Во рудниците на РЕК Битола е тешко да се работи и зима и лето. Тоа е исклучително одговорна работа, а нема годишно време кое им е наклонето на рударите. Во лето е многу жешко и има голема прашина, а во зима е студено, има вода, поплави, кал. Оваа работа може да биде многу ризична доколку не се почитуваат правилата и работникот не е одговорен. Вака го опишаа своето работно место двајца пензионирани работници од РЕК Битола, Симјан Талевски и Ѓорѓи Сотиров, кои целиот свој  работен век го поминаа  во комбинатот. Тие по повод Денот на рударите заедно со уште 45 вработени во РЕ „Рудници“ добија признанја и награди за посветоноста во извршувањето на работните задачи.

Анита Ангелевска една од дваесеттемина  обвинети во судскиот предмет „Транспортер“ на СЈО за проневера на 360 илјади евра со бесплатниот школски превоз повика од говорницата во битолскиот Совет власта да го провери нејзиното директорување во гимназијата „Таки Даскало“ за време на владеењето на ВМРО-ДПМНЕ. Кога СДСМ  ја презеде власта, гимназијата „Таки Даскало“ каде во еден период и Ангелевска беше директор должеше  и до 25 милиони денари кон добавувачи и општината, и со години беше едно од најзадолжените училишта.  

Па, откако денеска Ангелевска стана на говорница да ја критикува власта за состојбите во образованието при тоа користејќи ги зборовите лажговци , циркуси и хаос во образованието, се охрабри  и повика:

Советот на Општина Битола донесе одлука со која спортските клубови каде што Општина Битола има капитална структура да бидат ослободени од плаќање на надомест за користење на спортската сала „Боро Чурлевски“, рече на денешната седница претседателот на Совет Валентин Груевски. Во исто време беа донесени и одлуки за измени и дополнувања на ценовникот за користење на спортски објекти на подрачјето на Општина Битола.

Општина Битола ќе набави 4 еколошки автобуси и 4 до 5  еколошки мини комбиња кои ќе бидат вклучени во јавниот превоз на градот. Вкупната вредност на овие возила е 1 милион и 250 илјади евра. Автобусите ќе бидат вклучени во меѓуопштинскиот училишен превоз, а комбињата ќе се користат за потребите на граѓаните, за спортисти и спортски натпревари, здруженија на граѓани, ученици, пензионери и др. И автобусите и комбињата ќе бидат во сопственост на новото јавно претпријатие за паркинзи и превоз.

Од денеска  започнува наплатата на  паркинг услугите на четирите затворени паркинзи во Битола: кај Јавор, Стара автобуска, Центар за култура и Спортска сала, информираат од јавното претпријатие за паркинзи.

На денешен ден, 28 август во 1944 г, во село Морани, Скопско, е убиен Томе Димитровски-Томаќи, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија. 

Роден бил во Битола на 1 септември 1922г. Од предвоениот период бил припадник на младинската комунистичка организација СКОЈ.

Во април 1942 г. Станал борец на првиот битолски ПО „Пелистер“. Во септември 1943 г. станал член на првиот народноослободителен комитет (НОК) во Битола. 

Бил откриен и уапсен од бугарската окупаторска полиција, а потоа бил осуден на доживотен затвор.

Казната ја извршувал во затворот во Идризово. По бегството на политичките затвореници од затворот во 1944 г. станал борец во Третата македонска бригада.

Загинал во борбите на оваа единица со бугарските војски.

Подготвил: Алекдандар Литовски, историчар

Родителите на децата што треба да се запишат во основните училишта до 31 август треба да достават потврда дека детето ги примило сите вакцини. Без пополнет вакцинален картон детето нема да биде запишано на училиште. Државниот санитарен и здравствен инспекторат од септември ќе го проверува вакциналниот статут на сите ученици, не само на првачињата.

Битолчанки кои никогаш не биле актерки, синоќа премерно ја изведоа претставата „Жени“ во која со публикаа ги споделија своите лични животни приказни за борбата со канцерот.

ЈП "Водовод"-Битола, на сите граѓани им го честита големиот  христијански празник Успение на Пресвета Богородица