Голем број битолчани ја дочекаа Новата 2019 година на плоштадот Магнолија во Битола. Точно на полноќ, со голем огномет беше означен влезот во Новата година,  по што беше прочитана новогодишната честитка од градоначалничката на Општина Битола, Наташа Петровска, која беше меѓу своите сограѓани на Магнолија. 

Општина Битола, хумани луѓе и претпријатија од  градот и оваа година ги израдуваа со подароци и донации  четириесетте ученици во посебните паралелки во ОУ „Ѓорѓи Сугарев“ во Битола. Со овие деца работат дванаесет дефектолози кои постојано посетуваат семинари и ги следат светските трендови за рехабилитација на децата со посебни потреби.

-Голема благодарност до градоначалничката Наташа Петровска која децата ги израдува со новогодишни пакетчиња, велат од ОУ „Ѓорѓи Сугарев“ во Битола.  

Од таму набројуваат дека во овие предновогодишни денови, децата во посебните паралелки беа израдувани со новогодишни пакетчиња и од Здружението на пензионери од Битола, Стопанска банка –Битола, Сокотаб, Лајонс клуб-Битола, како и донации од ФОД-Битола и Синдикатот  на ФОД ДООЕЛ-Битола  предводен од Александар Иванов.

-Исто така им благодариме и на Кромберг и Шуберт-Битола за донацијата на 11 таблети.  Голема благодарност  и до наставниците и учениците од гимназијата „Таки Даскало“, кои со нашите ученици организираа заедничка новогодишна работилница, а  исто така  благодарност и за посетата на младите лајонси, велат директорката Валентина Петреска и тимот дефектолози  од ОУ „Ѓорѓи Сугарев“ во Битола.

Младиот битолчанец Марјан Зисовски денеска беше првиот кандидат кој полагаше практичен дел од возачкиот испит на новиот полигон во Битола. Тој се стекна со возачка дозвола од Ц категорија.

Од денеска започнува со работа новиот полигон за полагање на практичниот дел од возачкиот испит во Битола. По 5 годишен застој, откако МВР го забрани полигонот на паркингот пред спортската сала поради тоа што не ги исполнуваше стандардите, Битола доби нов полигон.

Општина Новаци  и градоначалникот Љубе Кузмановски на сите граѓани и  им ги  честитаат    Новогодишните празници со желби за добро здравје, среќа и успех во Новата 2019 година 

Електрани на Македонија Подружница РЕК Битола  на сите граѓани  им ги  честитаат  Новогодишните празници со желби за добро здравје, среќа и успех во Новата 2019 година 

Вработените од Јавното претпријатие „Стрежево“ од Битола на сите граѓани  им ги  честитаат  Новогодишните празници со желби за добро здравје, среќа и успех во Новата 2019 година 

 Во недела во текот на ноќта и во понеделник ќе има локални врнежи од дожд и снег на пониските, а снег на повисоките места и на планините.

Учениците од СОУ „Таки Даскало“ од Битола, заедно со своите ментори,  предновогодишно подготвија настан насловен „Queen - музички спектакл со хумана мисија и љубов кон уметноста“. Познатите хитови на легендарната музичка група Queen беа интерпретирани од ученици на ова средно училиште под ментортсто на професорот по музичко образование Христијан Петковиќ. Во духот на новогодишната атмосфера, овој настан имаше хуманитарен карактер, а учениците од Еко клубот при СОУ „Таки Даскало“ - Битола, под раководство и организација на професорката Драгица Здравковска, реализираа хуманитарна акција за детски играчки и материјални средства кои беа донирани во Заводот за рехабилитација на  слух и говор  во Битола.