Градоначалничкта на Општина Могила Јасмина Гулевска потпиша договор со Швајцарската агенција за развој и соработка за грант од 62 илјади швајцарски франци. Од грантот 50 илјади франци ќе бидат искористени за реконструкција на ОУ"Браќа Миладиновци" во село Мусинци и набавка на комби возило за превоз на ученици. Со ова Општината продолжува да наоѓа начини за реконструкција на училиштата во наслебите во Могила. Недомана со донација од Бугарија беа реновирани училиштето вo село Чарлија и спортската сала во Бач.

Останатите 12.000 франци ќе бидат наменети за зголемување на транспарентноста на Советот на Општина Могила како и учеството на граѓаните во носење на одлуки на локално ниво. Преку проектот, финансиран од Швајцарската агенција за развој и соработка, советниците на Општина Могила ќе добиваат обуки и поддршка за планирање и трошење на општинските буџети. Тоа ќе значи и имплементација на иновативни ИТ решенија за зголемување на транспарентноста и отчетноста на Општината.

Ж.З. 

Синоќа Битола наликуваше на светските џез метрополи. Долгоочекуваниот новогодишен концерт "Приказна за еден град" се претвори во првокласен музички настан по кој ќе се памети оваа 2019 година. Големата сала на Центарот за култура беше исполнета до последното место, а од аспект на сцена, осветлување и звук концертот ги исполна сите стандарди на вистински голем настан.

Поголема соработка меѓу битолскиот универзитет и ,,Електрани на Северна Македонија” договорија денеска генералниот директор на АД ЕСМ, Васко Ковачевски и ректорот на универзитетот Св. Климент Охридски од Битола, Сашо Коруновски, на средбата која се одржа во Ректоратот. 

Голема градежна офанзива со реконструкција на голем број на улици најави власта на денешната седница на која се гласаше буџетот за следната година. Во 2020 година ќе се реконструираат улиците Илинденска, Димитар Илиевски-Мурато, Македонска фаланга, Партизанска во делот од Веро кон поранешната телевизија Орбис, Браќа Џаферови, десната страна од Булавар Први Мај, Димитар Валхов, Рузвелтова, АСНОМ, „2 Август, 12 јули, Цане Василев, Борис Наумовски Борче и многу други кои со години наназад само се крпеле, а не биле целосно реконструирани.

„На граѓаните им треба уште многу повеќе имајќи ги во предвид наталожените инфраструктурни проблеми. Велам наталожени, зашто дури и Илинденска за која завчера беше кажано дека била оставена како улица со готова проетна документација и изведувач од годините како се влечела нереализирана, договорот временски истекол и бараше нова постапка која моравме да ја реализираме. За Илинденска каде во овој зафат имаме 15 милиони денари , општина Битола ќе вложи 3 647 101 денар само за секундарен водовод и 6 909 136 за секундарна канализација, овие фази ќе одат преку Водовод и Нискоградба додека коловозот од 22 милиони денари ќе се реализира преку склучен договор со БВ Инженеринг. Тоа значи дека по сите основи ако ги соберете сумите Илинденска треба од сите изводи на средстав да биде покриена со влог од 32 милиони денари“, рече градоначалничката Наташа Петровска.

За патот за село Маловишта веќе е избран изведувачот, 22 милиони денари се обезбедени. Во Лопатица е избран изведувач за патерно уредување. Во Долно Оризари се градат улици од 5 милиони денари , а нарачана е и проектна документација за останатите улици во Долно Оризари, Бистрица, Кравари и Жабени. Планирани се улици и низ други битолски селски населби.

Ж.Здравковска

Училиштето во селото Кравари, во непосредна близина на Битола, конечно доби нов лик по реконструктивните зафати од страна на Општина Битола. Градоначалничката Наташа Петровска го посети училиштето, кое е едно од 15-те подрачни училишта во рамките на основното училиште „Крсте Петков Мисирков“ во село Бистрица.

Советничките од владеачката коалиција предводена од СДСМ денес ја напуштија седницата на Совет во моментот кога на говорницата застана советникот на „Понаку“ Иван Чулакоски да дискутира.

