Социјалдемократот Горан Козаров, актуелниот директор на ЈКП Водовод“ -Битола е новиот регионален координатор на петтата изборна единица на СДСМ. Извршниот одбор на Социјалдемократскиот сојуз на Македонија на својата втора седница на крајот на август годинава, донесе одлука за избор на регионални координатори и за  изборна единица 5 се одлучи да го именува токму Козаров. Претходно на оваа позиција беше Александар Цуцуловски.

НА ДЕНЕШЕН ДЕН, 10 СЕПТЕМВРИ, во 1943 година, во селото Љубојно, Преспанско е убиен Крстин ЧУЛАКОВСКИ-Кичо, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија.Роден бил во селото Бистрица, Битолско, во 1920 година. Од почетокот на окупацијата во април 1941 бил меѓу најактивните членови на антиокупаторското движење.

Бил во Партизанскиот одред „Гоце Делчев“ од неговото формирање на 20 мај 1943 г., и тука заедно со Фана Кочовска, бил одговорен за санитетскиот оддел на првата чета.

Во август 1943 г. станал член на Околискиот комитет на КПМ во Битола. 

Загинал во судир на Партизанскиот одред „Гоце Делчев“ со германската војска во времето на разоружување на италијанскиот граничен гарнизон.

Подготвил: д-р Александар Литовски, историчар

Од ЈП „Водовод“ ги повикаа медиумите да снимаат и фотографираат кога нивната дежурна екипа демонстрираше дека во функција се двата хидранти точно пред објектите во старата чаршија каде денес избувна пожар, а на нив можат да се приклучат 5 хидрантски црева.

Пламени јазици ја голтаат покривната конструкција на дуќан во старата битолска чаршија. Густ чад се издига од објектот, а огнот им се заканува и на соседните објекти. Сопствениците се вознемирани, некои се качени на чатија,  а три екипи пожарникари интервенираат со три возила.

Станува збор за објект кој е во уличката наспроти дрвеното мовче, кој е реновиран пред неколку години, а дуќанот е за детска облека. 

Паркингот кај „Јавор“ доби нов лик. За кусо време просторот е сосема обновен со нов асфалт  и соодветно обележан. Комплетното  санирање на паркинг просторот пред Стоковната куќа „Јавор“, со кој сега стопанисува Јавното претпријатие за паркинзи започна во петокот . Според директорот на ЈППЈЛП Зоран Дојчиновски на  паркингот комплетно е изгребана целата површина и заменета со  нова асфалтна маса со дебелина од 5 сантиметри. Дополнително овој паркинг простор е обележан согласно сообраќајниот проект кој го поседува претпријатието по што ќе следува  целосно осветлување.

Во моментот со наплата функционираат паркиралиштата пред Спортската сала, Центарот за култура, старата Автобуска станица, а најдоцна до следниот понеделник ќе биде пуштен и зонскиот систем на отворено.

Во градот според студијата има 1987 паркинг места, но претходниот приватен конзерионер преброил 1551 место. Новото јавно претпријатие ќе направи нова нумерација за да се утврди точно ситуацијата.

Во СОУ “Таки Даскало“- Битола, подготвен е нов кабинет за градежно-геодетската струка, кој ќе биде промовиран утре во 12.30 часот.

Од училиштето информираат дека кабинетот е комплетно реновиран и опремен со најсовремена компјутерска опрема и софтвер, како и со најсовремени нагледни средства.  

Сообраќајната раздвиженост на граничниот премин „Меџитлија“ претпладнево е зголемена поради продолжениот викенд. На „Меџитлија“ се чека од 15 до 30 минути. Автомобили со битолски и грчки регистарски таблички чекаат за излезе од Македонија во две колони.

АМСМ информира дека интензитетот на сообраќај на патните правци надвор од градските средини е зголемен. На граничните премини, од македонска страна, нема подолги задржувања за влез и излез од државата.