Непознати лица ги украле семафорите со акумулатори и патната сигнализација кои во петокот беа поставени кај свлечиштето на обиколницата над Битола што е дел од регионалниот пат Прилеп-Охрид. Редакцијата на Апла.мк во петокот направи фотографии од поставените семафори и ги објави на порталот, но денес местото е празно.

Една година по свирепото убиство на својата сопруга Е.Д (47), се самоуби битолчанецот И.Д (54) години, кој утрово во 6 часот е пронајден обесен во притворското одделение во затворот „Црн мост“ во Битола. Него го пронашол вработен во затворот по што била повикана Брза помош која само ја констатирала смртта.  

65 годишен битолчанец С.С. утрово почина  кај месноста Неолица, откако со своите пријатели тргнал на пешачење, потврдија од битолската полиција.

Нeвремето во текот на ноќта со врнежи од дожд и силен ветер не предизвика поголеми штети во битолскиот регион. Од Центарот за упаравување со кризи во Битола, за Апла.мк изјавија дека кај нив, засега, нема пријави на штети, освен проблемите во снабдувањето со електрична енергија во битолските села Бач, Сливница и Скочивир.

Битолчанецот  Никола Гаговски, е избран за нов претседател на Независниот синдикат на шумската полиција и администрација, на вонредното изборно  собрание што се одржа вчера во Штип. Гаговски работи  во шумската полициска станица во Битола.

Вчерашното Собрание беше свикано бидејќи досегашната претседателка Аница Симонова од ШПС, Крива Паланка е назначена за началник на Секторот шумска полиција при Министерството за земјоделство, шумарство и водостопанство на Р. Македонија.  Во изборот за претседател на Синдикатот беа шест кандидати, од кои со мнозинство гласови е избран Гаговски.  

Вчера  на Собранието беше изгласано и ново претседателство.  

Пожар избувнал вечерва покрај патот Битола - Ресен, во близина на битолското село Ротино, откако во текот на денешниот ден во повеќе наврати жителите потпалувале стрништа. 

НУ Универзитетска библиотека „Св.Климент Охридски“ – Битола, Фондацијата „Чекор по чекор“  и „Сумнал“ – Здружение за развој на Ромите заеднички  го одбележуваат 2 Април  -Светскиот ден на книгите за деца  и 8 Април -  Меѓународниот  ден на Ромите

Настанот ќе се одржи во понеделник со почеток во 11 часот и ќе трае до 14 часот.

За таа цел, ќе биде промовирана кампањата „Прочитај ми сказна за да го разберам светот”,  со цел да се популаризира читањето книги кај ромските деца од најмала возраст, како и кај сите деца.

Кампањата ќе опфати средба со писатели, читање на книги од  познати личности, едукативни работилници за деца и родители.

Ќе бидат присутни ученици од основните училишта од Битола  „Стив Наумов“,  “Гоце Делчев“ , децата од градинката „Естраја Овадија Мара“ – Битола, „Сумнал“ – Здружение за развој на ромската заедница.   

„Следењето на модерните текови е резултат на нашите настојувања,  библиотеките да работат во пресрет на потребите на заедницата, особено на најмладите учесници како наши идни корисници.Со цел да се популаризира книгата и читањето од најмала возраст потребно е примена на нови форми и методи кои се прифатливи за нивната возраст,  причинувајќи им  задоволство и воодушевување и тоа  преку игра и забава и користење на соодветен дидактички материјал“, велат од Библиотеката.

Проектот на УСАИД „Со читање до лидерство“ во рамки на компонентата „Вклучување на семејството и заедницата“, која има за цел да го подигне интересот кон читањето и математиката кај најмладите ученици и да ја вклучи целата заедница во овие активности со децата, најавува  и посета  со „Библиотеката на тркала“ во училиштата . „Библиотеката на тркала“ претставува специјално пренаменето возило, опремено со книги и дидактички материјали за читање и математика со кое ги посетуваме училиштата од сите региони во државата за да им овозможиме пристап до материјали за учење на учениците од 1 до 3 одделение.

Oсвен во областа на образованието, Сумнал големо внимание осврнува и   стреми кон зајакнување на капацитетите на ромската заедница преку подобрување и развој на ромската култура, јазик и традиција како и промоција на позитивните вредности на културата на Ромите како услов за унапредување на современото македонско општество и рушење на стереотипите и предрасудите.

„Во однос на културата и негувањето на традициите, мораме да напоменеме дека Сумнал секоја година традиционално го одбележува денот на Ромите, кој секогаш е на 8 Април. По тој повод се организираат различни активности и работилници на кои се зборува и твори за овој многу значаен ден во историјата на Ромите“, посочуваат од НУУБ „Св.Климент Охридски“ - Битола

Општина Новаци денеска прослави 22 годинa  од своето основање, а Советот одржа свечена седница на која свое обраќање имаше градоначалникот Љубе Кузмановски.

Претседателот  на  Здружението на пензионери- Битола, Томе Илиоски,  после два мандата раководење не сака да си замине од функцијата, тука бара начин да си го продолжи мандатот за уште десет месеци, обвинуваат група на пензионери од градот.  Илиоски е татко на актуелниот пратеник на ВМРО-ДПМНЕ, Зоран Илиоски. Тој  тврди дека статутот е сменат е дека има право на продолжување на мандатот . 

Во просториите на битолското Здружение на пензионери денес пред да се одржи седница на Собрание, атмосферата беше тензична, со расправии на  повисок тон.

Ставени се во функција семафорите на обиколницата над Битола. По поставувањето и вклучувањето на  семафорскиот систем се очекува до вторник да биде донесено и решението за пуштање во сообраќај на обиколницата над Битола, а со тоа и растеретување на сообраќајот низ градските улици од тешките товарни возила кои само транзитираа низ Битола.

Веста ја потврди Зоран Илиоски, технички директор на фирмата изведувач „Илинден “ од Струга која работи на санирање на свлечиштата на обиколницата.