ЈП „Водовод“-Битола подели новогодишни пакетчиња во повеќе установи низ градот.

-Преку нашата општествена одговорност секогаш се трудиме да оставиме свој печат на нашата заедница.За таа цел ЈКП "Водовод" и оваа година подели новогодишни пакетчиња во повеќе установи во нашиот град, велат од ЈП „Водовод“-Битола.

Со бехатон плочки  е послана уличката кај Градскиот пазар која од подвозникот  кај поранешната стоковна куќа Јавор води кон Зеленот пазар. Ова место иако фрекфентно со години беше запоставено, со кал и дупки, на што често се жалеа не само станарите од околните згради, туку и пазарџиите и граѓаните.

 -Завршивме со едно партерно уредување на овој дел од пазарот. Покриевме уште една кал која што ја имавме во Битола и добивме малку поинаков изглед во овој дел во Битола, фрекфентен дел каде што не поминуваат само пазарџиите туку и нашите граѓани, рече градоначалничката Наташа Петровска.

Ученици и вработени во Гимназијата „Јосип Броз Тито“ изработија мозаик од логото на ова престижно битолско средно училиште. Мозаикот беше дел од акцијата за уредување на училишниот двор пред Новогодишните празнаци, а е поставен пред главниот влез на Гимназијата.

„Пред и потоа, со добар тим идеите стануваат реалност за само неколку часа. Ученици и вработени од СОУ Гимназија ‘Јосип Броз-Тито’ Битола во партнерство со Регионалното географско друштво ГЕОСФЕРА од Битола учествуваа во волонтерска акција за уредување на училишниот двор и подигање на еко-свеста. Волонтерската акција финансиски е поддржана од Општина Битола и Локалниот младински совет“, велат од Гимназијата.

Ж.З.

                  Здружението на пензионери денеска го одржа последното собрание на пензионери на кое просуствува и градоначалничката Наташа Петровска.

Општина Могила во 2019 година инвестираше во подобрување на условите за настава во основните училишта.

Основните училишта во Добрушево, Ношпал, Радобор и Чарлија се комплетно реновирани со што им обезбедивме подобри услови за поквалитетна настава на учениците, вели градоначалничката Јасмина Гулевска.