Ротари клубот од Битола донираше неуробиофидбек апарат на Одделението за ментално здравје за деца и млади при ЈЗУ Клиничка болница Битола. За првпат се набавува ваков апарат, а здравствената услуга ќе биде фондовски покриена. Ќе се користи за третмани на когнитивните способности кај децата, но дава можности за третман и на многу анксиозно фобични болести, стравови, депресија, подобрување на мозочните способности по преживеани инциденти и трауми.

„ Апарат ЕЕГ дигитракнеурофидбек од полски производител, триканален, најнова верзија. Со овој апарат се осовременува третманот на децата со атипичен и типичен развој во нашата болница, покронкретно во Одделението за ментално здравје. Неуробиофидбекот е метода која ги подобрува когнитивните, професионалните и личните перформанси кај пацинетите. Најголем придонес има во подобрување на когнитивните способности, меморија, учење, мотивација посебно кај децата со невро-развојни нарушувања, односно аутизам, ментална попреченост , деца со хиперактивно растројство. Потоа служи и за третман на јазично –говорни проблеми“, рече Билјана Гагачовска специјалист психијатар, раководител на Оделение за ментално здравје на деца и млади при Битолската болница.

Ова е уште една донација на Ротари клубот од Битола, кој и претходни пати имал хумани донации во Битолската болница.

„ Овој парат ќе помогнеме на одредена категоријан деца со попречен развој во унапредување на нивното здравје. Ротари клубот континуирано помага во општеството со одредени донации и прокети од најразличен тип, дали од медицина, образование, мир, во рамки на нашите можности. Сметаме дека оваа активност нема цена“, рече Васко Талевски од Ротари клубот –Битола.

Ж.Здравковска

Новогодишна атмосфера веќе се чувствува во Клиничката Болница во Битола. Денес убав гест од страна на Бугарскиот конзулат во Битола. Ги израдуваа најмладите наши пациенти на Детското одделение како и дечиња кои се згрижени на другите одделенија во ЈЗУ Клиничка Болница. Бугарскиот конзул Димитар Иванов им подари новогодишни пакетчиња и подароци и им посака многу здравје. Од името на вработените во Клиничка Болница Битола како и од името на најмладите наши пациенти им се заблагодари директорот Др. Зоран Лазаров

Пред Ноговодишните празници има голем интерес од страна на јавни и приватни организации за донирање на пакетчиња и друга помош во болницата. Портпаролката Сузана Конеска апелира дел од донациите да се наменат покрај за децата и за другите пацинети во болницата за и тие да можат да ја почувствуваат празничната атмосфера.

ОУ„Гоце Делчев“-Битола  стартува со волонтерската акција во оплеменување на училишниот двор со цртање мурал, финансирана од Буџетот на Општина Битола. Целата е реализација на активности од акцискиот план за развој на волонтерството и организирање на волонтерски акции преку Советот за волонтерство при општина Битола.

Симболиката на муралот е во единството на различностите, кое го градиме преку толеранцијата, комуникацијата, меѓусебното почитување и соработката, со што создаваме позитивна работна клима како поттик за високи резултати. Не е важно само што правиме, туку заедно да правиме нешто од заеднички интерес-за сите, велат волонтерите вклучени во акцијата.

Другарството, љубовта, соживотот да бидат наш секојдневен патоказ. Ние како училиште ги поддржуваме ваквите активности се со цел продлабочување на соработката со локалната самоуправа и невладиниот сектор, велат од училиштето.

-Голема благодарност до градоначалничката на Општина Битола м-р Наташа Петровска, до Совет за волонтерство при општина Битола, до Здружение на активисти за ефективна интеграција на граѓанското општество – Заедничка алтернатива Битола, до претседателот на здружението г-ѓа Мирјана Алексовска, до наставниците, учениците под менторство на ликовниот педагог Кристина Стојанова, родителите  и вработените во училиштето кои максимално и безрезервно учествуваа во оваа волонтерска акција, изјави Биљана Стојковска, директор на ОУ „Гоце Делчев“-Битола.

Битола окована во сињак и магла е доловена  и во уметничките фотографии на Ивона Кочов, фотограф од Битола. Поради светлоста смогот добива неверојатна огнена, но и виолетова боја.

А.Б

Група битолски ентузијасти наречени „Операција кино Партизан“ се жалат дека го исчистиле и средиле старото кино кај Долната гимназија со знаење на Народниот театар од Битола кој стопанисува со објектот, а деновиве добиле најава дека просторот ќе биде издаден под наем. Од Театарот, пак, велат дека не отпочнале постапка за издавање на просторот на поранешното кино „Партизан“ зашто од државните институции во неколку наврати било одбиено нивното барање средства од евентулна наемнина да легнуваат на сметка на Театарот.

Советничката група на ВМРО-ДПМНЕ и Коалицијата денес побараа итна седница на Совет на Општина Битола за да бидат преземени конкретни мерки за намалување на аерозагадувањето.

„Битола ги живее деновите на најголемо аерозагадување, а тоа е погубно за нашето и за здравјето на нашите деца. Браме итна седница на која ќе бидат донесени следните мерки интензивирање на линиите на градскиот превоз, ако треба и овозможување граѓаните бесплатно да го користат во денови во кои загадувањето е зголемено, со што би се намалило значително користењето на автомобилите, регулирање на сообраќајот во централното градско подрачје, забрана за движење на тешки товарни возила низ градот , отстранување од сообраќај на возилата кои не ги задоволуваат потребните еко стандарди, ослободување на учениците од настава и уште ред краткорочни мерки кои се во надлежност на Општината и градоначалничката“, рече Олга Лозановска, советник од ВМРО-ДПМНЕ.

Таа додаде дека ситуацијата со загадувањето е страшна, опасна по животот и здравјето на битолчани и таа не смее повеќе да се крие и да не прави ништо.

Овој пат фронот не е на улицата и во протестите. Проблемот со аерозагадувањето не се решава со бојкот на наставата, туку таа борба започнува во училишните купи и се води на образовен, културен и граѓански начин, им порача Петар Николовски претседател на СДММ на средношколците по најавите дека утре извесна група организира марш со бојкот на наставата.