текот на 2023-2024 година полковник Кире Николовски од вооружените сили на Македонија посетуваше обука во Воената Школа во Париз. Во текот на обуката тој извонредно се интегрираше меѓу армиската, и меѓу народната средина, во која претстави прекрасна слика за неговата татковина. Во оваа свечена пригода сакам да се заблагодарам на македонските власти што на француската армија и ја доверија обуката на високо ниво на полковникот Николовски. Тоа ќе се покаже исплатливо за неговата интероперабилност заедно со француските сили на мултилатерален и билатерален план. Полковник Кире Николовски, во име на министерот за одбрана и вооружените сили на Франција ви доделуваме Сребрен медал за национална одбрана, беше истакнато на свеченоста во Битола.
Денес во Битола Комеморација на Француските гробишта
Ноември 14, 2025ЗАЕДНИЧКА КОМЕМОРАЦИЈА НА ФРАНЦУСКИТЕ ВОЕНИ ГРОБИШТА ВО БИТОЛА
На Француските воени гробишта во Битола денес се одржа комеморативна церемонија по повод одбележувањето на примирјето од 11 ноември 1918 година и „Денот на народната жалост“.
Настанот, организиран од амбасадите на Сојузна Република Германија и Република Франција, беше посветен на споменот на сите загинати, повредени, исчезнати и прогонети во воените конфликти, без разлика на нивната национална припадност.
По тој повод, цвеќе положија амбасадорката на Германија, Петра Дрекслер, амбасадорот на Франција, Кристоф Ле Риголер, градоначалникот на Општина Битола, Тони Коњановски, претседателот на Советот на општина Битола Бојан Бојкоски, како и претставници на армијата, останати институции и други делегации. 
Меморијалниот простор на Француските воени гробишта претставува траен споменик на војниците кои го положиле својот живот и потсетник на значајната улога на Македонскиот фронт во поширокиот европски историски контекст. Овој комплекс нè охрабрува да го негуваме сеќавањето и да ги вреднуваме поуките од минатото, со стремеж кон создавање иднина заснована на меѓусебно почитување, солидарност и пријателство.
Најчитани
