Извршниот одбор на Здружението на пензионери од Битола беше домаќин на највисокото републичко раководство на Сојузот на пензионери на Македонија.

Велигденскиот базар кој вчера се одржа во Битола на плоштадот Магнолија собра скромни средства , но ја покажа хуманата димензија на битолчани, велат од Здружението на граѓани за советување , поддршка на лица со карцином или лица кои се излечиле -„Јасмин“ од Битола.  Организатори на настанот беа Ани Митревска, Анета Димитриевска и Александра Илиевска.

Ани Митревска  вели дека собрани се средства за неколку патувања до Скопје и за третмани, но забележува дека ниту една поголема компанија од градот не се приклучила на хуманитарниот базар.

-Голема благодарност до граѓаните, фирмите и поедици од градот што донираат за акцијата. Битолчани ја покажаа својата хуманост. И еден апел до големите фирми и претпријатија да се вклучат во нашата акција да не останат неми на нашиот повик, зошто Битола  е град со 2400 заболени од рак, од кои дури 8 деца. На овој базар се приклучија само помали фирми како бутици, пекари , цвеќари, а каде се оние поголеми  општествено одговорни компании ,рече Ани Митревска од „Јасмин“.

Таа ги ги повика  граѓаните заболени од  рак да им се приклучат во здружението во борбата со оваа опака болест и ги повика и надлежните институции да ги слушнат нивните проблеми.

Градежни парцели со намена за деловни простори во локалитетот АРМ, за првпат комплетно инфраструктурно подготвени со целосно изградена инфраструктура, беа претставени пред потенцијални инвеститори од ИТ секторот. На презентацијата, присутните имаа можност да се запознаат со локациите за изградба на објекти, површина, како и за постапката за електронска аукција. Градоначалничката Наташа Петровска најави дека наскоро ќе следува објава за слободните парцели за оваа намена, а општинската администрација е подготвена да им одговори на сите прашања на заинтересираните страни, со цел создавање услови за рамноправен натпревар на сите заинтересирани субјекти.

По цели 37 години работа за првпат ќе се реконструираат електростатските филтри на блоковите на енергетскиот стожер во земјава, РЕК „Битола“. Загрижува податокот што филтрите на првиот и вториот блок биле градени во периодот од 1979 до 1982 година, на третиот блок во 1986 година, а до денес не претрпиле никаква ревитализација. Дури и кога во 2007 година претходното раководство на Комбинатот ја започнало постапката за добивање на А интегрирана дозвола, иако намалувањето на прашината бил еден од условите, сепак, не се започнало со „освежување“ на филтрите.

58 годишен холандски моторџија загина во сообраќајна несреќа попладнево околу 17 часот на излезот во Битола над Довлеџик на кривината за Пелистер, соопштија од СВР Битола за Апла.мк.

Јавното претпријатие "Стрежево" и Техничкиот Факултет од Битола потпишаа Меморандум за соработка.

Хотел „Молика“ кој работи како подружница на ЕЛЕМ Турс, еден од македонските туристички брендови, денес прослави 25 години постоење. По тој повод во употреба беше пуштена и летна тераса. Директорот на Друштвото за туризам, угостителство, рекреација и спорт ЕЛЕМ Турс, Џемал Јусуфи рече дека од 1994 година кога хотелот бил пуштен во употреба, па се до денес оставрил над 400 000 ноќевања на домашни и странски туристи.

Делегација од австриски експерти на средба во Министерството за земјоделство размени искуства и оствари првични контакти за продлабочување на соработката во областа на млеко производство како и развојот на руралниот туризам. Првата средба на претставниците од австрискиот земјоделски кластер искористена за размена на информации и скенирање на состојбите со цел да се планираат натамошните стручни соработки и планирање на активностите.