Во рамките на проектот„ Мултиетничка интеграција во образованието“, СОУ „Таки Даскало“ од Битола денеска организираше мултиетничка кујна. Полните трпези со кулинарски специјалитети беа подготвени од тимот што го спроведува проектот, составен од припадници на различни етнички заедници. Професорите,  учениците, како и гости од други училишта имаа можност да пробаат различни видови храна, но и да се дружат меѓусебе

Од опозициската ВМРО-ДПМНЕ денеска на прес конференција, што се одржа пред посетата на премиерот Зоран Заев на Битола, до него упатија повеќе прашања за работата на локалната власт.

Финансиска поддршка од државата за исплата на долговите во училиштата и изградба на стадионот „Под Тумбе кафе“ вети премиерот Зоран Заев при денешната посета на Општина Битола. Долгот на битолското образование што го наследи новата локална власт е над 4 милиони евра, а Заев најави дека за подмирување на обврските ќе се искористат средства од Европската банка за обнова и развој.

При денешната работна посета на Битола, одговарајќи на новинарско прашање околу преговорите за името меѓу Македонија и Грција, премиерот Зоран Заев, рече дека се надева на решение пред ЕУ самитот во јуни.

Земјоделството е најперспективната гранка во македонската економија, беше речено на прославата на стогодишниот јубилеј од производството на првиот трактор „Џон Дир“. Домаќини на настанот кој се одржа на спортскиот аеродром во Логоварди, беа американската компанија „Џон Дир“, Синпекс-Битола и ЗК „Пелагонија“-Битола.

-Денес започна асфалтирањето на излезот во правец Битола -Прилеп. Наскоро тротоари и осветлување, ова им го соопшти на граѓаните градоначалничката Наташа Петровска, на нејзиниот фејсбук профил.

Здружението КОНТИНУУМ-Битола го реализираше вториот дел од обуките за професионален развој на наставниците и стручните соработници во ОУ „Славко Лумбарковски“ во Новаци.

Проектот е во рамките на годишната програма за работа на училиштето, со поддршка на Советот на Општина Новаци и градоначалникот Љубе Кузмановски, а е одобрен од Министерството за образование.

Промена на седиштето на Правниот факултет на битолскиот Универзитет „Св. Климент Охридски“ од Кичево во Битола, побараа битолските пратеници Александар Кирацовски и Горан Милевски преку предлог измени по скратена постапка на постојниот Закон. Предлагачите го поднесоа предлог законот до Собранието на РМ на 4 мај, а во образложението се наведува дека Правниот факултет во Кичево досега се соочувал со повеќе проблеми и потешкотии во неговот функционирање, одржливост и развој

Општина Битола во соработка со Јавното претпријатие „Нискоградба“ започнаа со санација на патот до манастирот „Св. Атанасиј“ во село Црнобуки.

 Патот досега беше калив и тешко прооден, а со санацијата на триста метри од него се очекува да се подобри инфраструктурната поврзаност со манастирот. Активностите предвидено е да завршат во текот на оваа седмица.

Силно невреме со врнежи од град со големина на орев ја зафати Преспа попладнево. Се очекуваат големи штети кај јаболкниците.

„Невремето ги зафати селата што гравитираат околу Ресен, и тоа на кај Евла, Болно, Дупени, поранешниот блок на Агроплод каде што сега се наоѓаат приватни парцели и други места. Силно врнеше град, на почетокот суво без дожд. Ги исчука јаболката по повеќе пати, некаде удирани се и по десетина пати, а мали се колку лешник. Се очекуваат големи штети“, се пожалија жители од Ресен.

И минатата година во овој период Ресенскиот регион беше погоден од град кој предизвика големи оштетувања кај овошките.