Уметничката инсталацијата "Handle with Care" на 13 ноември со почеток од 18.00 часот ќе биде отворена во просториите на Центар за култура (фоаје први спрат) во Битола. Здружението за акција против насилство и трговија со луѓе - Отворена Порта Скопје  е организатор на уметничката инсталацијата со поддршка на Амбасадата на Кралството на Холандија во Македонија и Тирана.

Инсталацијата Handle With Care е иницијатива на уметничките Patricia Kaersenhout and Jimini Hignett како дводелна изложба во Tropenmuseum во Амстердам како дел од изложбата за комеморација на 150 годишнината од укинување на ропството во Холандија.

Handle With Careе насочено кон постоењето на денешниот вид на ропство, брутална реалност за жените кои биле турнати во ланецот на трговија со луѓе со цел сексуална експлоатација.

Подот на инсталацијата е обложен со прекрасен тепих направен од користени, црвени, женски алишта. Посетителите мораат да одат врз тепихот за да ги разгледуваат останатите изложени експонати, ова ја симболизира опресијата на жените и начинот на кој правата на жените се континуирано исфрлани и погазени.

Вториот дел од инсталацијата се видеа од растечкиот серијал на уметничката, Монолози од Проститутки (The Prostitution Monologues), направени во соработка со жени кои успеале да излезат од присилна проституција во Холандија и од други простори. Отворена порта/ Ла Страда како координатор во Македонија на овој патувачки проект организира промотивни настани и дискусии во 3 градови во Македонија (Скопје, Битола и Тетово).

Целта е да се подигне свеста во нашите заедници во врска со трговијата со луѓе како вид на ропство и преку уметноста ќе успееме да ги прикажеме женските животни приказни ширум светот.

Ве известуваме дека на ден 11.11. 2018 година (недела) од 10-16 часот поради реконструкција на водоводна мрежа,  работи на  регионален цевковод,   ќе има прекин на  водоснабдувањето во селата:

Кравари, Оптичари,  Егри, Кременица, Гермијан, Лажац, Меџитлија и Жабени („Кронберг и Шуберт“)

ЈКП „Водовод“- Битола

Александар Гоцев од Богданци е најновиот милионер. Дваесет и петгодишниот студент во Германија, стана сопственик на најпосакуваната МИЛИОНЕР ЏЕК ПОТ добивка на Државна видеолотарија на РМ. Неговата добивка е вредна 1.462.511,00 денари. МИЛИОНЕР ЏЕК ПОТ добивката е освоена на 09.11.2018 во Спорт Лаиф Трејд во Богданци.

Во Кривичниот суд Скопје денеска треба да се одржи  ново рочиште  за предметот на Специјалното јавно обвинителство „Транспортер”.На обвинителна клупа денеска, треба да седнат поранешниот битолски градоначалник Владимир Талески и уште 20-тина лица во овој случај кои се товарат за злоупотреба на службената положба во врска со организирањето превоз на ученици во Битола, со што е направена проневера на околу 360.000 евра.

Интересен цртеж кој наликува и на карикатура и на духовит начин го исмева менито на војниците кои Божиќ 1916 година го поминале во рововите низ битолско , беше дел од изложбата „100 години од крајот на Македонскиот фронт“ поставена на 4 Номеври во битолскиот Завод и музеј. Во изложбата изработена од наставници од Скопје и Битола, членови на АНИМ - Асоцијацијата на наставници на Република Македонија, покрај фотографиите и податоците кои говорат за теророт, беше објавен и овој несекојдневен цртеж.

За над 40 проценти зголемен е бројот на ноќевања на странски туристи во Битола за месец август 2018 година во споредба со истиот месец лани, покажаа податоците на Заводот за статистика.

Во осми месец оваа година во Битола регистрирани се 11 396 ноеќвања, а истиот период лани 6822, во 2016 година пак, 4797.

Градоначалничката Јасмина Гулевска после една година од преземањето на функцијата градоначалник на Општина Могила, во соопштение до јавноста откри дека  за една година власт  успеала да исплати повеќе од половина од наследениот долг на општината.

-Пред да ја преземам функцијата градоначалник бев свесна дека ќе се соочам со финансиски проблеми и долгови на општината. Ја презедов таа одговорност и се задолжив да работам чесно и транспарентно, граѓаните имаат право да ја знаат вистината за фактичката состојба на нашата општина.

По извршената внатрешна финансиска ревизија висината на долгот изнесуваше 30.437.408,00 денари.

И покрај малиот буџет со кој располага општината со гордост можам да кажам дека исплативме 17.141.726,00  денари.

Зелено знаме добија основните  училишта од Битола, „Гоце Делчев“, „Коле Канински“, „Тодор Ангелевски“,„Св. Климент Охридски“ , Ѓорѓи Сугарев“ , додека ОУ„Даме Груев“-се здоби со статус бронзено ниво. Овие училишта учествуваа на објавениот Конкурс за наградување на градинки, основни и средни учлилишта вклучени во првата, втората и третата година од имплементацијата на програмата „Интеграција на еколошката едукација во македонскиот образовен систем“. Училиштата и градинките од државата кои ги задоволуваа предвидените критериуми и услови, се наградуваат со соодветниот статус за кој аплицирале на овогодинешниот конкурс.  

-Зелено знаме за ОУ„Гоце Делчев“-Битола. Честитки и благодарност до сите учесници во реализацијата на активностите од програмата „Интеграција на еколошката едукација во македонскиот образовен систем“, вели  директорката на ОУ „Гоце Делчев“-Битола, Билјана Стојковска.

Директорката на ОУ „Тодор Ангелевски“, Љубица Стерјева“,смета дека „највисоката еко награда ја добиваме потврдено, ние сме вистински екологисти, честитки за координативниот училишен еко тим“.

Официјалното доделување на зелените знамиња и сертификатите за соодветниот статус традиционално ќе биде реализирано на седмиот по ред Еко-самит,за што дополнително ќе биде одреден терминот.

Булук кози слободно пуштени да пасат без придружба на козар и тоа пред зградата Јури во поранешнара Касарна, фотографираше денес читател на нашиот портал Апла.мк и ни ги испрати фотографиите до редакцијата. Козите пасат во Касарната, населба која е во изградба и се најавуваше како елитна. Читателот вели дека го изеле посаденото зеленило и покрај повеќето жалби упатени од жителите до надлежните служби да се спречи испаша на добиток во урбаниот дел од касарната.