Битолската Клиничка болница „Д-р Трифун Пановски“ стана болница „Свети Андре“ во филмот „Сирена во Париз“, во режија на Матијас Малзју, кој од денес почна да се снима во оваа здравствена установа во Битола. За потребите на филмот кој е белгиско-француско-македонска копродукција поставен e и натпис со новото име. Денес се снимаше во толаетите, собата за реанимација, ходниците, а следните денови во лобито, чекалниците и на паркингот.

Владата одлучи болните од рак ќе примаат терапија не само во Скопје туку и во подрачните одделенија  и во болниците во Битола и во Штип и низ други градови.

Министерството за здравство ќе треба да достави акциски план со конкретни рокови и правни модалитети за централизирање на дејностите онкологија и радиотерапија во рамките на ЈЗУ УК за Радиотерапија и Онкологија – Скопје со основање подрачни одделенија во ГОБ „8ми Септември” – Скопје, Клиничка болница  Штип и Клиничка болница Битола, како и низ останатите градови во државата, одлучи Владата на денешната седница.

Првоодделенците од основното училиште „Даме Груев" во Битола се едуцираат како да стекнат сообраќајната култура,  да ги почитуваат правилата и прописите за  безбедно да стигнат до училиште.

Денеска СВР Битола и отсекот за превенција, РСБСП, како и претставници од Локалната самоуправа одржаа  работилница со ученици од прво до четврто одделение.

После 8 години одблокирана е сметката и на ОУ „Климент Охридски“ од Битола. Долгот на ова училиште изнесуваше 15 милиони денари или 245  илјади евра, поради што беше отежнато нормалното функционирање . Тоа е едно од десетте училишта во градот кои од 2011 година поради огрмни долгови, имаа блокирани сметки.

Во среда со почеток од 20, 45 часот РК „Еурофарм Работник“ во спортската сала во Битола го игра првиот натпревар со СЕХА лигата на кој ќе се соочи со рускиот преставник „Спартак“ од Москва. Со ова, како што најави тренерот Стевче Алушовски, во Битола по 15 години повторно се врќаат кавлитетните натпревари од СЕХА Лигата и Лигата на шампионите. Од Лигата на шампионите натреварите почнуваат на 15 септември. 

Со смарт табла се опреми еден од кабинетите на Средното економско училиште „Јане Сандански“ во Битола како и со десет нови компјутери кои ќе послужат за предметите  сметководство и практична настава.

Владе Ѓоргиев е новиот ве-де директор на Средното општинско училиште „Таки Даскало“ во Битола. Ѓоргиев  е професор и доаѓа на местото на Елизабета Наумовска која од неодамна е назначена за заменик министер за образование во Владата на Република Северна Македонија. Покрај во Долната гимназија директорски смени  се најавуваат и во други средни школи.

-Се водат  разговори за замена на директорската позиција во Средното медицинско училиште во Битола, бидејќи актуелната директорка  се изјасни дека нема да продолжи со нејзиниот ангажман. Допрва ќе следуваат чекори кои ќе треба да ги утврдат ве де директорските мандати во средните училишта во директорски мандати а некаде и замена, изјави за Апла.мк градоначалничката на Битола Наташа Петровска.