Изминатата топла и влажна зима е најголемата причина поради која деновиве се соочуваме со зголемена појава на комарци во Битола. Иако Центарот з ајавно здравје ја заврши првата фаза од ларвицидната дезинсекција со  која се третираат ларвит од комарците, сега две недели порано, наместо во јуни, на 26 мај  ќе се спроведе . адултицивна дезинсекција со која  се опфатени летечките комарци. 

Со болеста КОВИД-19 сме во пат позиција, тоа го покажува репродукциониот број R0 кој е еднаков на еден што значи дека бројот на новозаразени е во просек еднаков на збирот на оздравени и починати, покажуваат математичко- статистичките анализи на редовниот професор од Техничкиот факултет во Битола, д-р Дејан Трајковски.

Лице вработено како технички персонал во битолска градинка е позитивно на КОВИД-19, потврдија од Центарот за јавно здравје за Апла.мк 

Во рамките на проектот за реставрација и адаптација на Офицерскиот дом, во салата на Општина Битола се одржа презентација за идејните решенија за неговата функционална употреба. Решенијата произлегоа од претходно одржаниот состанок на претставници на културните институции, мислењата на стручните лица, како и мислењето на граѓаните искажано преку платформата Урбан дијалог, soop[tija od Op[tina Bitola. 

„Сублиматот беше претставен пред градоначалничката на Општина Битола м-р Наташа Петровска, како и пред дел од општинската администрација надлежна за реализацијата на проектот и неговата натамошна намена. Се конкретизираа одредени намени на објектот и неговата околина, во однос на функционалноста и одржливоста, кои понатаму ќе се доработуваат и преку проектната документација ќе бидат доставени до Светска банка и делегацијата на ЕУ“, стои во соопштението од Општината. 

ЈКП Водовод Битола ги известува граѓаните, поради намалувањето на мерките и забраните како последица од COVID 19, започнува со редовно читање на водомерите.

Хепар Центар Битола и годинава, како и претходните ја одбележува Пролетната европска недела на тестирање за Вирусни Хепатитиси, ХИВ и СПИ. Оваа година поради пандемијата COVID-19 (предизвикана од САРС-КоВ-2) која длабоко го зафати светот и Европа направи комплетна промена во структурите на здравствените системи како и во секојдневниот живот на граѓаните, Пролетната европска недела на тестирање, планирана за 15-22 мај 2020 година, ќе продолжи. Таа ќе има со примарен фокус на активности што се поврзани со виртуелни кампањи за подигнување на свесноста околу тестирањето/скринингот на населението во Европа. Активностите ќе бидат насочени кон: 

• Да се подигне свесноста за важноста на услугите во однос на ХИВ, хепатит и СПИ

• Да споделиме искуства за прилагодување на услугите во време на КОВИД-19

•Да се сподели праксата од минатите година зошто е важно тестирање за ХИВ, Xепатитис и сексуално инфективни преносливи болести

• Да се размислува за нови иновативни програми за тестирање во тешки ситуации (веќе најавени во Европа пилот програми за самотестирање) .

Хепар Центар Битола ги охрабрува сите засегнати страни да разменуваат искуства од ХИВ, вирусени хепатитиси и сексуално преносливи заболувања компаративни со COVID-19. Прлетната европска недела претстваува еден потсетник и предвесник за Европската заедница дека и останатите заболувања како што се ХИВ-от, вирусените хепатитиси и СПИ услугите за тестирање, грижа и поддршка се основни услуги и мора да продолжат да бидат поддржани, особено за време на криза.