АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Мај 31, 2026
Анета Блажевска
Мечка нападна стадо овци во Крклино, информира градоначалникот Тони Коњановски.
-Ве информирам дека утрово околу 9:30 е пријавено дека мечка нападна стадо со овци во атарот на село Крклино, под манастирот во близина на каналот на хидро системот Стрежево, при што една овца настрадала. Сопственикот на стадото го пријавил настанот во СВР Битола, а и јас контактирав и со него и со СВР Битола од каде ме информираа дека екипа излегла на лице место, направила увид и го документираше настанот.
Исто така контактирав и информирани се и Центарот за управување со кризи и инспектор за лов при државниот инспекторат за шумарство и ловство при Министерството за земјоделие, шумарство и водостопанство.
Ќе се исптрати допис до Министеството за земјоделие и Министерството за животна средина кои се надлежни за постапување во вакви ситуации за соодветна реакција од страна на надлежните со оглед на тоа што се работи за мечка, животинска врста која е ставена под заштита на законот, соопшти Коњановски
Библиотеката ,, Св. Климент Охридски" Битола оствари меѓународна соработка со библиотексата од Сплит, Хрватска
Мај 29, 2026НУУБ ,,Св.Климент Охридски" Битола оствари меѓународна соработка со Градската библиотека „Марко Марулиќ“ од Сплит, Р.Хрватска
Националната установа Универзитетска библиотека „Св. Климент Охридски“ - Битола претставувана од делегација во состав: директорката м-р Емилија Стефановска-Давкова, Зоран Јанакиевски и Јулијана Христовска-Кулевска, активно учествуваше на меѓународниот стручен собир којшто се одржа во Сплит. Првиот ден во Технолошкиот парк 3D „Mediterranean“-Сплит имаше претставување со научен труд, панел дискусија на тема: „Современи пристапи во обликувањето на библиотечните простори за деца и млади“ и наша постер-презентација. Потоа имавме посебно претставување на нашата Библиотека со видео презентација и говор од страна на директорката м-р Емилија Стефановска-Давкова во библиотеката „Далматина“-Сплит.
Во рамки на настанот беше формализирана соработката помеѓу НУУБ „Св. Климент Охридски“ - Битола и Градската библиотека „Марко Марулиќ“ од Сплит преку потпишување на Меморандум за соработка од страна на директорките м-р Емилија Стефановска-Давкова и Гроздана Рибичиќ, со што се отвораат нови можности за размена на книги, материјали и професионални искуства, преку заеднички проекти, размена на кадар и меѓународни, како ЕРАЗМУС+ програми.
На овај меѓународен стручен и научен собир учествуваа истакнати експерти, како и претставник од ИФЛА г-дин Ayub Khan, член на извршниот одбор при IFLA, како и професионалец со над 25 години искуство на високи позиции во областа на библиотекарството. Беа присутни многу домашни и странски библиотекари, како и архитекти, социолози, психолози и педагози кои учествуваа во програмата.
Потоа, во наредните денови беше организирана посета на островот Шолта, каде се посети „Куќата на Марко Марулиќ“ во Нечујам, Братската куќа во Грохота, како и Спомен-собата на Весна Парун.
Оваа меѓународна соработка започна минатата 2025 година со неколкудневната посета на Градската библиотека „Марко Марулиќ“ од Сплит, благодарение на Хрватскиот културен центар и МХД „Марко Марулиќ“, раководенo од Бранко Маретиќ и Неда Маретиќ.
Оваа меѓународна соработка ја оценуваме како исклучително успешена, одлично организирана, а со тоа и се истакна посветениот и професионален тим на ГКММ предводен од директорката Гроздана Рибичиќ.
Ова е првата меѓународна соработка, од проектите за меѓународна соработка, поддржана од страна на Министерството за Култура и Туризам. 
Полицаец од Битола лажел за да го спаси братот од казна за погрешно паркирање изречена од ЈП Паркинзи
Мај 27, 2026Владиката Петар веќе не е дел од работниот состав на Светиот архијерејски синод на МПЦ-ОА
Мај 27, 2026Митрополитот Преспанско-пелагониски г. Петар повеќе не е дел од постојаниот, односно работниот состав на Светиот архијерејски синод на МПЦ-ОА, откако на редовната седница во полн состав, одржана на 26 мај, за нов член беше избран митрополитот Струмички г. Наум. За негов заменик е избран митрополитот Европски г. Пимен.
Одлуката не е формулирана како дисциплинско исклучување на владиката Петар од Синодот во поширока смисла, туку како промена во постојаниот работен состав на САС. Тоа е важна разлика, бидејќи сите архијереи се дел од Синодот во полн состав, додека работниот состав е потесното тело што функционира меѓу седниците на целиот архијерејски состав.
Со новиот избор, работниот состав на Синодот во наредниот период го сочинуваат архиепископот Охридски и Македонски г.г. Стефан, митрополитот Струмички г. Наум и митрополитот Повардарски г. Агатангел. Митрополитот Пимен е назначен како заменик на новоизбраниот член Наум.
Промената доаѓа во период на засилени внатрешни тензии во МПЦ-ОА, откако владиката Петар во јавни настапи отвори повеќе прашања за функционирањето на црквата, управувањето со епархиите, односите меѓу архијереите и состојбата со новоформираните епархии. Дел од тие теми се поврзани и со неговите претходни ставови за епархиите во дијаспората и за статусот на одделни владици.
Во официјалното соопштение на САС не се наведува дали на седницата биле разгледувани конкретни барања или обвинувања изнесени од владиката Петар. Синодот информира дека ги разгледал и усвоил годишните извештаи од епархиите во земјата и дијаспората, со посебно внимание на демографската состојба кај македонскиот православен народ.
На истата седница Синодот донел одлука за формирање Фонд за поткрепа на многудетни семејства, а формирана е и комисија што треба да ја разгледа материјалната состојба на новоформираните епархии. Ова прашање е едно од чувствителните теми во МПЦ-ОА, особено по интеграцијата на поранешните структури на ПОА и распределбата на новите црковни надлежности.
Синодот посочил и на лошата состојба на дел од духовното и културното наследство во македонските храмови и манастири, оценувајќи дека недостигот од стручни кадри за конзервација претставува сериозен проблем. Од САС е упатен апел до надлежните институции да преземат мерки за заштита на црковното наследство.
Градоначалникот на Битола, Тони Коњановски упати честитка до муслиманските верници по повод верскиот празник Курбан Бајрам. Драги пријатели, познаници и сограѓани од муслиманска вероисповед,
Од мое лично име и во име на Општина Битола Ви го честитам големиот верски празник Курбан Бајрам, празникот на солидарноста, благосостојбата, помирувањето и дарувањето.
Ви посакувам искрени желби за добро здравје, среќа и благосостојба.
Меѓусебното почитување, разбирање и соживот, нека ни донесат многу заеднички и среќни мигови, соработка и напредок за нас и нашата општина.
Најчитани
