Жители од дивата ромска населба денес повторно поставија смет на обиколницата и го запалија, изразувајќи револт што се оставени без струја. Откако изгоре трафостаницата во населбата Баир поради преоптовареност на мрежата, дел од жителите се жалат дека среде зима се оставени без електрична енергија. Со нивниот начин на протестирање се блокира битолската обиколница, а се оштетува и асфалтот од овој патен правец кој минатата година беше преасфалтуран. Минувачите кои денес не можеа да поминат низ обиколницата коментираа дека со избраниот начин на протест не вршат притисок онаму каде што треба за да добијат струја туку врз граѓаните, случајните минувачи и врз Општината кои не можат да им обезбедат струја. 

275 години ќе ви требаа да бидите на власт за да ги вложите парите што ние ги даваме за животна средина, им рече претседателот на Советот Валентин Груевски на советниците од опозиционата ВМРО-ДПМНЕ кои денес ја критикуваа мерката за субвенционирање на клима инвертери во Битола. На денешната седница беа донесени измени и дополнувања на Програмата за живота средина за 2020 година, со тоа што буџетот се зголемува со 160 милиони денари или 2,5 милиони евра наменети за замена на печките на дрва со инвертер клими.

Времето утре ќе биде променливо облачно и студено до сончеви периоди, а минималната температура во Битола ќе се спушти до -9 степени.

Од сабота метеоролозите најавуваат стабилно време со постепен пораст на дневната температура

Сообраќајот за тешките товарни возила на  преку планинскиот премин Плетвар се одвива забавено, со повремено пропуштање, информираат од АМСМ.

За останатите видови на возила сообраќајот се одвива без забрани, во зимски услови, но на одредени делови на Плетвар има застој и колони, с се пропуштаат по неколку возила,  информираат за апла.мк, возачи кои во моментот го минуваат овој патен правец.  

Силниот ветер прави наноси на снег на коловозот,  кој подмрзнува  на температура од  -5 степени, поради што е потребно крајно внимателно возење.

Екипите на Македонија пат  се на терен и го посипуваат патот со сол и ризла.

Инаку, сообраќајот на државните патишта се одвива по влажни коловози, наместа со остатоци од кашест снег. Слаб снег провејува во Ресен, Крушево, Делчево и на планинските премини Буково и Ѓавато, но за сега не преставуваат пречка за одвивање на сообраќајот.

Прооден е патот за Пелистер кој води до ски центарот Копанки. Од  „Македоднија пат“  за апла.мк информираат дека патот е целосно исчистен и дека битолчани можат непречено да стигнат до Копанки. Мал застој имало утрово кога на возилото на „Македонија пат“ му пукнала гумата. По промената екипите продолжиле со чистење.

На дневен ред на седницата на Советот  на Општина Битола денеска е правилникот за условите и критериумите според кој ќе се наодместуваат трошоците на домаќинствата за замена на печките на огревно дрво со инвертер клими. Исто така со овој правилник се утврдуваат и зоните на подрчајето на Битола кои ќе бидат опфатени со оваа мерка.