Попладнево пак се активира пожарот во близина на пелгониското село Беранци. На терен се пожарникари од ТППЕ Битола и членови на Дирекцијата за заштита и спасување кои се обидуваат да го изгаснат огнот. Пожари вчера речиси истовремено избувнаа во Беранци и Лопатица, а поради сериозноста на ситуацијата надлежните побарале и активирање на воздухпловите на Дирекцијата за заштита и спасување.

Познатиот германски актер, режисер, сценарист до турско потекло Фатих Акин на денешната средба со филмофилите во Битола откри дека на својата лева рака има истетовирано име на тесна од тусрки хипхоп музичари во која се пее за неправдите во светот.

„Додека растев во ’80-ите во Германија почнуваше да се развива германскиот хип хоп и беше поангажиран, се зборуваше за политички теми, за насиството, за она што е важно во соседството, за проблемите на младите. Но, денешниот германски хип хоп е многу лош, зборува за некои многу тривијални работи што не се многу актуелни. Бев разочаран, тоа го слушаа и моите деца и воопшто не ми се допаѓаше. И токму во тој период видов дека во Турција се собрале 15 млади хип хоп артисти и направиле песна за сѐ она што е политички проблем во светот, од насилство врз жени, климатски промени, диктатури. Она што јас сакав да се случи во Германија, која е многу аполитична во моментов, видов дека се случи во Туција и бев многу горд“, рече Акин.

Поради градeжни  активности, од денеска во наредните три месеци, сообраќајот на магистралниот пат Битола-Прилеп ќе се пренасочува на регионалниот пат, информираат од АМСМ

„Фабрика Карпош - АД Скопје известува дека на ден 17.09.2019 година од 11 часот поради градежни активности на магистралниот пат А3, делница Прилеп - Битола кај ТИРЗ Прилеп ќе се изврши пренасочување на сообраќајот на регионалниот пат во траење од три месеци“, се наведува во известувањето на АМСМ

И директорот на ЈП за државни патишта, Зоран Китанов, за апла.мк потврди дека ќе се рехабилитираат 15 километри од патот Битола-Прилеп, која  според анализата била најоштетена делница.

Пожарите кои беснееја вчера во Битолскиот регион се под контрола, а на терен се пожарникарите на ТППЕ Битола и јавните претпријатија да спречат евентуално повторно активирање на огнот. Пожари вчера речиси истовремено избувнале во Беранци и Лопатица, а поради сериозноста на ситуацијата надлежните побарале и активирање на воздухпловите на Дирекцијата за заштита и спасување.

Фествалот „Браќа Манаки“ во соработка со Македонски Желензици овозможува бесплатен групен превоз од Скопје со воз во Битола на настаните кои се дел од 40 фестивалско издание.

Ученици од ОУ „Св. Климент Охридски“ и ОУ „Стив Наумов“ го исполнија денешниот фестивалскиот ден на ИФФК „Браќа Манаки“.

 Денеска децата имаа можност да го погледнат филмот „Дива Вештерка“, а по проекцијата беше организирана детска работилница „Нацртај го својот омилен цртан јунак“.

 Во куќа на улица „Стрчин“ во Битола бил пронајден починат Т.В. (49), пренесуваат од МВР. Случајот бил пријавен вчера во СВР Битола .

Според овие информации, докторите констатирале смрт, а увид извршила екипа од СВР Битола.

По наредба на Јавен обвинител телото на починатиот ќе биде предадено на обдукција.

„Пешачките премини и тротоарите се за деца, не за возила“. Под овој слоган денес и во Битола  започна одбележувањето на Европската недела на мобилност.

Како дел од денешните активности, се вршеше обележување на пешачкиот премин кај О.У. „Трифун Пановски“, а се спроведуваа и едукативни активности на повеќе локации.

Активностите продолжуваат во текот на целата недела, а утре изутрина ќе има времен режим на сообраќај кај хотелот Епинал, кога ќе биде спроведена теренска работилница на отворено, со промоција на безбедни пешачки премини. Ќе бидат реализирани и други едукативно-креативни активности, со цел зголемување на безбедноста преку  едукација и промоција.