„Се додека не добиеме одговор, на начин на кој го побаравме, ќе напуштаме дискусија. Тој одбра палки, камења и линч, ние одбравме бојкот“. Демократско право е, исто такво какво тие имаат за протестот“, рекоа советничките од СДСМ за Апла.мк.

Драги колегиници од власта...

   Неможејќи со аргументи и политички да ја докажите својата "способност" да го водите градот, безидејноста и работењето и да се справите со критиките од мене и од мојата колешка Габриела Илиевска, кои секојдневно ги добиваме од граѓаните, почнавте да се служите со фашистички систем, полош дури и од груевизмот за ширење на лажни вести и обид за лично омаловажување и обид и приватно да не понижите пред битолчани. Доколку сум бил осудуван за вакво дело за кое ме клеветите сигурно не би бил член на советот.  Во овие 2 години наместо да сработите нешто вие сте се фатиле да се расправате со нас, како да сме градски непријатели број 1, како да сме терористи!!! “Бомбашки“ напади имало и ќе има како што вели вашиот Бошко Буха и нема да не застаните да се избориме за битолчани. Битола мора да биди поинаква!!!  

    Не знам само како ќе се испулиме во очи од утре во советот и како евентуално ќе работиме за арното на битолчани. Дел од вас, со кои многу добро се познаваме, сеуште имате дома по вентијагите шо ги носевте од протестите, владимирки и флаери за чист воздух. Флаери кои јас ги печатев и кои ги делевме заедно укажувајќи им на битолчани  ДЕКА УМИРАМЕ, дека Двојче не уништи, дека РЕЖИМОТ мора да падни, дека мора да се ослободиме, дека Битола мора да има чист воздух?! Тогаш се боревме за Живот, ви текнува? За живот за сите во Битола. Тогаш се боревме за сега да бидите бетер од криминалците. Јас ви ги полнев балоните со боја и ги координирав протестите со тогашното раководство (да не ги споменувам) од вашата партија а сега наеднаш сум најголем политички непријател, ама и личен непријател бидејќи и приватно сте во обид да ме уништите, бидејќи ви сметам во уживањето во власта.
    Од друга страна, за дел од Вас, пак, ми е жал што сте партиски заробени, што ве викнале овде за сликање и што не можите да гугните ништо против партија оти ве имат во д’жебчето пикнато. Ве држат поради партиските вработувања кои ги имате за вашите најблиски и бенефитите кои лично ги уживате откако дојдовте на власт. Знам дека меѓу Вас има и свесни, и со прекрасни идеи и сваќања, без лични намери кон мене ама партијата мора да се почитува. Е тоа ќе ве уништи колешки...

Парламентарните избори за кои се спремате и поради кои повторно не ќе можите да работите за битолчани, за каде сте избрани, ќе ви бидат лекција за вашата ароганција и злоба. Ми е жал само што ќе го вратите Грујо на власт повторно. 

 Очекувам и медиумите, како сервис на граѓаните, кои редовно ве пренесуваат само вас, дека ќе ја објават и оваа моја реакција во целост во однос по вашиот прес во врска со вашето барање и дека нема во името на слободата на говор и демократијата да ги бришат и понатаму коментарите од граѓаните кои редовно ги добиваат.

        Што би рекла една од вашите колешки, јас жените не ги делам ниту по пол, ниту по род. 

....Ве сака колегата Чулакоски. 

П.С.  Се надевам дека и на наредното караоке ќе имам можност да ви пуштам музика.

(Соопштението Апла го пренесе во целост) 

Општина Битола и Владата вчера го потпишаа договорот за 2, 5 милиони евра за субвенционирани инвертери. 

Градоначалничката Петровска рече дека покрај 5 милиони денари што се издвоени за Програмата за животна средина, други средства обезбедени интрасекторски, парите кои ќе стигнат од Владата ќе бидат дополнително засилување во износ од 155 милиони денари или 2,5 милиони евра за субвенционирани инвертери за битолчани што е повеќе од 0, 25 проценти од буџетот на Општината , издвоен за животна средина, за што обвинуваше опозицијата дека средствата се минимални.