Во време кога сите размислуваат како да заминат оттука, Младинскиот културен центар од Битола и Инфо клубот со поддршка од Општина Битола,  УНДП и Фонд за иновации и технолошки развој, преку Саемот за кариера ги отвoраат вратите на комуникација помеѓу младите и бизнис-секторот, каде можат да се стекнат првите работни искуства, но и со можностите кои ги даваат неколку програми за финансиска поддршка, со која ако имате добра идеја за бизнис ќе станете претприемач.

Негувајќи ги заложбите за општествена одговорност, Државна видеолотарија на РМ денес беше местото каде паралелно се реализираа неколку хумани активности: крводарителна акција, донација во храна и облека за социјално загрозените групи.

По повод 100 годишнината од завршувањето на Првата светска војна, денеска започна дводневната конференција „Социо-културни аспекти на Првата светска војна“ во организација на НУ „Завод и музеј“-Битола и ЗРАТ Љубојно. Целта на оваа Конференција е да се подигне свеста на јавноста за различни аспекти на Првата светска војна со што ќе им се оддаде почит на сите индиректни учесници и цивилни жртви кои останаа неспоменати во сите воени и историски документи.

Вреќите од јаболка што несовесни луѓе ги оставиле по нивите крај патот од Ресен за грчка граница, како лампиони се зафатија за дрвјата. Купиштата расфрлени вреќи ги фотографиравме во близина на село Курбиново.

Во Генералниот конзулат на Република Бугарија во Битола ,градоначалникот на општина Новаци Љубе Кузмановски и Генералниот конзул на Р.Бугарија во Битола, Димитар Иванов потпишаа договор за доделување на неповратна финансиска помош на Општина Новаци на основа на политиката на Р.Бугарија за учество во меѓународната соработка за развој.

Финансиската помош се доделува за реализација на проектот „Реконструкција на покрив и спортска сала за подрачното училиште во село Бач“.

"Соработката со Р.Бугарија преку Генералниот конзулат на Р.Бугарија во Битола дава позитивни придобивки.Оваа финансиска помош позитивно ќе се рефлектира во подобрување на училишната средина и условите во неа .Со реконструкцијата на подрачното училиште во селото Бач ќе ги подобриме условите за настава ,со што би обезбедиле поквалитетен ,поефикасен образовен процес.Училишната средина е одраз на животот во заедницата.Со градење посигурно,подобро и поефикасно училиште со ефективен образовен процес се подобрува целокупниот живот во заедницата"-истакнува градоначалникот Љубе Кузманоски.
Општина Новаци посветено работи на обезбедување на подобри и поефикасни услови во основните училишта на подрачјето на општината.

Во средното општинско земјоделско училиште „Кузман Шапкарев“ – Битола се реконструира кровот и се препокрива објектот. Санацијата е овозможена со средства  од А.Д МЕПСО во висина од 2,500,000 денари. Ова битолско училиште е со 110 годишна традиција  и во последните децении не се памети поголем реконструктивен зафат. Училиштето беше маргинализирано во споредба со други школи во градот и не беа направени никакви вложувања и санации.

Традиционално како и секоја година, на плоштадот Магнолија се поставува новогодишната елка. Работници денес ја монтираат елката висока повеќе метри. И годинава дочек на Нова година во Битола ќе биде организиран на плоштадот Магнолија. .

Се почеста е сликата низ градот на оставени хаварисани возила на  јавни површини, пред зградите или на улиците  покрај  куќите. Со години овој проблем се провлекува, а ваквите возила се оставени буквало насекаде, па дури и на пешачките патеки. ’Рѓосани, со издишани гуми, без регистарски таблички, нивните сопственици ниту се потрудиле да им го најдат чарето. Битолчани реагираат и негодуваат затоа што хаварисаните возила непотребно зафаќаат места за паркирање, кои  секогаш недостасуваат.

Во центарот на градот каде  е тешко да се најде паркинг простор за автомобилите, несовесни сопственици со години ги оставаат и едноставно ги забораваат  своите хаварисани возила. Само на „Партизанска на потегот од „Симпо“ до Музејот има две такви возила, едно е оставено спроти Влашката црква, а друго во близина на Градската библиотека, а ги има уште на неколку локации само во централното градско подрачје.  

Од Комуналната инспекција на Општина Битола велат дека граѓаните имаат право да пријават до нив за одредено хаварисано возило , така што ако возилото е регистрирано нема да се отстрани, но доколку не е, тогаш се поведува постапка за негово отстранување, а несовесниот сопственик ќе подлежи на соодветна казна,  со што и отстранувањето на возилото ќе биде на негов товар.  

Граѓаните , пак бараат надлежните да ги отстранат  овие возила и да се определи локација во Битола каде што ќе може да се складираат хаварисаните автомобили, затоа што сопствениците очигледно не сакаат да платат за транспорт и отстранување , а вака  на оставени хаварисани возила без регистерски таблички никој ништо не им може.  

-Процесот на амнестија е во тек, парламентарната група која што е избрана да работи на оваа проблематика го финализира крајното решение. Сакам да ја информирам јавноста, дека многу строго правиме дистинкција меѓу две групи -граѓани кои што, условно кажано, влегле во Собранието на РМ на 27 април 2017 година, односно правиме разлика меѓу оние кои што иницирале, нарачале ио организирале насилство во Собранието и оние кои што на некој начин биле заведени да бидат дел од истото. Ве уверувам дека сите оние кои што направиле злодело на 27 април ќе одговараат, сите останати, кои на некој начин биле заведени во таа насока, ќе бидат ослободени од обврската. Сакам да истакнам дека во иднина, независно кој какво дело ќе направи ќе одговара согласно законите во РМ, рече Кирацовски денеска во Битола. 

Слепите и лицата со оштетен вид од пелагониските општини добија Ресурсен центар каде ќе можат да се едуцираат и на забавен начин да го минуваат времето. Книги на Брајово писмо, техника која ги зголемува фонтовите на пишани текстови, компјутери со аудио програма која овозможува преку говор да се користи интернет, забавни игри и друга техника им е ставена на располагње во Регионалниот ресурсен центар за слепи и лица со оштетен вид што денес се отвори во Битола.